أشعار الأراجوز

بندعي ربنا ولا مرة يجمعنا، بالكداب وأي حد يزعلنا  ويخلي حبيبنا صاحبنا قريبنا، و يزيد الحلو اللي ما بنا الدنيا تبقى حلو جامد  لو عندنا ع الأقل واحد  نحكي له يشكي لنا  مرة نسمع مرة نساند  الأيام تعدي علينا هوا  وأنا وانت مع بعض سوا  ونجرب كل حاجة  ونقرب اكتر سنة ورا سنة  بتمنى ليك اللي أنا بتمناه، لنفسي ويتحقق وأنا معاه تحتاجني تلاقيني معاك أساسي، وانت في ثانية ألقاك فوق راسي 

انت تطلع مين  وجاي من فين  في كلمتين  وبشكل مختصر  لو تعريفي إلزامي  انا شخص انهزامي  بسرعة بتكسر  الوحيد اللي خسر  كل الحاجات الحلوين  الفشل هو نظامي  ف الحزن اتحصر  مستقبله ظلامي التعريف ده يكفيك  لو عايز كلام يرضيك  معنديش حاجة ليك  غير سيبني في حالي  دي مش شكوى  ولا بكرة هبقى  البقاء للاقوى أبو حظ حديد  وأنا حظي رامي  فوطتي واحلامي من زمن بعيد يعني مفيش جديد الاحباط لقى مآوى عندي وأهو قدامي  عايش سعيد وأنا تعيسه أيامي 

روتين وملل  وعمر بيجري بسرعة  يدوس ع الآمل  طب والعمل  معنديش إجابة يا جماعة  النصيب والقدر  تملي جاهزه الشماعة  لحد ما نكتشف الخلل  دنيا عامله زي المخلل  تطلب جزر ينزلك ليفت  حظ عايز له محلل  يرجعنا ليه ولو شيفت  عالم خلاط  بنضرب فيه ع الهادي  ويخلينا ع البلاط  وناس ع البساط  طايرين بشكل مش عادي  وناس بساط  بيحلموا بكوباية زبادي  والحلم منهم شاط 

عايش تملي بخطط  لكل حاجة ولكل ثانية جاية  وتضحك الدنيا وتقولي بطل سذاجة مينفعش معايا خطة وتحس إنك متظبط  حاسس إني متلخبط  ومش قادر أعيط  ويقولوا مكسور  عايم وأنا متربط  متكتف حلمي متشحطط و طموحي مقهور  العالم كأنه متسلط  عليا من حد وجاي عليا جامد  بعافر وبعاند ومفيش فايدة بجد مش نافع الصح  ومش عايز اغلط

انت الوحيد اللي يستاهل اسيب الدنيا وأعيش جنبه  دول قالوا العشق مراحل  وهو بلمحة خطفني قلبه  هعيش أحبك  و ده وعد مني متتعبش نفسك  أنا المسؤل عن سعادتك  انت اللي مالي عينيا  ولا غيرك يتحب يا عمري  اللي مالي عليا الدنيا وخلاني نسخة أحسن مني 

اتمنى فعلاً تكون بجد كويس وفراقنا يكون مع حالك فرق  وبطلت قلق وبقيت قادر تمييز  أي شيء في حياتك مميز ما احنا مع بعض عشنا سنين  عمرنا عمرنا ما كنا كويسين  خلينا نشوف حالنا بعد فراقنا  اختلافنا ولسه في تعبنا مكملين  أنا عن نفسي أهي بتعدي الأيام بحاول أتعود على حياتي الجديدة  يمكن سعيدة ويمكن دي أوهام  جايز بعدين ابقى تمام