أشعار الأراجوز

يا مسهل سهل الحكاية ديا  أنا عاشق سهل توصل ليا احلامي بسيطة ف الهوا سارحة يا نور و نور لي عينيا يا حب جه مسا عليا انت صاحب و أهل أحلى فرحة تشتريني بنظرة رضا، بضحكة كدة و تأكليني الحلو من حلاوتك ع الغدا اسقيني شويا محبة، و حبة حبة تهنيني يا حلو دي غلاوتك بكل الأحبة حقك عليا دة أنا مقدرش  تيجي كدة ليا و محبكش  اللي بتمناه تبقى كل حياتي  يا رب طب ما انت عارف  الحريق شب من نظرة معارف  وصوه عليا أنا كدة وحياتي 

أنا راجع لك ندمان  بتمنى حب زمان يكون لسه موجود بحلم بأخر خيط كدة في علاقتنا يكون لسه مربوط عرفت غلطي أنا دلوقتي  ولا عرفت أخطي خطوة واحدة جاي أعترف و بقدم أسف  حالتك زي حالتي ولا الوضع مختلف أنا راجع لك خلصان  مستني عطف و إحسان واثق في حنيتك  واحشني ايوة حنيت حتى لوقت خلافاتنا رجعني لجنتك 

انا بحبك انت  كدة زي ما انت، بحبك لو اتفقنا و هحبك لو اختلفنا هنفضل كدة و زي ما احنا و لو اتغيرت حتى  انا بحبك انت  بحبك زي ما انت، هفضل ف صفك  ولو اتغير وصفك  بحبك في قوتك و ضعفك  و هقولها لحد امتى طول عمري كان نفسي  أعيش معاك اتنفس هواك  اتكلم كلامك احلم أحلامك  يعني مش من خلاف  ولا كام اختلاف هنسى أيامك  قلبي دة اللي ياما اتمناك عشت عمري و انت بس اللي اتمنيته من قلبي حبيته عاشق نارك و هرجع اختارك تملي في كل مرة 100 مرة مشواري مشوارك و قلبي ما انا ليك اديته 

سؤالك عليا مش هيهون عليا  ولا هيغير في الحكاية حاجة ولا هيرجعك عزيز عندي تعبان شويا و اتغيرت حاجات فيا و الأكيد مش هحن ليك ساعة هفضل في النهاية بعدي و دي فترة و تعدي  حتى لو طولت، دي مكانتك بقلبي  خلاص اتبدلت  و دي فترة و تعدي  زيها زي غيرها، و صورتك و انت جنبي  مش طايقها وفر على نفسك كل كلامك و أسفك  بتقول ندمان طب انت حر اندم زي ما انت عايز مقدرش أنكر قولت مش هقدر بس قدرت أهو و وصلت للبر و نسيتك زي ما كنت عايز 

انتي اللي بغني لها انتي ليالي السهر  و الله على ليلها منورة فيه زي القمر انتي مش من الأرض أكيد من الجنة و الله على الرد لما سمعتها الغنوة انتي الأغنية أحلى كلمات و مزيكا  و انتي أعز ما ليا و انتي نور عينيا انتي صاحبتها  قلبي كان انتيكا  مشاعر فيا صحتها  مالهاش زي في صحبتها  انتي اللي حبيتها جيتي في الأوان  لو اجيب سيرتها الدنيا تتلون ألوان  بجد مش معقول ف ناس كدة حلوة انتي اللي فيها بقول و بكتبلها ألف غنوة 

بيخاف من الوحدة و خايف ليه  دي الوحدة حنينة عليه  أكتر من الناس أكتر من الأيام  فاتح قلبه بس مغمض عينيه  جه اللي حبه و خلص عليه  و الجرح اللي فاز و انتصر أوام  فا قولي بتخاف من الوحدة ليه أحلامه الحلوة خانته  و صاحبه وقت شدتته  عمل نفسه ميعرفوش  داس عليه ف سكته  حب واحدة و سابته  من ايديه جت خدتته  لطريق عمره ما مشيوش  و سلمت عليه و نسيته واحد قريبه من دمه  رمى عليه كل همه  و هو قال من عيني  أشيل معاه حمله  قام قريبه ضمه  و رماه بعد ما سمه  مصعبش عليه يا عيني  سابه لحزنه و غمه 

دي تستاهل  أعملها اللي متعملش لحد دي تستاهل  اتكلم بالساعات و هي ولا ترد دي تستاهل  أفرش لها قلبي على الارض  دي تستاهل  أم الخدود اللي بلون الورد دي تستاهل و تستاهل  ما الوصول لقلبها مش بالساهل  مينفعش تتقارن بأي واحدة دي ولا يكفيها ألف وصف  ما تجمد يا قلبي كدة و أهدى  تقول لمين دة أتخطف خطف  كل واحدة في حياتنا مرحلة  بس دي بقى هي كل المراحل دي تستاهل  أمشي لها من أسوان لساحل دي تستاهل  أغطيها دهب من الشعر لكاحل  دي تستاهل و تستاهل  و أنا برضه مش ساهل بنقابل كام حد في حياتنا كامل في كل حاجة بالظبط و مين يقدر يزيد في حيرتنا و يطمنا برضه في نفس الوقت  قلبي بعد فترة صغيرة قالي وراها أنا خلاص راحل 

يا حبيبي فيك ايه مغيرك محيرك  قولي كدة عليه أنا جنبك و معاك  خرج اللي جواك و لو هتظلمني بيه  أنا موافق عليه لو دة بس هيريحك  فيك ايه طمني  و مالك كدة كل شويا بحال  زعلان مني تعالى عاتبني  زعلان من الدنيا خلاص لومني  استاهل اللوم لو سيبتك تعبان  فيك ايه قولي  لو مكنتش تجري عليا ف الحال  هتروح لمين غيري قولي  هتبوح بسرك امتى دة أنا كلي  مستعد أشيل معاك كل الجروح يا حبيبي فيك ايه بسألك مزعلك  معنديش أغلى منك أقلق بس عليه  شوف هعمل ايه و ازاي هخفف عنك  قولي ايه مانعك و مخليك خايف تحكيه 

خد تعالى شوف عامل فيا ايه  و بلاش تتعالى  و تسيبني في اللي أنا فيه  خد قرب عايز أقولك كلمتين  طبعا هتهرب  و تسيب قلبي مقسوم نصين أنت ليه مختلف  عن كل الباقين، أصل محدش عرف  جايب الجمال دة منين  حيرة و حيرتني، و بكلمة سحرتني  فيك ايه مميز يمكن كدة العينين، مش قادر أميز طب قولي أسأل مين  يا روحي غيرتني، توهت مع التايهين خد هقولك كلام ف الحب متقالش  و بعد اذنك  أوعى انت تقولي لأ متقولش  رد بجد طمني أنا و قلبي الحيرانين  ولا طبع الورد يحير الناس شمال و يمين خد هنا انت ازاي كدة يا روحي أنا يا روحي دايبين 

دة حبيبي بألوان الطيف  صاحب قلب مش ضيف  ف الحب هو خطاني  دة حبيبي واقف هنا و جمال عيونه واصل للسما ف البرد قلبه دفاني اللون الأخضر، ده لون قلبه، و نفس اللون ليا قلبه  و اداني إشارة السكة أمان  عدى الزمان و قرب ليا أكتر اللون الأحمر، مش لون خدوده، دة بقى لون حدوده  تتعداني استحالة ضحكة زمان  ملهاش مكان أسف مش هقدر العيون سماوي، الرموش زي السحاب،الشعر دة لو اتساب  يهز الأرض يغير فصول  يرجعني الفصول أتعلم من تاني  حبه برتقاني، روحه حبة فاكهة، و بقربه تحلو النكهة في عز البرد يجيب على طول  الصيف و يقول هو دة أواني 

خايف لو قولت بحبك  و طلعت مبتحبنيش  هيبقى للأبد خسرتك  و أعيش عمري أتألم  خايف لو خبيت عنك  و انت بتعيش  و شايلي حب ف قلبك  فأعيش عمري أندم رسيني على حال ابعت لي إشارة كلمة او أي أمارة اتنين صحاب  ولا بينا حالة و حاجات لبكرة متشالة دة عينيكي سؤال و انتي فكراها جواب  فيه أمل ولا استحالة خايف الحيرة دي تطول  و تضيع الفرصة مجتش ليه من الأول  و قولت اللي جواك  خايف تلومني لو أتكلم  و أقفل القصة تقولي انك بيا بتحلم  أنا حاسس هواك 

شوفتها و الحقيقة اختارتها في دقيقة و الحلم خدني لبعيد راقبتها بأهتمام فا حفظتها في أيام  و قولت حبيتها أكيد قالت لي قاصدة لو حبتني أسفة انت لأ بالتحديد و هكمل ازاي بعد ما حبيتها و أنا ف دنيتي و هي في دنيتها قصاد بعض و بنا مسافات  متحرم عليا أقرب من جنتها و هكمل ازاي بعد ما اتفقنا نتقابل عادي و أدي اتفاقنا  صعبة بجد اقضيها نظرات  صعبة عليا ارضى بسكاتنا مقفلة الحكاية و مكملة بس معايا و مش عايزة تخلص  أقول هنسى يقول قلبي أنسى  الشوق ابدأ ما ينقص 

عايز أقولك حاجات و حاجات  حبك مش حكاية لأ دة حكايات  بحكيها لكل الناس من غير ما بمل  قلبتي حياتي بشكل مالوش حل  عمري ف حبك ما وصلت للنهايات  عايز أقولك حاجات و حاجات هي دي اللي حبيتها و خلاص أنا ليها مسلم  كل اللي عندي أنا اديتها و احنا يادوب بنسلم  هي دي بجد روحي  بعد كتير أنا لقيتها و لفين ما انتي تروحي  أنا معاكي من غير ما أحسبها عايز أقولك انتي عملتي ايه  اللي كان ضايع بعينيكي جبتيه  خلتيه ينسى للأبد أي خوف  خلتيه يغني أسمك بالحروف  كان قلقان و في حضنك ضمتيه  عايز أقولك بالحضن دة طمنتيه 

بطل تمثيل كفاية خلاص  فيلم جميل اسمه الإخلاص  و عجب الناس  و تعبوا من التسقيف بطل تمثيل وفر مجهودك  كفاية تجميل عجبني دورك  ادائك و حضورك  في الكدب مخيف مكنش حنين زي ما بيقول  و أهو العمر بنا هيطول  و أكيد هيبين  كل واحد على حقيقته  مكنش هين عليا يا عمري  أودع بسهولة حلم عمري  و أقوله يحنن  و أكره الكلام في سيرته بطل تمثيل والله صادق  نجم الجيل باللعب بالمبادئ و مش فارق  انا الظالم او المظلوم  بطل كفاية شغل الأفلام  غلط الحكاية و بعترف اوام  حلوة الاحلام  بس وقت النوم 

يا أحلى الناس  و أنا معاكي هحتاج ايه تاني  بصحى أشوف أجمل عيون  و ع الحنان دة كل ليلة ميماتي  ترابك دة ماس  أبيع الدنيا كلها و أشتريكي  يقولوا عادي عليا مجنون  ما أنا يا حياتي مجنون بيكي أنا حبيت و مش هداري و مش هخبي، مفيش  من النهاردة تاني خوف  أنا حبيت و بعلو الصوت قالها قلبي، مفيش  من النهاردة تاني كسوف  أنا حبيت و أسرني احساسك، مش مصدق  طب تعالى شوف انا من الأساس  الحب عندي ولا كان يفرق  ياما كان حواليا قلوب  بس انت يا حلو عنهم بأميال تفرق  يتشال ع الراس  حبيب روحي و في ضي العين  و أنا والله دايب فيه دوب  دة اللي زيه ميجيش ابدأ مرتين 

دة بيزعل عشان بحاسبه  و يقولي أنت غريب  دة بيحصل كل ما أعاتبه  و يرد بكلام عجيب  كلامه ينرفز قمت سايبه  قالي هترجع عن قريب والله عيب ياعم الحبيب أسلوبك و كلامك  و لو دة مقامك  الله يسامح القسمة و النصيب أخبط راسك  و دة عندي تمامك و دة بقى تعملوا ايه معاه  يا سيدي يهديك يرضيك  أوعوا تكتروا الكلام وياه  اللي فيه هيجيبوا فيك  و يعمل اللي على هواه  و نقوله الله عليك 

يا أهلاً بأحلى الأحبة في ثواني لقيت محبة  في قلبي ليك  ما هو ليك خلاص مال  طب براحة و حبة حبة دة أنا لسه عارفك من حبة  ايه كل دة احنا على كدة مشوفناش جمال  أنا ياما لفيت و شوفت، بس الحلاوة دي  ما وردت على حد  مكسوف أقول اتخطفت، ايوة طب والله  أنا بتكلم بجد  عن روحها ايه أقول، الكلام اللي يوصفها دة لسه متخلقش  دة زي عمل ليا معمول، ابدأ مشوفش غيرها ابدأ غيرها معشقش 

رد عليا لو تقدر  سمعني كلامك  رد فعل أنا كنت  دايماً لأفعالك  زي ما بتعمل بعمل  زي المرايا كنت  أنا قدامك مش من حقك تحاسبني ولا تطالبني  بحاجة انت عمرك ما عملتها لو مش عاجبك عاملني زي ما عايزني  أعاملك وريني نفسك وقتها عد الأيام اللي ياما معاك تعبتها عد المشاكل اللي ياما سهرت احلها تخلص مشكلة و سلسلة غيرها تبدأ و معرفش  حتى أعدها 

اخرج هرج ياعم و بلاش تعيش ف الدور  اخرج دحرج الهم و ارميه من عاشر دور هيلف هو و يدور و يروح لحد لغيرك  و غيرك يعمل زيك لحد ما يبقاش ليه جدور اخرج أشرب بن محوج للفرح بس مدخل  و للحزن ألف مخرج  شوف فيلم ف السيما كل أكلة عليها القيمة الدنيا دي بنت لئيمة و وشها عليه ريمة قول أكشن يا مخرج أخرج أتمشى ليه محرج مضروب ف مقتل كمل و لو بتعرج روح اعمل خير و ارميه كدة جوة بير اشتري في مرة طير حرره و خليه يطير هتلاقيها عليك بتفرج

هتفسر بايه المرادي أنا بس بستفسر  عمايلك ديا يعني عادي عادي  قول بس قصر هسمعلك  بس تسلية  هتشرح  ياه طيب قصدك بيا هتسرح  ما أنا عارفك  و عارفني طيب طيب  تقولي لو تسمح و تطلب  اني اسامحك تعرف تسكت شويا تعرف تسكت حبة خد نفسك شويا دة أنا تعبت لك  أعمل جميل فيا من باب المحبة مرة أسمع ليا ما أنا ياما فوت لك  كفاية  بقى تحوير فاهمك من البداية  ف المسكنة أستاذ  ممثل كبير كبير  مؤلف و مخرج حكاية ياخد أوسكار بأمتياز 

خلص ع الحزن  اللي بقاله سنين اللي مالي العين  و خلي الناس تشوف حقيقتك  أنت يا حلاوتك  مش بس قدام مرايتك  كلك احساس اظهر للناس  خليهم يعرفوا أنت مين انت حلو انت جميل متخليش حاجة عليك تميل  متخليش أي حاجة تكسرك  انت جامد انت قوي و عيش زي أي واحد سوى عيش لحد ما الزعل يخسرك  أخلص من الظن  اللي جواك محبوس خطي و جرب و دوس  قلبك دليل و الحكاية حكايتك  دي صادقة ندهتك  لو تخاف الدنيا تاكلك  الضل أمان دة وهم كان  متكونش تلجاية قدام الشموس 

اللي بحس بيه  بتمنى محدش يعدي فيه  ولا يشوفه ساعة ولا مرة يناديه  احساس خلى الوجع  لما شاف حالي إتوجع  و اتهز من جواه  أوام قلبه اتخلع الحزن دة مراحل معندوش أي ضمير لو بس كان راجل كنت عملت كتير حزني مش ساهل و مالهوش كبير و انا فيه بتجاهل هو و أسبابه الكتير حبيت كام مرة بس كلها قصص مرة ولا قلب حاببني  لا من جوة ولا برة عملت اللي عليا للناس و زيادة شويا حتى انت يا سامعني  زيهم مش حاسس بيا 

أنا نفسي في غرام  ينسيني الدنيا و الأيام  لو حقيقة هعيش فيها لو حلم هكمل و أنام  و قابلتني صدفة هي  بصتلي كدة و قالتلي مالك كدة زعلان أهدى كدة و روق  لو قلبك سرحان قوله ركز فوق  بص كدة يا عيني لو هفك الشوق  بص كدة في عيني و من حناني تدوق أنا حلمي على قدي  و انتي حنانك معدي  مقدر أنا ابدأ عليه  جمالك تحدي و مش بيدي  خسرتني بالقاضية عينيه  لما بصتلي و قالتلي يا حبيبي لو تعبان بلمسة مني تروق  جرب معايا الطيران لحد السحاب فوق  بس أوعى تنسى لو هفك الشوق  قدامك أهو لسه حنان مش ف السوق 

مسافة السكة حبيبي و أجيلك  يادوب هعدي على الأشواك و الظروف اللي منعاني و مانعاك  و الحدود اللي ما بيني و بينك كل المشاكل مسيرها تتحل، بس بلاش  تزيد الحمل  خليكي جنبي دافعي و حاربي، و بلاش تكوني  تهديد محتمل  قويني انت صبرني انت، هنصبر لأمتى حبيبي إتقل شويا وقت حبيبي محتاج  و القلوب اللي حوالينا تحن  لا يفرقنا خوف ولا فرق سن  مشكلة بعادنا هلاقي لها علاج 

كان ايه بيني و بينك  كان ايه أنا عملته  عشان تأسرني عينك  سحرها ما اتحملته  كان ايه ذنبي أنا  كان ليه أنا قابلته  و حياة رب السما هواك أنا قبلته السهم صاب فالجرح طاب و الحزن تاب  حل عني و بقى بيصلي  و على أعتاب أكتب كتاب موصوف للأحباب  ازاي تغني و تحب زى فاضل ايه ع الجنة فاضل يادوب خطوتين  أول ما الحب يجمعنا و نمسك بعض بالايدين 

محدش هيحس بيك غير قلبك  ولا حد هيبكي عليك غير عينيك  خلي اللي جواك تملي يكون ليك  متحبش حد الا لو مقدر حبك اللي شايفينك انت زي الماس، دول  يتشالوا ع الراس، دول  مكانهم ف القلب  و الباقي عادي كله يداس  اللي حبينك انت بدون رتوش، قليلين  ف العمر مبيجوش، و الباقيين  مجرد تقضيه وقت  و ان جيت للحق ميتعشروش الكل يقولك اتكلم حاسس بيك  و مش بيحسوا غير باللي جواهم  يسمعوا لو الكلام بس على هواهم  خدوا الحلو منك و سابوا ايه ليك 

حبيبي دة غير الناس  عايش الحياة عكس عكاس  دايماً أنا و هو مختلفين  و هو شايف اختلافنا انجاز طبعه خالف تعرف  و أنا كدة مش هعرف ازاي بس ارضيه  أقول يمين موافقين  ألقاه بس بعد دقيقتين رأيه يغير فيه  طبعه و أنا عارفه  دة رأي لازم يخالفه و يرجع بعدها ليه احتارت معاه و في طبعه  دة حتى اللي كان عاجبه  مبقاش دلوقتي كدة يعجب  و هعمل ايه ما أنا بحبه 

الدنيا غريبة و حاجة مش مفهومة  كل الناس تايهه كل الناس مهمومه  و برضه لما يشوفونا بيحسدونا منعرفش على ايه  الفرحة ملعونة و بنفرح بيها اعذرونا كل الناس مجروحة كل الناس مظلومة طب مين الظالم  و يا عالم السؤال نلقى رد عليه الحياة دي ناقصة داخلين مناقصة نلقى ف الراحة منافسة وهي الصراحة مش ناقصة تعبنا كلنا و مين يقولنا فين مراكبنا ترسى الدنيا عجيبة بحر كبير من الهموم  مهما بتعرف تعوم هتغرق فيها بيوم  طب ايه العمل  الأمل مبقاش موجود الظاهر الفرح ساعة و كلها مظاهر خداعة اعذروه بجد يا جماعة دة زي نار الولاعة  يجي يناديني  و يا عيني لا باين ولا ظاهر الحياة ملهاش عازة عايشينها جنازة نفس الاحتياج و العازة و السعادة واخدة اجازة و أيوة بصراحة لا ف الوحدة راحة ولا برضه في جوازة 

في الحب طمعني و أحلى كلام سمعني  أنت بتضحك عليا قالي تعدمني  طب يلا فرحني سكت قال بيسمعني  مالك رد عليا و لأيه مستني بأقل من دة مش هرضى  متقولش بكرة، بكرة ايه لأ النهاردة الحل في ايدك انت  أيوة على فكرة، متقدرش تنكر حتى دة بالجمال اغراني حنيته لحن أغاني  قولتله خليني أفرح  و رده ما جاني  طب هقولها تاني الحكاية دي عجباني  راضيني مرة و أشرح  خليك حقاني 

اذاني قلبك اذاني  و عيزاني  أفضل أحبك  غواني قربك حرماني  و عزاني  طيبة قلبي  أنا كنت وحيد قوي و معاكي أضعف  و دة كله بالتأكيد انتهى  و نسيت أسمك أنا ف الوحدة مكنتش مبسوط و دة لا يمنع اني من غيرك أموت  وحيد بس براحتي  أحسن ما أكون معاكي بعمل اللي على هواكي  بس مش بإرادتي انتي عايزة تكوني بس الصوت أنا ف عيشتي قبلك مرتاح  و كنت فاكر ان الحب دة براح  مكنتش ابدأ عارف  على حسب الشخص بالفرح او بالجرح تحس  قلبي على مشارف  انه يهج مني و منك لو مباح 

هي بس تهمس  الدنيا كلها ترقص  و الحزن يضحك يفرح  لو بس عينيها تغمز هي بس تتكلم  قلوب منها تتعلم  الجمال فيها يسرح  بيتمنى بس عليها يسلم ياللي ملكيش حل  واحدة واحدة عليا ياللي محيرة الكل  حبك مش بايديا قلبي لا حول ولا قوة قدام عيونك يا عينيا دة بيوجعني من جوة لما بشوف الضحكة ديا أهاجر و أسيب بلادي  و وراكي الف الدنيا ولا بطبل المرادي  أسيبك كدة ثانية أنا اللي بيكي أولى  خليكي يا روحي ليا و قلبك دة دولة اسورها تملي عالية يا روحي ع الضحكة بتاخدني بعيد ف هواكي  لو تروحي لأي سكة ماشي برضا وياك  خديني لجنة أو نار ف الحالتين أنا معاكي  عيونك كلها اسرار مقدرش اكون شاكي 

صدقني لسه بجيب في سيرتك لحد النهاردة لسه بحكي لهم على أيامنا لسه بقولهم كنا و لما و لسه بسأل عليك و بأخبارك بطمن و أهدى تعرف وقتها كنا لازم نتصرف، و نختار نهاية تانية لحكايتنا غير نهايتنا تعرف و قتها أنا كنت خايف، ليه سيبنا البعد يسرقنا و احنا سكتنا تعرف انت  كنت بجد حاجة تشرف صدقني مشوفتش حد ابدأ زيك في طيبتك  و معايا مشوفتش غير  الخير و معرفش لو عندك رأي غير اللي مضايقني انك شايفني بسهولة سيبتك 

ايوة بحبها  يا رب تكونوا خلاص ارتاحتوا اديني قولتها و كلكلوا دلوقتي خلاص عرفتوا هي سر حياتي  خبيته عنكوا أنا بقالي سنين  و بحلفكم بحياتي  محدش فيكوا يحسدها بالعين بخاف عليها أكتر من نفسي و بموت من الخوف  أصلي بعينها كل حاجة في الدنيا أنا بيها بشوف  بخاف عليها من عينكم و من كتر الكلام منكم  بخاف عليها لحد يضايقها بحرف واحد من الحروف مشكلة و حلها لقيته جوة عينيها الحنينين  و الحلو عندها تلاقي زيه بس عند مين  قولت اروحلها و قبل ما أتكلم ضحكت ضحكتين  و اتاري قلبها و عينها برضه مني من سنين 

كنت وراك بقلبي  و احساسي و حبي  أيوة بعترف  كانت احلامك احلامي  و عنها مش هتنازل  بس للأسف  انت طالع طالع  و انا في النازل اديت اهتمام كانت النتيجة إهمال  و عمال تزيد فيه يوم بعد يوم  بتقول كلام وقت ما الناس حوالينا  و لوحدينا بتجيب عليا انا كل اللوم  طب بس لحظة كل الناس ملاحظة كنت ايه قبلي و كنت أنا ايه قبلك بيوم  اديت اخلاص و كنت بتخان تملي  و تقولي أهو كدة دة اللي عندي  هسيبك خلاص مش ممكن أقبل  ولا أتقبل اعيش كدة غصب عني  بس عندي كلمة اسمعها دي مهمة انت ولا حاجة و مش محتاجة توضيح مني

انت يا واد يا أبو العقد فضة  مش كفاية العمر اللي ف التقل انقضى  انت يا واد يا أبو السبع أرواح  ايه الحكاية مش  طيفك دة هو اللي عدى  عشمتني بالحب فتحت أنا قلبي  ما لقيت حب ولا قرب ولا أي مكان يتراح و أنا اللي كنت جايب ابريقي  لحبيبي يملاه لقتني كل اللي بتمناه  انه يبل ريقي  و أنا اللي كنت فاكره فريقي  نلعب سوا لقيته هو بسرعة هوا بيغير لي طريقي انت يا واد مش اديتني الاذن  اغزلك فستان  يكون من الدهب بالوزن  انت يا واد مش اتفقنا خلاص  احجزلك الفرح  و نرمي في البحر الحزن  عشمتني بالحب فتحت انا قلبي  ما شبعت لعب و كل الغرب ضحكوا يا ناس 

دة كل يوم بيعدي  هو هو نفس اليوم، و كأنه وقف الزمن  و كأني فجأة نسيت اليوم  دة كل يوم بعدك  من الأخر مالوش لزوم، نفس الاحساس بالوجع  حبيبي نفس الشعور باللوم  بشوفك حقيقة في يومي و قاعد لسه جنبي  بشوفك حلم في نومي و واخدك في حضني  دة كل يوم يا روحي  أنا بستنى أقوم، و أشوفك رجعت هنا  و أنسى بيك كل الهموم  دة كل يوم جديد  أنا بسأل نفسي، مرتاح يا حبيبي كدة طبعاً لأ و دة مفهوم بتعامل عادي في حياتي و كأنك لسه معايا و رافض انا ليلاتي تكون هي دي النهاية 

أنا طيب  أنا طيب  و تملي ف الغير بطيب العمر لو عشته معايا عمر الضحك ماله نهاية المر اخده جوايا منك عمره ما يبقى قريب أنا طيب  و بطيب  تملي من الخير قريب يا مراحب... بالصاحب  بسرعة أنا كدة بتصاحب   ميكونش بتاع مناصب  ولا واحد يكون مغيب  و مزاجي... هو علاجي  براحتي أعلن احتجاجي  وبتكسف أبين احتياجي   لحد و في ظني يخيب  أنا طيب  و قريب  بس لما بغير بشيب  أنا طاقتي... بطاقتي  أحب أعيش براحتي  بكل حبايبي علاقتي  مهما فيها عليها ما أعيب

مش سهلة ننسى بالكلام جروحنا  ولا بالعتاب ترجع لنا تاني روحنا مش سهلة ألم طول السنين  نديه مهلة و يخف ف يومين  لما بننجرح بنقسى مش بسببنا بالذات لو الجرح كان من حبايبنا مش سهلة ف غمضة عين  مش سهلة نقول مسامحين هات لي واحد اتجرح ولا اتغير هتلاقيه عايش بس صورة جواه بركان و انت مش متصور بيتكلم عادي و يتعامل و يهزر بس جواه حاجة مكسورة بيكدب لو يقول مش متأثر دة غريب طبع الناس و يحير  يجرحوك و عايزينك عادي تكمل  بعينهم شايفين الجرح صغير  أوقات مش قادر حتى تفسر  يعاتبوك و كأن ملكش حق تزعل  يعاتبوك كمان عشان معاهم مقصر   

أنا صعب  مش من السهل التعامل معايا  عن قرب  أنا صعب  مسألة ماليها حل مية ف المرايا كلهم غرب زي السما الصافية أنا بكون الثانية جنبي كافية تحبني بجنون  و تشبعك هنا غضبي جايب لي الكفيه جواه مسجون  بس بسرعة بصفى و دة مضمون  ايوة دة أنا أنا طيب  بجد مش عارف تصدق ممكن  ظنك يخيب  و ياللي بتعيب  ياللي مني خايف دة انا دايماً تلقاني قريب 

بقولك  ماتيجي نعكس الحكاية أنا أبقى أنت و انت تبقى أنا ونبدأ قصتنا تاني من البداية و نشوف هتستحمل كام سنة أنا كل اللي عايزه مرة تحس بيا  و تحط نفسك مرة مكاني   بتعمل و تسوي وانا بعاني  مش بتحس بنفسك وانت جاي عليا بقولك  ماتيجي نتفق من جديد  انا بنفس الطريقة دقيقة أعاملك كدة  و نشوف بقى في الوضع الجديد  هتفضل تحبني زي ما فضلت انا

انتي ناقصك لمسة حنان  في عينيكي دة كله بان  انا حاسك رسمة فنان  ناقصها تبدأ تنطق تكلم  أنا يا حبيبتي الألوان انا وانتي توام ف الروح ف الشوق ف البوح  قديم و جديد اتصارحنا و حكينا  كله كان وحيد و حبينا بعضينا  انا وانتي واحد و مسموح ما نفوق و نروح  مكان ما يحب غرامنا يودينا  لحته قريبة او بعيدة علينا  الحلو فيكي انا بكمله  تحلمي حلم انا أعمله كلام عينيكي أنا بسمعه  بيقول احلف تعرف تحبيني  دة الحب منك بتعلمه

هتفرح أمتى قولي أنت يا قلبي يا قلبي  هتفضل ساكت  لحد امتى يا قلبي يا قلبي  قول بجد هههههه بتضحك و انت عليا مخبي  سمعني رد حسسني إني أنا انت زمان و انت صغير حلمت بسرعة تكبر  عشان تقدر مرة تفرح  و لما الحلم اتفسر  عن الفرحة بتستفسر و هي مش راضية تشرح قولت الفرحة لو حبيت  مفرحتش يعني لما طبيت  و فضلت على دة الحال  ف الوحدة مفيش فرحة حيران و دي واضحة  لساه اياه نفس السؤال 

فرحان عشان غرقان أنا في عينيكي  و ندمان عشان مغرقتش فيهم من زمان  خسران إنسان كان ع الشط مستنيكي  قال كدة أمان بس اللي غرق هو الكسبان  النجدة يا هووووه  واحد بيغرق أهو أوعوا تنقذوه  ولا يصعب عليكي اتعلمت العوم واللي اتعلمته  كوم  وانتي بحرك كوم  تاني  و قبل ما أموت لقيت رموشك  شطوط لحقوني قبل ما يفوت  زماني غسلتني العيون من حزن  ملعون  كنتي ليا عون  قواني  معنى الحياة أنا قلبي  لقاه  ما هو طلب النجاة بحناني 

كل الكلام سهل ع اللي بيقوله  طول ما ايديه لسه في الماية مهما اشتكينا من الهموم بيقولوا كلمة واحدة اجمد و استحمل شويا بنعمل نفسنا جامدين لو الوجع  ميخصناش  بنزايد ع الموجوعين و كأننا بوجع  زيهم محسناش  بنقول كلام زي الرصاص بنطبطب بيه  و نملى و خلاص  بنزيد وجعهم مرتين و كأننا عمرنا متوجعناش أقرب الناس بدل ما يهونوا عليك  تلاقيهم أول ناس مبيحسوش  مش صح قدامهم دموع عينيك  تنزل هيقولوا كلام متحبوش قالوا زمان الكلمة الطيبة حسنة و هما ف كلامهم تلقي كمية برود بقينا نكتم و جعنا عن كل ناسنا بنينا بينا و بينهم كل الحدود 

ياما سهرت الليل  حبك كان الدليل  واثق فيه ف كل السكة عشت عمر طويل  مشوفتش حد جميل  ولا فيه ف حلاوتك أنت أيوة غيرهم كلهم تفرق كتير جنبهم  و قال ايه ولا يهمهم  غيرانين أوي من قلبهم، اللي بيحبوهم زيهم  ولعانين نار نار قايدين حسد  عاملين حوار ما انت غيرهم كلهم الحلاوة مش بالكلام الشكل الله يا سلام العقل يقفلك في وقتها خلي للقلب اهتمام تشوف حبيبك احلام يا بختك يا قلبي باللي بتحبها