أشعار الأراجوز

أغنية أوضة ضلمة  جوه كل واحد فينا، اوضه ضلمة بتكفينا، بنخاف تحمينا بنحب تحس بينا، ولما نودع أغلى الناس، بتداري دموع عينينا، عند كل واحد فينا، اوضه ضلمة تحتوينا، بتستر علينا، وأفكارنا بنت اللذين،  وخيالنا المريض عن الناس، والخيال يشطح بينا، أوضه ضلمة شافت كل مؤامرة فيها فكرنا، وبيها وصلنا لناس فيهم اللي اديناه احساس،  واللي عليه انداس ودبحناه بسكينة تلمة، الاوضة دي جوة عقلنا، وممكن تبقى قلبنا، دي حته مننا بنت ولد وكلنا، وفي الضلمة الخيال يحلى، خيال مريض بيسمنا، مفيش حاجة متأمنه، وش لوش ده عمنا، في أوضة ضلمة سحلة، فيها احنا لوحدنا،

أغنية وعايز ما تجيب عينك في عيني، يا ظالمني يا ناسيني، وندخل تحدي وقولي لو لقيت حد بيحبك قدي،  ساعتها والله هفرحلك،  بتدور عليا في الناس، وعايز نفس الاحساس، لكن من حد تاني لكن في قصة تانية، ولو تفكر بس ثانية، صبري عليك انجاز، مستنيك لسه بمكاني هترجعلي في أي ثانية، ما انت متأكد وعارف، محدش غيري عليك خايف، تعالى صحح لي لو تقدر وقولي مين هيضحي، ليك زي ما ضحيت جنبك،

غنيوة القمر  هو القمر يا ناس مش دايماً مكانه السما،  القمر الجميل ده بيطلع بليل بس، ازاي يا قمر تمشي على الأرض بالنهار كده، كل يوم ده الكل مصدوم وهس هس، وديت فين الشمس دي اتكسفت، من جمالك ونور عينيك اتنسفت، بدر البدور الكون حواليه بيدور غيرت انت النظام كده بحنيتك، لو تسمح يا ملاك تاخدني لجنتك، دي شهور مستني للقمر ظهور طلع القمر حلو في شكله وعقله طبعا قلبه، طيبته تجنن قمر فعلاً يستاهل أعشقه، كنت في خطر الوحدة جه طمني هو بحبه، قادر بكلمتين ينسيني سنين وعمري ابدأه،

أغنية كل حاجة بتكسرنا  يا قلبي يا متعلق باللي فات، ده كان معاك وامبارح فات، هو عاش بس انت قلبك مات،  الماضي نسيك وبقى ليه حاضر، ولسه عايش فيك ولسه فاكر،  رجعوه من رابع المستحيلات، كل حاجة بتكسرنا لو ليها رجعنا، بتتعبنا أكتر وتحيرنا عمرها ما بتكون حلوة زي الأول، عمر ما حد سمع حد راح ورجع،  أرحم في بعده الوجع  عن رجوعه تاني وهو مش زي الأول، يا قلبي انت زمانك راح، أيوة الماضي فيه أفراح، مستني يرجع يداوي جراح، وهو السبب واللي خلاك بتموت، عايش تعب وهو عايش مبسوط،  ياقلبي أفهم ده هم وانزاح،

أغنية لو ثانيتين  وده مين بجد يقدر يملى أي مكان تسيبه، قلبي مفيش حد ينفع غيرك يبقى حبيبه، ده انت الوحيد اللي حبيت قلبي على عيبه، ده مفيش حد يتساوى،  ابدا بيك، والله ولو يطلع مين، مع الناس بتعامل بقساوة،  بس ليك، بحس بالطيبة والحنين، خليك لو ثانيتين، جرحك يتداوى، بجرحي وكله يهون ليك، وده مين هتعرف تحبه بعدي بنفس الاحساس، أنا لو عليا بعدك أي حب غيرك عادي يتداس، احنا لبعض وجربت البعد ملقتش زي في الناس،

أغنية عنيدة  ايوة دي واحدة عنيدة، وصعبة بشكل  زي ما تكون الوحيدة، اللي عندها عقل واخدها لحتة بعيدة، تقنعها مش بالسهل راسها ناشفة في رأيها قفشة ولا مية مناقشة، تنفع تخليها تقتنع  مبتتفاهمشي رأيها يمشي في ايه معرفشي،  المهم كلامها يتسمع  دي زي القطر ماشيه ع السطر شخط ونطر،  لو مشيت بدماغي  جامدة حديد مش بتحب تعيد الكلام بالتحديد، وكل كلامي لاغي كلامها من راسها ولو مين نصحها هي الناصحة، محدش بيفهم غيرها دماغها حجرين عايزة تلين يعني كده حبتين، ويبقى كتر خيرها

غنيوة يا ساحرة  كلمة حبيبتي  دي مش كفاية عليكي ده انتي، فعلاً غيرتي  نظرياتي عن الكون وفلسفتي، بروحك قدرتي  تعقلي قلبي المجنون وغيرتي، أنا في عصر المعجزات، ولا من بين كل البنات،  حبيتك يا ساحرة، تخلي الورد يغني أغانينا، باللمسة بيقف الزمان، وأجرب إحساس الروقان، معاكي بتروق القاهرة،  والزحمة تنفض من حوالينا،  دي لو بنتي  مش هخاف عليها زيك انتي، ازاي حننتي مشاعري وقسوتي وذكر سيرتي، فيا شوفتي  الحلو اللي مشوفتوش بمرايتي،

أغنية في بالي انت  في بالي انت في كل حته مش أوقات لأ طول الوقت،  كنت فاكر الليل ده لتعب والويل والذكريات فيا تهد، أنا ليل نهار بفتكر حكايتنا الكتار وكأنك معايا دلوقت، بس حتى الصبح وسط زحمة الحاجات، وسط الجرح والفرح والحياة اللي تشد، بفكر فيك وبفتكر عينيك واللي فات، يعني مغبتش لحظة عن بالي بجد، أيوة لحظة فراقنا عدى كتير عليها، بس بعده حياتنا مدخلش فيها حد، لسه زي ماهي بالنسبة ليا هو فيها،  لسه انت حبيبي مهما طال البعد، 

أغنية واحد في المية  ولو فيه فرصة واحد في المية، تكون ليا،  مية في المية، هفضل أكمل تعلقي بيها، مخيف واحساس سخيف  أعيش من غيرك لياليا، أنا هضحي بروحي وألهامي ووحي  ده أغلى ما عندي  وهمحي جروحي وكل ماضيا، وده وعد عليا وهصحي  طموحي من نومته الكحلي  وهنعلن التحدي  وهنحي يأسي وأفكاري السلبية، بيوم هتحس بيا ولو فيه أمل في الحكاية ديا، تمنه عينيا، هدفعه برضا دية، لو حياتنا سوا واقفة عليها، كفيف وأشوفك طيف أحسن ما أعيش وحديا،

أغنية بعد ألف حاجة  طال كلامه الحلو عليا،  وقوفي جنبه شايله بعينيا، وأقدم أكتر ما هو مقدر قال عمري ابدا ما هنسى، وصدى كلامه بيرن لسه، في مكاننا طول أيامنا وبعد ألف حاجة حلوة، ومليون حاجة كويسة، كل ده بسرعة اتنسى، بدوسة زرار يتمسح  علشان غلطت مرة، تبدي روحه على روحك، وتعمل مهما تعمل،  الذكرى اللي بتفضل، من بين ساعات فرحك  هي لحظة جروحك،  باين في عينيه قساوة، من بعد الترحيب والحفاوة، وكل أعمالي بالسوء راجعالي طالب مني أبقى ملاك، وهو غلطه هنا وهناك، أنا أعدي وهو عادي ضدي،

غنيوة وهو القمر  أنا مش مصدق خلاص بقيت حبيبك،  ويشاوروا عليك ويقولوا هو ده نصيبك، ربنا حطه في طريقك والحلم معاه هيبدأ، حضرت كلام كلام كتير، للحظة دي يا وش الخير، ونسيته قدامك معرفش ليه،  دة جمال القمر مالوش تفسير، ولا طلبنا يا قمر لحلاوتك تبرير، وهو القمر مستني شهادتي ليه،  الكلام الجميل يتقال لأحلى الحلوين،  وبالكلام مين عرف يوصفك بيه مين، محتار أنا حبتين ما انت حلاوتك كلها تفاصيل،

أغنية في نص السكة خايف أحبك أنا أكتر، مع اني أقدر، ابنيلك مكان أكبر، جوة قلبي  طوبه حبي أفرشه بتعبي وجناينه أسقيها بدمي، خايف أحبك أنا أكتر، تطلع مش مقدر، وللفراق مش محضر، كده نفسي  حبك قصري ومكان أسري خايف تكون همي، في نص السكة أنا واقف، بجري وأعافر ومش شايف، نهاية السكة شوق ولا على جرح هفوق، بتتفرج ولا بتساعد مش عارف، لكن الأكيد أنا على حبك مش أسف، فيه بنا فروق أنا غروب وانت شروق، علشان أوصلك أنا بسافر، لبلاد مشاعر، جديدة وطريقها واعر، ومش هاممني  لو هتقربك مني أصل أكمني عشقت أصعب القلوب، 

أغنية مش محتاج  ولسه ذنبي الوحيد التفكير فيك،  أيوة هو انت بالتحديد اللي عايزه يرجع ليا من ماضيا، ومهما تبقى بعيد عينيا عليك، عارف انك مش وحيد بس خوفي عليك مسؤلية عليا، مش محتاج ترجع، انت معايا رايح جاي في كل مكان، بتتكلم وأنا بسمع، مش خيال قدامي حي وزي زمان، لسه باخد رأيك في كل اللي يخصني، لسه بقولهم اسمك لو حد في مرة سألني عن قلبي، لسه بحس بتعبك زي ما كنت بتحسني، بعدت جايز أوي عنك مع انك لسه قدامي هنا جنبي، 

 أغنية و بتسأليني عن اسمي مالك حبيبتي فهميني،  بقالك مدة متغيرة، أحوالك تملي محيرة،  سؤالك أسأله ولا تجاوبيني،  وعليها علامات تكشير،  دموع قلبها ملياها، ومش قادرة تنساها، وتنساني معاها ساعات كتير، ويجي عليا الليل،  حزنك فيا غلبني، وانام على أنين الويل، والقلب يسهر مخاصمني،  وأصحى وأنا كلي تفاؤل، يمكن أشوفك بتبتسمي، ألقي في وشك تساؤل،  و بتسأليني عن اسمي، فيكي حاجة مش أنتي، عليكي حركات مجانين، وليكي عشاق بالملايين،  وأديكي بحبي كدة عرفتي، أنا اللي حماكي وقت الخوف، حبي جد جداً، مفيهوش رجوع ابدا،  افتكريني أعملي معروف، أيام عمري فيكي أبتديتها، علام علمتك أنا الطيبة، وبالكلام أحلاه كلمتك يا حبيبة، أحلام جميلة ليكي أتمنيتها، محستش معاكي بلحظة أمان،  أفرح بحبها تجرح هي، وتهادي غيري بألف هدية، بتعطف عليا أنا بالأحسان،

غنيوة ولو  ولو مش هطول غير الكام دقيقة، اللي بنتكلمهم طول اليوم في الحقيقة، أنا الكسبان أنا والله راضي، ولو مش هقول ليكي كل حكاياتي،  مين هيكون مسؤل يصبرني على اهاتي،  وأنا زعلان يطبطب يخليني هادي، ولو على نص الحالة اللي مابنا،  والوقت القليل اللي بيجمعنا، ربنا ما يحرمني منه، و ربنا ده عندي ليه أحلى معنى، ولو كان ليه عندك تفسير تاني، مش فارق عندي خليك مكاني، حب عمرك قريب منه، راضي بقليلي حتى لو مش حباني، ولو شايفاني حد عادي مش حلمك، وحساني مش قد مقام جمال قلبك،  هقولها كمان كفاية اني شايفك، 

أغنية  اخلص عايز ايه أصل معنديش صبر، لا قادر أسمع مبررات وتاخدني بتوهة في حكايات، ولا نغمة كلامك غرور وكبر، وكل ده على ايه لو على الحب طب ما أهو مات، عايز ايه اخلص، اتكلم وهات الملخص، هسمع عشان اخلص، للأبد المرادي  حبك عليا خلص، قساوتك مش بتنقص، وانا اللي كان مخلص، ولا همك عادي عايز ايه وحاول مرة تبتكر، ما انت ياحبيبي خيالك ضيق وطريقة كدبك قدمت، لو اديتك تاني 100 فرصة أفتكر، مفيش فايدة كلامك هو هو نفسك عمرها ما ندمت،

أغنية نفسي اتسدت  حياتي اسودت في وشي، أحلامي اتهدت فوق دماغي، نفسي اتسدت وقولت معلشي، الدنيا ودت وجابت داغي، نفسي اتسدت والأمل يلاغي، يصحى لاغي أسمي ويهمشني، بدأت من الصفر وصلت لصفر، بعد معافرة وحفر، لسه في نفس المكان كام لغز وامتحان وسباق كمان، في النتيجة بتهان، برجع حتى قبل الصفر،  مع الحب عداوة طالب إتاوة، بيتهمني أنا بالغباوة، مع اني والله غلبان، كل اللي طلبته حنان نص أمان، احس بمشاعر انسان، مش غلطة بتتاوى،

أغنية ملكش حق أي عتاب منك أنا كنت ممكن أقبله، وانت لسه جنبي وانت لسه معايا، ليه بتقوله دلوقتي ليه كنت مأجله،  جاي تزيد تعبي الله أعلم بنوايا، ملكش حق تكلمني، انت بقيت غريب عني، في حالي سيبني لو عندك رحمة ملكش حق تفكرني، بقديمك انت ايه فاكرني،  هفتحلك حضني وأفضل في أزمة كل الكلام اللي ممكن تقوله مايساويش،  الوقت اللي أضيعه وأنا قدامك بسمعه، مش خلاص فارقت وعرفت بعدي تعيش، ليه الشريط بترجعه خدت الدرس أسمعه،

غنيوة أبو قلب كبير  حبيب روحي أبو قلب كبير، ماشي يعمل في الناس خير، مالوش حدود وبدون أي مجهود،  زي ملاك ميعرفش غير الخير، مرة بأبتسامته تنسى وتشفي واحد من قساوته، وفي حضوره يطبطب على كل واحد في دوره، يقدر بطيبته يرجعلك من تاني واحد كنت خسرته، لو يتكلم الكل يسمع كلامه ماهو أصله بلسم،  دي نظرة من عينيه قبل ما تعرفه تزيد معزة،  لو بتندم على عمر فاتك قادر يخليك تتقدم، عنده كاريزما تحب تقعد معاه ويحل أي أزمة، يطيب خاطرك ومهما تغيب عنه بيفضل فاكرك، ليه لازمة بيقولها بكلامه الزعل مالوش لازمة،

أغنية ايه جنسه هو طبيعي أروح له أقوله بحبه، يسيبني أتكلم أتكلم من غير ما أسمع رده، بيفكر في أيه وأيه في قلبه، وأخلص كلام ونوصل لسلام وهو على وضعه، الشوق جواه وهو حبسه، قافل على نفسه، ولا ده ايه جنسه،  الأحساس عند الناس نعمه، وهو ليه أشمعنا، حبي ليه مش حسه، صوابعنا شمع قيدناهاله، أغلي حب وقدمناله،  توقعت رده قال عكسه،  خايف يضعف في الحب وحكاياته، ولا هو من الصنف اللي يخليك تحبه وهو براحته،  مش عايز حد يشاركه في حياته، ولا مش عايزني انا بالتحديد ودي طريقته، 

أغنية العذاب نفسه  ذكريات وحشة بتجمعني بيك كل ما أقول هرتاح، تصحى تفكرني أصعب جراح، وتقولي ازاي ممكن تنسى، لسه عايشة وكأنك موجود يارب تكون انت مرتاح، كل كلمة كل مكان اتراح، سايب لي فيه أسوء ذكرى،  انت مين، ده لو انت العذاب نفسه، كان اللي حصلي كسفه، كان سابني ألحق لي يومين،  انت فين، سامع عنك عايش متهني،  خلصت تارك من ناس زي، ما احنا طلعنا كتير مخدوعين،  وأهو كلام بنقوله يمكن نعرف بعده ننام، يخرج تعبنا ويسيبنا في سلام، ونصحي بيوم حابين روحنا، ما احنا اللي عملنا ورخصنا قلبنا قدامه، يبقى نستاهل نعيش أيامه، وغدره مصاحبنا بعد ما سابنا، كل ما نداوي جرح تظهر اوام جراح تانية، والفرح فيلم مدته ثانية، حياتي وقفت عند جرحه، 

أغنية ولا ذرة حنين  ولما شوفتك بعد سنين، لا حسيت بشوق ولا ذرة حنين، كنت بحبك ازاي واحنا مع بعض عايشين،  ولما سلمنا ووقفنا واتكلمنا، حسيت ان كان يادوب معرفة بنا، كنت بحبك ازاي أنا وقلبي بجد اتفاجئنا، معقول اللي كان لينا كل الحلول، دلوقتي يبقى المشكلة، مجنون لو حد قال زمان هنكون، دلوقتي أغراب كده، خد كلامنا خمس دقايق،  اللي زمان الوقت مكنش بيلاحق،  وسلمنا و مشينا بعدها و محدش مضايق،

غنيوة يبان للناس  وانت معايا يا سعدي يا هنايا، عندي قلبك أغلى الهدايا، يبان للناس فرحتي في غنايا، يبان عليا كل السعادة  قلبي يرقص رقصته، على همسته ولمسته، حنينه حنينه حبتين زيادة الدنيا كلها حبته، بس اختارني سكته، وأنا روحي ياروحي سدادة أسمع يادوب ضحكته، أطلب منه رحمته، بتجنني وبتنقلني للجنة كالعادة طيب وقلبه كبير، رومانسي بشكل خطير، بسمع كلامه وأطلب إعادة 

بحلم بيكي ومفيش في أيدي غير الأحلام، أصل الفقير حلمه بالغرام زي كنز و ونس، واللي زي وعلى قده ايه بيده ده ع النفس، ولو مرة فكر وهمس بيحاسبوه بالأيام، عايزاني أحارب كأشد محارب،  ويعلن للكل حبه، علشان نبقى سوا، فارس عالي المستوى،  مين ده المجنون اللي ف الكون،  اللي هيكسب حربه، ضد طواحين الهوا، ده أنا ريشه في الهوا،  بحلم بيكي ومكتفي بالحلم أنا مش طماع، لو قلبي ينفع يتباع لأجل مهرك هبيعه تمام، كله على بعضه طوله وعرضه هيجيب كام، ده يحرم علينا الكلام لحد ما أكون شجاع،

أغنية بمشاعرنا نتحكم  لو فضلت جنبك ده معناه الموت، لو قررت بقلبك تبعد برضه هموت، لو كده أو كده هموت في الحالتين، ونهايتي على ايدك ولو بعد سنين، هفضل معاك عمري يخلص ويفوت، هكمل العذاب للنهاية يا نور العين،  بحبك وهعمل ايه، سهل أسمع كلام، صعب أعمل بيه، صعب بمشاعرنا نتحكم، ونبص لقدام، من غير ما نتندم، بحبك وحكايتك ليها أنا مخلص، قسوتك بسامح فيها ولا بتخلص، بتزيد مش بتنقص ولا ناوي تنهيها، علاقتي بيك معقدة صعب أحكيها، يعني كل ده في احساسي بلخص، يعني حكاية عايش وبموت فيها،

أغنية هقتله  ده جرحني مرة وسكتله فوتله، حذرته علشان بحبه، لو جرحني تاني قولتله هقتله، وهو الغدر طبعه،  بيدور على الأمان، وهو بتاع لف ودوران، من بين ألف كلمة كدب، كلمة واحدة صدق، ومش قاصدها كمان، الأذية في دمه، بيقسى وهو ولا همه،  من بين ألف كلمة حلوة، بيختار كلامه مش منها، اللي بيوجع بس قايله،

غنيوة هيفضل كلام  وانا مهما قولت فيك أحلى الكلام، ايه لازمة الكلام، هيفضل كلام، لو متقالش على لحنك  وأنا مهما حبيتك انت لسنين قدام، صعب تكفي الأيام، ووقت الأحلام، على اللي بشوفه منك جنبك بقيت حد تاني، قبلك كنت واحد بعاني، وحبك جاني عمل معجزات، معاك حسيت اني غالي،  وهواك هو راس مالي،  وبقى يحلالي احكيلك حكايات،  وأنا مهما أوصفلك احساسي بيك ايه، مفيش معاني ليه، تقدر تكفيه، لازم تحسه بقلبك  أنا من غيرك زي حرف من غير نقط، كانت الوحدة نمط، ولما جيت بقت، الفرحة بتقولي بحبك 

أغنية عايشة معايا  وجودي لوحدي ده مكنش بيدي،  أنا كويس انت عامل ايه بعدي،  لسه متونس بصورتك وباخد وبدي، ليكي أهمس بصوتك عليا بتردي، عايشة معايا تفاصيل حياتي، ومين يقدر ياخد بس مكانك، اللي بيقرب بيشوف كيانك، بيسمع كلامك حتى بسكاتي، مش متأثر أنا خالص ببعادنا، بكل مكان جنبي انت زي عوايدنا،  لسه عنوان قلبي زي ما هو مكاننا، يمكن زعلان ياحبي شويا من وداعنا،

أغنية مش قادر  مش قادر أتكلم ولا أعاتب ولا أحاسب، لقدري أنا مسلم وبيختارلي هو المناسب، حزن يعدي يسلم وجعي هو كل المكاسب، يا دنيا سالكة الا معايا شابكة،  يا حظ ولا صاب تملي نصاب، مع الكل سكة ومعايا كرت فكة، دفعت الحساب دموع وعذاب،  مش قادر أعيش بس لازم وضروري، ايوة أنا مليش أي أهمية في دوري، برد وأقول مفيش بيعدي عليا دوري،

أغنية مهما تكسب  روح أكدب و زيف وغير في الحقايق،  ما انت أكبر مؤلف وغشك بمزاج رايق، رقم واحد متصنف في عمل الحرايق، ولا كأنك بتصيف ومش مهم مين يضايق  خسران مهما تكسب، بيبان مهما تكذب  زعلان من الحقيقة، متعرفش منها تقرب  غلطان عشان وافقت نبقى كده سوا، والغلط أكبر لما نزلت لده مستوى، حبك منه شربت كان مر زي الدوا، كدبك ياما سمعت امتى تجدد في المحتوى 

غنيوة  ابدا وحياتك  هو مش حاسس، بحبي وشوقي ليه، ده أنا بس ناقص، أجيبله القمر ليه، عنده دايماً هاجس، أني هحب عليه، وهل من منافس، يقدر ينسيني عينيه، ابدا وحياتك ومش ممكن والله بتكلم جد، هو كنت أطول أسمنا يبقى جنب بعض، بلاش تردد بلاش حبيبي خوف  انت متأكد زيك مش هشوف  ولا ممكن ابدا بعدك أحب حد انت مش شايف، بعينك حالي ايه،  اسأل قلبك عارف، مين اللي عايش بيه،

أغنية كان بنا ايه وهو احنا كان بنا ايه، أشواق  بكرة كل واحد فينا ينام، ويصحى يلاقي منها فاق، وننسى التاني كان إسمه ايه، وهو احنا كان بنا ايه، سنين  عشناها مع بعض في أمان،  هتبقى ذكرى كمان ساعتين، وأقابله تاني ومسلمش عليه، كله سهل كله بيعدي، انسى حب عيش بعدي، وليك وعدي ماليش دعوة بيك كله هين وتقدر تنسى، مش أول مرة ولا بتنسى، مش قصة تسيب حبيك بايديك

أغنية الا جرحك جاي بتاخد رأي، ولا بتقولي انك ماشي،  هو لسه من حقي، أقولك يا حبيبي خليك معايا  من غير أي عتاب، أو لوم ده مش وقته،  الحب عمره ما غاب، ولسه حضني الحل للحكاية كل الجروح ممكن تخف، الا جرحك ليا تبقى النهاية، كل القلوب قدامك صف،  ويفضل قلبي ليك مرايا، عايزك تسمع كلامي، وتدينا فرصة كمان، كانت احلامك احلامي، كنت بتحب تسمع غنايا الزمن مش بيغير حد، الا لو كان بإرادته،  وخلاص براحتك بجد، ومهما تبعد هتفضل جوايا