أشعار الأراجوز

ليه يا غالي يا راس مالي،  بتلمسني و اللمسة قاسمه وخنق،  بتعشقني وتحكم عليا بالشنق، خلتني أقول لعشقك مالك ومالي،  حبك ده بيسري في شرياني،  نابع من قلبي باين في حناني، عيونك ١٠٠ بايعاني ومرة شارياني،  تايه أنا بنص السكة من نظرتك ومن لمستك لايدي،  باخد قسوتك توصل لوريدي،  احساسك جبل جليدي وقلبك حديدي، بقفل ليه مليون تكة ازاي روحي تاخد روحي،  أزعل تيجيني تصالحني بحضن، أوصل ألاقيني دخلت سجن، خلتني أقول لمشاعري خلاص روحي،

اللي عمل خده مداس للي عاز، طبيعي ينداس، ليه بقى يزعل من الناس، ليه بعدها ينكسر ويتحسر، متلومش غير نفسك يا مقصر، اوي في حقك ومخسر نفسك بنفسك  ليه يا جدع بتقللها، متعتبش على حد تاني غيرك، ما انت بتتبرع بخيرك وبسرعة بتتأثر  والإهانة بتبلعها،  اللي باع نفسه ببلاش ومكفاش، راح ومجاش، وضاع زمان في الندم فا بلاش، في اللي جاي كمان تخسر،

كل واحد بيقول يلا مصلحتي، واشمعنا أنا عملت ياما خير وليه يا بختي، متدرش هنا معقول أخر واحد عنده طيبتي، مش هنا  طيب كفاية نرخص نفسنا ونقلها، مع ناس مشوفناش أي خير منها، في الوداع قولنا دايماً هتلاقونا، وهما واحنا معاهم موروناش وشها، ناكرين الجمايل اه دول كتروا، بوش مكشوف  عملت عمايل ياما لو يفتكروا، بس معروف  بعد ما يقوا بيك عليك يتكاتروا، وينسوا المعروف

جميل خلاب مبهر جذاب، ابقى مجنون لو لغيري اتساب، مثير وممتع ساحر ومبدع،  ومش متوقع يدق الباب،  حلاوته بصورته والله بتخليها تنطق، كلامي غريب عارف وضد المنطق، تعالوا شوفوه بعيني وقولوا لو كداب  كلامه من قلبه أبيض زي الملاك، بريئ وطيب وفي الاتنين فتاك،  أقوله ايه طيب غير أنا قلبي داب مش سهلة واحد زيه كده مذهل،  يحبني أنا وأديني بقول يا مسهل، يا أحلى ما الحظ في عمري ليا جاب

ده كل حاجة من حوالينا اتغيرت، لا همومنا هي نفس الهموم، ولا ميعادنا بقى يطير النوم،  شوفي حالتنا ازاي اتبدلت، حتى الشعرة السودة بالأبيض اتلونت،  وشنطة الكتب اتملت بالهدوم، ومكانتنا بغيرنا أوام اتسكنت، وقولتي هو ايه في الدنيا بيدوم، حاجتين ثابتين زي السما والأرض،  حبي ليكي وحلمي بيكي ليالي ليالي  والتاني يا غالية ردك عليا تملي بالرفض،

عجز صبري عليكي طول وباخ، بدل ما كان عليكي يتسند، بقى يتحسد انه لسه موجود،  احساس الحب ليكي كبر وشاخ، وانتي كده راضيكي الحال، ما قلبك مازال بشبابه موعود،  ما اللي يحب مهموم ومالي الكون صراخ  من وانتي بنت صغيرة، فيا تملي محيرة،

طبعها حاد جداً،  ردها ناشف وده لو ردت أساساً، اللي في راسها مبيتغيرش ابدا، ودها يكاد يكون إحسانا، دي لابسه ماسك، بتتعامل معايا من وراه تفتحلي تاسك، وجواب على قد ال ask  يارب يا الله، صبر قلبي على ما ابتلاه تبا والف تبا،  قلبها من صنف حجارة صوان، لو مرة يحب أهو ده مش ممكن، عندها من التقل خزان،