أشعار الأراجوز

 مش ممكن مش ممكن الله اعلم دة فعلاً ولا انا بحلم هو إيه النظام  يا أم العيون تمشي الكون بأنتظام  مش ممكن في كدة اه جداً والله متأكدة طب ايه الكلام  يا سيد الحلوين رايقة حبتين الأيام  احلامي اتبدلت و حياتي اتبرجلت  لما هي ابتدت بس تكلمني  روحي أتخطفت و مشاعري اتسرقت  لما هي بصت وبأسمي ناديتني  قلبي فرح خطط و سرح  دة كله وضح و خلاص حبتني 

سعادة البيه الخايب  صباح الفل عليك، طلع النهار وحاسب  على أحلام الليل الوردي  سعادة البيه الخايب  أحب أفكر معاليك، نتيجة الامتحان راسب  مفيش حاجة فيها معدي الحب أختبار فكرني مين اختار!  قلبك أو مرة قربلك  حبك أو بس لمحلك  لا أحد... انت من الاحرار حقك توهم نفسك  أسفك حتى أتكسفلك  يا ترعة الرومانسية يا زرعة شيطانية انت يا ابو الوحدانية خسارة الحبر  في كلام أكتبلك طلع القرار انت في الحب...  هسيب اللي يكملها حد يعرفك قدي الطموح باع وانت مجرد بتاع  ابتديت صفر و سعيت  بقيت صفر بصيت  لا اهتمام... اذا الصفر ضاع  جيت تنجح لقيت  حبيت الفشل ورضيت  يا شركة مفلسة و اوكرة مطوسة  في باب النجاح ومنحسة لا بتفتح  ولا ليها لازمة بالبيت  انت مع النجاح ليك فضايح ع المشاع  وخلاص لا تستاهل ناخد معاك وندي  السعادة رزق وانت قص ولزق  انسان بخته تلفان  خزان تعاسة ومليان  بلا قيمة... مفيش سعادة بالزق  فنان بالحزن والغمقان  فقران وغني بالاحزان  ولبكرة بتتزوق يا بقرة روق...

أنا بقيت خلاص مليش ف الناس  لا حد يلازمني ودة قرار ملازمني  ولا حد يلزمني أغير قراري من الأساس  سافرت مسافات وأنا في وسطكم  هجرت قلبي علشان حبكم  اخلاصكم مصطنع وقلبكم اتصنع من حجر وحدتي أختيار مش قدر  وحدتي قادرة تنسيني حبكم  فين السعادة اللي مني خدتوها  طبعا كالعادة لحبايبهم أدوها  قربكم وجع عذركم دلع و اه انا السبب  علشان سيبت قلبي يتغلب  أدى أحاسيس لناس رموها 

أستنى في الربيع، تطرح وعودك، ليا ورودك  يخلص خريف، يبتدي صيف،  وفصل يسلم فصل، والشتا بوجودك، يغلبه برودك  شوف بيضيع كام ربيع  عداني ف حبك ما جاني  جيت ع الجدع جيت ع اللي حبك  دوست ع الوجع أكمن قلبي حبك  قلبي ليك سمع وانا ليه متسمعتش قلبي راح ورجع ملقاش بر عندك  أستنى في النهار، تشرق شمسك، عليا بحسك  طول الوقت، سكوت وصمت،  وساعة تجر ساعة، طالب حاسمك، أصالح أخاصمك قدامك الملف، ناقص حرف  الكاف لكلمة "عايز" نقصاني 

 أراجوز أراجوز أراجوز ، في حياتهم انا أراجوز دي فكرتهم طول حياتهم  المهم ضحكتهم  وانا بقى دوري محفوظ قولنا نكتة دي القعدة ساكتة اعملنا فقرة كدة لحد بكرة  وحلو يا حلو دول عاوزين يتسلوا  فلان زعلان  ومحتاج جدا ليك يا أراجوز  أراجوز أراجوز ، دول شايفيني زي الأراجوز كنت فرحتهم علشان حبيتهم ولما أشتكيتهم  قالوا الشكوى منك لا تجوز يا ناس مهموم حسوا بقى يوم طب بطل لوم ويلا بقى قوم  هون السكة وحشتنا اوى الضحكة وبقيت فالسو  بعد ما كنت حجر فيروز  أراجوز أراجوز اوعي تكون زي أراجوز  اللي يحبك دة يعوز  يديك عيونه الجوز