أشعار الأراجوز

حنيته عليا كانت شويا عزيزة، معلش ما الراجل طبعه الاسية، فرحتي نصها كانت بتبقى معاه، والنص التاني من وراه ولوحديا ولو عاتبته يحكي لي عن المعاناة  ما هو شاطر في قلب الترابيزة يبدأ يهاجمني، يتهمني ويحاكمني، يقولي اشرحي وميدنيش فرصة، ومكمل لسه بأداء عظيم مسرحي،  وبتفرج واقول ازاي مستحملني، كل عيب فيه يحسسني انه ميزة،  معلش ده طبع رجالة الدنيا، نخرج سوا ألقاه يسبقني بخطوة،  يتباهى بالسيطرة والسطوة عليا، افتح موضوع يفتكره شكوى، ما هو شاطر في قلب الترابيزة، 

 مفيش حد غاب مرة ورجع، ولا فيه اللي بتوحشه يا جدع، اللي بيفارق بيفارق واللي بيوعد طلع، وعده مش فارق، بقيت أحب بالسمع، مش أزمة إخلاص، دول أحسن ناس، خد منهم أعلى احساس لو موجودين  الأزمة في السنين، لما نبعد يومين بحس انهم كاتبين اسمي بالرصاص  مالوش لازمة العتاب، الكلام اخره عذاب، بقرا نفس الكتاب نفس النهاية هي هي  مهما اختلف الأشخاص، بعد ما نبعد خلاص، بحس قفلوا الباب ونسيوني في ثانية

مهما تبعد هفضل احبك جدا، في زعلي مش هبين،  ترجع وقت ما ترجع، مش هتغير معاك أبدا، ولا عليك ممكن اتجنن، ولا هقولك يحنن، حبيبك تملي حنين، ماتتنسيش  ولا ينفع من غيرك أعيش، متجربنيش  غيابك دقيقة عني مش هين  مهما تقسى هقول إني ضغطك، هلتمس لك بدل العذر مية،  غير جو براحتك،  الدنيا صعبة والله فاهمك، يا حبيبي الحب مسؤولية، هتفضل عليك عينيا، واستناك ترجع ليا، ماتتنسيش  ولا ينفع من غيرك أعيش، ماعرفليش  حبيب غير في الدنيا ديا

الوحدة صحيح أريح، تزعل ولا تفرح، انت صاحب القرار  والسكة لو سالكة،  برضه محتاجه مشاركة، تسندك ف المشوار بين اتنين ممكن يحصل خلاف، بس مفيش خلاف إن عقلين، أحسن من واحد ولو كان شواف،  أيوة مفيد الاختلاف وقت الاختيار  الفكرة لو كانت عبقرية،  تبقى مية مية، بعد مناقشة وحوار ده رأيي وفاهم، صعب نلقى متفاهم، يشاركنا الأسرار