أشعار الأراجوز

متقوليش حبني كده، وأعمل كده و كده، خليني آحبك أنا، وقلبي على طريقته، أكتب أهم فيلم، وانتي تكوني بطلته، الخوف خلاص بطلته، واللي جاي هنا، أفضل أعاكسك، تشوفيني نفسك، تملي حسك، نسخة منك موجودة هنا  أمسك في توبك، أقلد أسلوبك، أقرب أطولك، يا نجمة عالية بالسما نعيش في الدور، ونلف وندور، نبقى النور، من كل قلب بيتطلب  أطول في الأتصال، يزيد الوصال، خير مثال، احنا في الحب بيتضرب 

بطلت أعمل الحلو،  اللي بتشوفه مني، كده تملي، عايش بيه متهني، انت يعني لو، مرة فيها فكرت، ليه دلوقت، أنا كده بطلت،  و سألت نفسك هتجاوبك، اللي عشته بقربك، وقف نفسي منك، وعلى حبك بتلومني، واللي أتعملك زمان، قولي راح فين يا ناكر،  ولا ذاكرة السمكة، هي الحاكمة هي المالكه، أنا مش مكنة، بتطبع حنان بالمجان لو فاكر ، مين نساك الخوف، قولي وبداك على نفسه، كان بإيه نفعني، ولا شفع لي عندك سمعني،  أنا مبقتش معني، بحالك وكفياك اللي خدته،

بيه حسينا، وبأحساسه لينا تعبنا قسينا، أشترينا عسل طلع مر ليه عشنا، ومعاه عيشنا قسمناه وشوفنا،  جيشنا خسر وهو السر  طلع أكتر من السواد، يلا خلي الناس يتفرجوا، قسوته متخافوش بتتعاد، قال ملاك قال بيهرجوا،  ده حديده خشب جماد، برة قلبي دلوقتي بخرجه، قيدت صوابعي، شمع ووجعي مهما أدعي، يرجعلي بسببه زايد جرح  ومين ينجدني، لو فضلت وحدي كان أفيدلي، عندي حبه بسعر الملح

حبتني طب ليه سابتني، وعاشت عادي حياتها، متهزتشي متأثرتشي، ولا كأن عمرها عرفتني، على رف الذكريات اتحطيت، وبقيت من أقدم الحاجات،  وهي كل يوم عندها جديد، بتحب وتعيش وتبعد بعيد، وجنب الحيط، فضلت وحيد، مصاحب السكات،  حبها ليا كان حقيقة، عمري ما فيه شكيت، بدقيقة الطريقة،  اتغيرت و مسحتني بأستيكة،  اللي فيا ده مش من شويا، ازاي أحلى حكاية، منتهيه الصلاحية،  ترميها هي بالسهولة ديا،

 الصباح رباح  واللي نام على جراح، وارد يصحى مرتاح،  قالوا تبات نار تصبح رماد، الصباح رباح  تلقى النور أهو صاح، وارد يبان البراح، والحزن فات و دار ساب البلاد،  تبسم وتفائل وكله هيعدي، الحزن قاتل وربك المنجي،  لسه عايش لسه فيه تحدي،  صباح الخير قولها كده تملي كتير، قولها للحبيب والشرير، هيجيلك هيروح فين مهما غاب،

يا مفارق  ورايح لدنيا جديدة، أنا وقلبي مش فيها، أوعى تفكر إني مضايق، ولا هموت بعديها، طول عمرنا حتى وانت لسه هنا المسافة بنا بعيدة، هتمشي طب ما تمشي، والله وجودك مفارقشي،  يومي تملي كان بيعدي، وأنا لوحدي، وبشارك نفسي في همومي، هتمشي طب اتوكل، حبك عمره ما يوكل، حبيبه حتى عيش حاف، فا ليه أخاف، وأنا الحمد لله مش نصيبه، يا مفارق  طول الوقت كنت حارق، دمي وأعصابي معاك، يعني عمرك ما كنت فارق، يعني مكنتش ملاك، أزعل عليه ومعرفش أعيش بعديه فال الله ولا فالك، 

متتحبيش  عروسة حلوة بفلتر الصورة من برة،  تشد تلم كام إعجاب لكن من جوة،  صفر مفيش  متتعشريش  و زي أي حاجة مشهورة وليها صيت،  بيتلم الناس حواليها وأنا مش عبيط، منها مبشتريش بكره عيوني اللي شافوكي، اختاروكي، دلوا مشاعري عليكي فا حبوكي، ورسموكي، بس متتوهميش  حبيتك ايوة بس كروكي، ومسحوكي،  عقلي وقلبي من جوايا نسيوكي، وصرفوكي، زي البقشيش متتعشميش  يحبك حد ويكمل غير لو مغفل، بموته البطئ قلبك بيه هيتكفل،  وعليه ميبكيش