أشعار الأراجوز

غنيوة لو تؤام  ده الشوق ليك... اه ايوة ليك، وأنا مش هخبي، طالع من قلبي، بشوفه في عينيك، ما عينيك، دي أصلها مرايا، بشوف اللي جوايا،  تملي فيها، خوفي حبي وتعبي،  والله لو تؤام  مش هيبقى زيك معايا فاهمني كده ومطقم، ده انت وأنا تعبان بتطبطب كتير مش بتأطم، و أيوة أنا فرحان بقربك مني من البداية، مع بعض نقدر نكمل سوا أحلى حكاية،  ده الحزن قدامنا بحبنا بيتحطم، ده كل الحنين... بيزيد في العينين، هتكسف من ايه، حبك اتغيرت بيه، وأتجرأت حبتين، بحبك من سنين، وياما داريته جوايا، بس خلاص كفاية، قدام الناس، بقول حبيبي مين،

أغنية زيرو  أحاسب مين على أختيارها، قلبي ولا عقلي ولا الاتنين، ولا مفيش حاجة أقدر أعملها، وأعيش وأنا ساكت حزين، وكان بس مين اللي خلاني أحبها وأختارها  الدروس المستفادة من قصة حب خايبة متعادة، مع الناس كلها كانت زيرو، خدت إشادة من كل اللي حوالينا وقالوا كالعادة، بعدها انسى وشوف غيره،  أعرف منين مغلطتش تاني، نفس الغلطة بعد سنين، وليه ياقلبي دلوقتي بتعاني، مش ياما حسيت بحنين،  رد يا عقلي فين حكمتك اللي تملي مغرقاني

أغنية مش هتوقف بتكدب في كل وقت وكل موقف،  بتكدب قدام أي حد عشان تتصرف، بتراعي الكدب وحتى لو مالوش داعي،  ولو ده هيعجل بوداعي مش هتوقف، طب فاكر مكاننا، كنا شايفنه جنه،  كل حيطة فيه و وردة، على كدبك فيه شاهدة تتدبل الوردة وتفتح في كل الفصول  ويتغير لون الحيطان وإنت لسه بتقول  قصص وروايات، وكدب بالساعات، مفيش منها فايدة، وبسببك من جنتنا اتطردنا طب فاكر حكايتنا، أيوة أقصد بدايتنا،  كنت ملاك مش انسان، طلعت دي كدبة كمان  بنكبر في السن وإنت لسه صغير  و ياخسارة واضح كده مش هتتغير هتفضل تألف، وأنا مش هعرف،  استحمل زي زمان، بسببك كبيرة أوي خسارتنا،

أغنية بلعب أدوار  وأنا كنت معشم نفسي أعيش معاكي الحلم، مع الوقت لقتني عايش سيناريو أوحش فيلم، وأنا فيه بجد عمال أقوم بدور كل الأبطال  كل يوم عرض شغال وإنتي بتتفرجي وده المهم، بلعب أدوار مش شخصيتي، تديني دور واحد بيرضيكي، وواحد متاح طول الوقت ليكي،  ودور المستمع لو اشتكيتي، كنت راضي في الأول، وانتي بتديني أدوار ألعبها، فرحان وهي بتعتمد عليا بيومها،  طلع نقص ومعاها مطول،  بلعب أدوار انتي كتباها، دور المسؤل تتسندي عليه، وواحد يقول اللي تحبي تسمعيه،  ودور الحنية لو محتاجاها، كنت فاكر بقربي منها، ممكن تتغير وتشوف حقيقتي، تحبني زي ما أنا بطريقتي، مش واحد بيرفه عنها،

غنيوة جرب تقرب  جرب تقرب أكتر، صدقني مش هتخسر، هتلاقي مين يحبك قدي ولا فين، دول مش كلمتين بقولهم وخلاص فكر، وجرب تقرب أكتر، متخافش أنا مسيطر، هنمشي حياتنا زي ما انت عايز،  معايا هتبقى الأول وتملي فايز،  ومفيش حزن يقدر، يقرب منك ولا ينطق أسمك ده أنا جاهز، أظبط نومك وأخطط يومك وأخليه مسطر، جرب ده مفيش أخطر، من إنك تسيب حبيب في شوقي، ومش هتكلم كتير عن ذوقي، متقدرش انك تنكر، متأكد وعارف وبنفسك شايف محدش فوقي، ولا يعرف يتخطى ولا ياخد اللقطة حبي أكبر،

أغنية بمشيتنا جنبكم خلاص بقينا  مش بنعرف الحلو اللي فينا، من كلامكم عننا عرفنا بنفسنا نكتشف قد إيه حلو قلبنا، بالبعد عنكم مننا،  احنا غلاوتنا تزيد في سكتنا، بس بمشيتنا جنبكم، مش محتاجين نعمل مجهود  علشان واحد يشوفنا موجود  دي الوعود خسارة في قلبكم  احنا بعشرتنا تكبر كده محبتنا، بس انت وهو يا غلبكم،  احنا غالين أوي المفروض  بس عايشين بجبلاية قرود صعب يعود جوانا حبكم خلاص اتعودنا نعيش حياتنا والمهم بس مودنا، دي يادوب حياتنا بلاش تحاولوا  قلبنا مش شاروة عليه هتقاولوا، العمر معاكوا فاتنا

أغنية اللي قلبي عايزه  مش عارف ليه عليك بقسى،  وأنا جوايا حنية الدنيا كلها، وليك انت بالذات بتبقى ضعفها، ببقى فاكر كلامك وبقول بنسى، عندي مشكلة مش لاقي حلها، بتمنعني أبين اهتمامي بيه منها، بعمل عكس اللي قلبي عايزه، أرد بس الرد دايماً بيضايقه، مش ده نفس اللي هو مستنيه، فاكرني مش بحس وأنا عازره، مش قادر ليه اروح له وأقوله، كل اللي جوايا كده بصراحة، أو حتى أتكلم معاه براحة، نفسي مرة اللي جوايا يظهرله، وتبان ملامحي قدامه مرتاحة، اخده بحضني نحس بالراحة،