أشعار الأراجوز

أغنية تهلك من الضحك  حبيبي لو فين روحت بياكل في بعضه،  ويقولي ازاي تسيبني،  ده أنا لو حتى مت من غير ما أقوله، هيجي ورايا ويحاسبني، بيخنقني ويزهقني، وده مش اهتمام زيادة، ولا حب أكتر من العادة، تقدر تقول داء تملك ومرض بالشك،  على الواحدة واقف لي، شويا يقسى ويتمادى، وشويا تاني زي الدادة، حالته دي متعبه وتهلك من الضحك، طب كنت فين وليه اتأخرت دي مش عمايل، أكيد كنت بتخوني، طب حد يرد عليه دلوقت أنا مش قايل، حاجة والله ظالمني،

أغنية كلمة معلش  هتعمل إيه كلمة معلش، وانت مصمم تكدب وتغش، ومفيش حاجة بتتغير معذور، ما انت عايش و مية وش، وأدي العصفور أبو جناح مكسور، أتعلم كلمة لأ، زهق وبقى يثور وأهو طار من العش، زعلت بجد لا عندك حق، فوق كده وخدلك دش، وأسمع مني أحلى معلش  هتعمل ايه كلمة سامحني، وانت قاصد تفتري وتجرحني، إكمنى طيب بتعيش الدور، حنيتك قسوة و طبطبتك دبش، 

غنيوة وبتيجي بالساهل  طب ما يطلع عيني ولا ياخد روحي، وماله يا روحي ما انت برضه تستاهل،  اتعب علشان راحتك وانت براحتك، مفيش حاجة حلوة وبتيجي بالساهل، أحلى حب عيشهوني، أغلى قلب ادهوني، من لمسة سحرني وبهمسة خدني من الدنيا، وفي غمزة نقلني كده للجنة،  أصدق أحساس جواه، بنسى الناس معاه، ده يعدي الوقت وأنا ما خلصت كل كلامي،  هيجرى ايه لو فضلت قدامي، 

أغنية صعبتوا الحب علينا  سيبته وقولت أشوف قلبي عنده وقيمته، خدها على كرامته، وهو اللي مزعلني،  مش أنا اللي زعلته، وبالأيام كده سابني، ولا كأنه يوم يعرفني، ولا كأني أنا عرفته، ليه صعبتوا الحب علينا،  مش كان الحبأ غلى ما لينا،  مش ده اللي استنيناه، مش ده اللي اتمننيناه،  ولا ده اللي يرضينا،  خسرته مش عارف والله ولا أنا ظلمته،  ولا عرفت حقيقته، أنا شيلته شيلني، على قلبي وطيبته، اتعود يشوف مني، عايز بجبروته يهملني، وأسكت ما أنا عودته،   

أغنية والله هتعدي  انت مش لوحدك احنا الوفات، و زي ما كل الصعب فات،  الأسوء منه برضه هيفوت، بلاش بس سكوت اتكلم ولو حتى آهات،  أطلع أقف في النور، خوفك ده مش دستور، ولا على رقبتك ساطور، لو الدنيا تحدي طب والله هتعدي،  أخرج وبأعلى صوت، قول عايش مش هتموت، ادفن حزنك في تابوت، وقول بإيديا عندي ألف سكة تودي، ايه يعني حلم ضاع و إتكل، ليه يعني تحس كده بالفشل، والله ولو ميه حلم، راحوا ايه يهم المية واحد تلقاه حصل،

أغنية كمل  كمل في طريقك زي ما انت عايز،  يمكن وجايز، تلاقي اللي في بالك،  وتكمل وتبقالك، الراحة والسلام، كمل وعيش واتبسطت، لسه الدار أمان  ولو أفكارك اتلخبطت، انت حافظ العنوان  كمل وشوف وجرب، أمنيتك من زمان  ولو تحب تاني تقرب، هيفضل ليك مكان مقدرش أمنعك وتبقى مش على راحتك، وتحس بخسرتك، وانت معايا ليه يعني، ومش هتمنعني، أشوفك في الأحلام 

غنيوة جايلك نولعها  تعالى انتي بس ايوة انتي المطلوبة، القلب بالقلب بيحس تعالي والباقي عليا، عندي فكرة وملعوبة هتعجبك ثقي فيا، نبني حبنا طوبة طوبة وتتدفي بيا،  في الشتا  وعز برد طوبه، أنا جايلك نولعها، أطلع يا قلبي سمعها،  أحلى الكلام اللي متقالش، ابدا لحد غيرها، بجيبه منين أنا معرفش، من حضورها ولا عينها، انتي براحتك تدلعي وكل حاجة مكتوبة، والله انتي تنفعي نجمة بالسما تبوسك، وأنا كلمتي محسوبة هتطلع بس شموسك،  وكلمة حزن مشطوبة خلاص من قاموسك،  مفيش غير احساس انك محبوبة، 

أغنية جاب ضرفها  اللي تديه فعلاً أكتر من قيمته،  بينسى نفسه وينسى حقيقته، حبك عدى عليه وقته،  وحكايتك قلبي نساها وحذفها واقف هنا قدامي أنا، وعينه مرغرغه وأتكلم و رغى، يجيب الحكاية يمين وشمال ويلطفها، بسمع العجب أتعلم الأدب، وعرف غلاوتي ويحلفني بطيبتي، بعد النهاية بعد ما خربها وجاب ضرفها، ايوة أنا اللي من الحب دوقته، وعلى معنى الأمان عرفته، مكنش عجباه معايا عيشته، مشاعرك ايه تاني عليا حدفها

 أغنية اعذار جديدة  يغلط فيا حبيبي  واديله اعذاره بدل المرة مية، ولما تخلص كل اعذاره المنطقية، بخلق اعذار جديدة تصبرني شويا،  وتحافظ عليه حبيبي  أسأل عليه، وأقول كان هيسأل الأول، وفيها ايه، مشغول يفضى بس ونكمل، وابعتله كتير، وأطمن عليه لما يغيب، مش بخير، ممكن ده السبب والعيب، ابعتله عادي، يرد معلش ورايا حاجات، هبقى فاضي، ووعد نتكلم سوا بالساعات، بهتم بيه، وحافظه وفاهمه كده بالحرف، وقلبي ليه، حظه معاه مالوش وصف،

أغنية لا قريب ولا بعيد  أنا مش محتاج لا قريب ولا بعيد،  أنا ساند بأيد وبطبطب عليا بأيد، لو الوحدة نار عشان فيها وحيد، نارها رماد بالنسبة للعناد وقدام زناد، حبكم ليا بالكلام وبس أكيد أنا قلبي من لحم ودم مش من عاج،  أنا مش مهتم ولا محتاج من حد رعاية، انت وهو ياعم اللي عايزين علاج، ودعوة لربنا يزرع بقلوبكم هدايه، أنا مش محتاج لحنية من حد، ولا بحن لحد ولا مصدق أي وعد، أحن واحد عليا ده هو قلبي بجد، من غير زيف او تخفيف ولا فضل وتشريف، منكم يا قلوب دوامة بتشد

غنيوة مش ملاحظه  متخليش حاجة تقدر تكدرك، ده اللي تعبك ومش مقدرك، بلاش روحك فيه تتشعلق  عيش الدنيا بقى واتبسط، اشخط في زعلك تلقاه سكت، وفي اي حاجة حلوة اتعلق الدنيا دي صغيرة، والتفكير ياما جابنا ورا، سيب وانسى عيش اللحظة، الدنيا اصلاً مش ملاحظه، حالك واللي جرى، سيبها بضحكتك متوترة، كلنا بتيجي علينا اوقات، بنتوه ونزعل على اللي فات، ده الحزن عمره ما عرف يفرق  بص على اللي بايدك وكبر، مهما كان الحلو ده صغير،  اشكر فيه واتكلم عنه وعلق

أغنية كله بيسلم بعضه  أنا ذنبي اية ادفع ليه بس تمن، جرح حبيبك ليكي زمان، وقسوة الأيام وغدر الزمن،  أنا ذنبي اية انتي حبيتيه وهو ساب، طلع غدار ومش إنسان، ليه شايفاني زيه كداب، وأهو كله بيسلم بعضه، وكله بيخلص على بعضه، انتقام وقته فات، نستنى الجايات،  ونطلعه على اللي بعده،  حزن فضل مكتوم، فيه مظلوم،  هنشيله الحزن ده لوحده، أنا ذنبي اية أهو برضيه بدون حساب،  وبحبه وجنبه زي ضله،  بتعاقب ليه على حب خاب،  وأهو كله بيسلم بعضه، والدايرة مش بتقفل عنده، اختيار كان فاشل، سبب مشاكل، فا الإختيار الصح نعانده،  سنين و ربت عقد، ومين قصد،  يأذي التاني كده ويهده،

أغنية خلوا بالكوا  تبعت من غيركوا ده مش عتاب خلوا بالكوا، لا ايه غيركوا ولا ايه خلاكوا بقيتوا أغراب، ميهمنيش أسباب، بتفضحكوا كل أعمالكوا، تعبت أكتر بيكم، بكلام واحساس كداب، زي الحراس على الأبواب، وقفتوني على بابكوا قريب جدا بس بحساب، والدخول بس بمزاجكوا وياريتكوا ياريتكوا، قابلتوني ضيف بالترحاب زي الحراس على الأبواب، موجود لحراستكوا أمين ولو كله غاب، واثقين معاه حمايتكوا وبيتكوا ليكوا ومنكوا، موعود بالوحدة والعذاب

أغنية بتحب سرقة  وليه أنا لما بحب بحب بجد،  و أموت نفسي علشانه اكتر من أي حد، أعيش أضحي بحاجات، و أنسى و أمحي غلطات، عملها في حقي قصد، ولغلطي أستاذ في الرصد،  بس بتحب سرقة، ومتعود على الفرقه، وأحس بالحرقه على سنين عمري الضايعه اتحسر على إخلاصي، بيتداس على إحساسي، الدنيا رصاصي لما أعز الناس تبقى بايعه وليه أنا ودي مش مرة ولا مرتين، دي كل حكاية بدخلها بخرج منها حزين، ازاي المشكلة تكون، في اللي عمره ما يخون، واللي سبب دمع العين هما اللي صح وفاهمين،

غنيوة القمر الحقيقي  يشغلنا بس ليه قمر الليل وهو في سماه، يطلع يمشي احنا مالنا وماله، يهمنا في ايه القمر الحقيقي أهو احنا معاه، قاعدين جنبه و شاغلين باله، ده يتحب كده بالأمر المباشر، ده يتحب مرة واتنين وعاشر،  وأنا دوبت فيه شوفوا قلبي واللي جراله  ده الطبع حلو هادي يتعاشر،  حلوة حياتي بيه شوفوا قلبي اتغير حاله ده قمر ومش بس بالجمال، ده قمر طيبة وحنان خيال،  دي حتى عينيه بتتكلم هي قبله وبداله كل الكلام خلص وهو عمال، يسحرني اقول ايه طيب ولا أعمل ايه عشانه

أغنية ناويه  لو عايزه تبيعي بيعي موافق، هساعدك أنا وأشتريني  البيع بأعلى سعر وبفارق، زي ما أشتريتك بيعيني اشتريتك وشيلتك بقلبي، دفعت من وقتي وتعبي، وانتي طبعك كان مستخبي  وطلعتي حاجة تسد النفس  كده كده على البيع ناويه، عارفة اني حاجة غالية، طبع ومش هيتجاب من بره  وأنا الغالي مليش في الرخص   عمر الدهب ما يتباع بالكيلو، وهتعرفي قيمته منين  واحد مالوش تمن تديله،  قيمة يتنفخ في ثانيتين 

أغنية سابها سابها لا قولوا كلام غير ده، الجرح عمره ما كان يناسبها، مين ده اللي سابها، حبيبها، وانا اللي كنت حاسبها،  مبسوطة معاه ومطمن عليها، ماهو كان بجد حاببها،  خايف أسأل عليها تفتكر هي اني شمتان،  والله من ساعة ما سمعت وأنا عقلي هيشت، خايف اروح اواسيها تفتكر بلومها على زمان، صعب تفهم ان من حبي ليها عليها قلقت، سابها لا قولوا الحقيقة بجد، ازاي قدر يسقيها عذابها، و مكنتش عاملة حسابها ما نابها، منه غير تعبها، عارفها طيبة و رقيقة و نسمة، وعاشت تجربة صعبة، 

أغنية بالحب بتعزم  قالوا حاسبنا متسبش زعلنا يفوق الحد، جينا عاتبنا وكل عتابنا نزل على الأرض، لا اتغيروا علشاننا ولا حتى اتأسفوا، شعور كسفتنا مش قادر أوصفه، بالكلام لحد، عتاب و حساب مرة بشدة ومرة بالمعقول، بالكلام بس فيه ناس بالحب بتعزم، باعوا زي الكتاب بالظبط ما هو بيقول، ياما ناس على أحلى ذكرياتها بتردم، قالوا خوف وحبة كسوف من تقصيرنا والله،  هنبقى نشوف كده الظروف دي الدنيا تلاهي، وعلى الباب صفوف وقت الوجع، الوقت معروف تلاقيه لما تقع، وضع استثنائي، 

غنيوة راقت الدنيا  مين اللي ممكن يشاركني حلمي، ده بالنسبة لي كان خيال علمي، وجيتي انتي وفجأة بقيتي حبيبيتي، وحبيتك حب وهمي  دي عينيكي كانت الطعم، مبسوط انهم اصطادوني، راقت الدنيا بيكي واحلوت في الطعم، حتى بصي الفرحة في عيوني، مين أحلى منك يكون لي شريكة،  يقاسمني فيا وفي الفرحة والضيقة، واخد على الوحدة طب واحدة واحدة، عليا دي مش طريقة

أغنية مين اللي قال  مين اللي قال اني وحيد،  ما احنا أهو رايحين جايين، سوا والأيد في الايد، وعمرك ما كنت بعيد، بس ده كله في خيالي، وراضي بيه بقالي سنين، مغبتش فيهم عن بالي، انت قدامي صورة حية، بتسمع كلامي وترد عليا، واحساسك مصاحبني مقاسمني وساحبني بيلف بيا، مين اللي قال اني غريب،  واحد ومشاعره مبسوطين، متعلقين بأحلى حبيب، وايه يعني النصيب، حبيتك وهو ده اختياري، في قلبي وجوة العين، حتى وانت مش داري، 

أغنية  ترجع ريما  قال هيعقل قولت وماله، اتغير بس أسبوع بحاله، ويرجع تاني يقولي اتقل، استنى ثواني ليه مستعجل، هتقدر يعني تبقى مكاني، هتقدر العمر تجيبلي بداله، صبرت عليك سنين كتيرة، أشوف منك حاجة جديدة،  ومفيش فايدة لا نافعة مهاوده ولا شافعة معاندة  ترجع ريما لعادتها القديمة،  وتاخدنا معاك لسكة لبعيدة، بدل الفرصة خدت مية، والنتيجة ايه ما هي هي، ايه اللي جابرني لسه، أسيبك تعيشني بكدبة وقصة،  مش قادر أسمع وتوعدني، مش قادر ده كتير عليا،