أشعار الأراجوز

كان أحلى صحبه، بيحلي مرار الغربة، اللي عيشاها في حياتى، واحساس الوحدة يوماتي،  كان عامل زي الحلم، عايشه معاه فيلم، بنالي قصور سكنني فيها،  واتطفى النور فجأة بلاقيها، مش قصور دي تربة،  ميتة وعايشه بالوهم، مين اللي طفى، في عيني النور، ومخلنيش شايفه، مين اللي خلى، المتواضع مغرور، واقف هناك يتشفى،  بيضحك وكله سرور، دفني بالحيا مسرور،  حبه جابلي الكافيه، 

سؤالكم عليا اه ده والله كافي، أنا أحسن اهو في مرحلة التعافي، بلاش تجيبوا سيرته هو الله يسهل له،  المهم دلوقتي أنا يرجع قلبي صافي ياما في حقي قصرت، وانا في حبه عايشه،  وحاجات حلوة خسرت، وسط الزحمة والدوشة، اللي كان عاملها، حواليا والفرشة، اللي فرشها ليا، زغللت عينيا وانبهرت، باينه أعراض الانسحاب، عليا ما انا كنت مدمنه،  كلامه يوصلني السحاب، يحب يشوفني متجننه، الموضوع صعب، منكرش انا، بعده متعكننه ومقدرش، اعيش كبش فدا

هتسيب  طيب تمام اتفقنا، مش عيب  نرجع تاني لحياتنا،  هتعرف تبقى لغيري حبيب  ده موضوع غريب، لأني مش عارفه، أنسى وأعيش، ولا أعيش عشان انسى، جرحك يا نصيب، ولا فارقني لسه، أنا عندي مشكلة، انت مشيت من هنا،  ورجعت لحياتك برنس وشيك  وكل عيب فيك، جيبته ف اللي كانت ليك،  وعلشان انت راجل حكايتك متصدقه، ولو حبيت انهيها واحدة بواحدة، هيقولوا عليا أصلها واحدة، عناديه غلاوية ملهاش في الرضا، هتفارق  عشان مينفعش تتساب، مش فارق معاك مين سبب العذاب، شكلك بس هو اللي فارق، يا هنيالك راجع فايق وانا عماله أموت، الحزن بيكبر، زي العمر معاه بكبر، جرحك يا عاشق  عليه مش بقدر،

لما كنا زمان  انا وهو مع بعض  من كتر الضحك  اصاحبنا بيقعوا ع الارض مبيعرفوش  يوصلوا لحد فينا بجد تليفوننا تملي كان مشغول والكلام بينا كان موصول يسألونا نقول في ميتنج ماهو برضه مش معقول  نسيب كلامنا مع بعض ونرد على ويتنج ولا رقم مجهول بس بعد فجأة  وتليفونه فضل مقفول أسأل كل معارفه  اللي شافه وسمع عنه يقول حتى اللي مش عارفه  خافوا عليه من سؤالي وشوقي ليه  ويتصلوا ولسه مقفول و نسيوا وانا بتصل على طول وفي يوم فجأة رن رقمه و ردت واحدة كده بداله  كل الظنون في ثانية هجموا  قلبي وروحي عليه حمكوا  هو انتي مين لا انتي اللي مين،  الخط بأسمي لسه يادوب ليا منقول، قالت انا معرفش مكانه،  الرقم اتغير وانا في قمة الذهول

مهما تجرحنا، وتقل من فرحنا، وتقلل افراحنا، هنفضل إحنا زي ما إحنا، قلبنا أبيض زي نيتنا، الخير في عينينا فاضحنا، مش ملايكة  احنا ناس عادية سالكة، بنرد الشر قبل الخير، بخير مش زي الغير، يحسد ويغير وفي الأذية مش فاتحين شركة، مش انبياء  قلوب حنينه مش أغبياء،  مالناش مية لون، ولون ولا بنقول هنصون، وإحنا بنخون وماسكين سبح ومشغلين أدعية،

معروف  لو حصل اتفاق، بين اتنين عشاق،  على الفراق يسيبوا بعضهم بالمعروف،  لكني مش هقدر، أنسى واغفر، اديتني وجع مالوش وصف، هرودهولك بس يبقى الضعف، طول عمري كريمة، وبدي اكتر،  كام كلمة تضايق نقول آلف، اسمع مني زيهم بالحرف، هو ده العدل، وحسابك يتصفر، بديهي  اللي عيش التاني،  في عذاب بيعاني، وقت الفراق يترد له ده شيء طبيعي 

هتلاقي فين حد زي حالاتي، ممثل شاطر يعني مشخصاتي، عايزاني شرير باد بوي كبير،  عايزه طيبة أنا أكبر مطيباتي، نفسك تتسلي اسمعي حكاياتي،  ما أنا طول حياتي فاضيه حياتي،  محتاج إثباتك مش كفاية إثباتي، في ايدك هتلاقيني زي العجينة،  يمين تجيبيني شمال توديني،  براحتك تشكيليني عايزك بس تحسسيني،  إني بجد عايش وموجود، مش مجرد اسم زينة، كل اللي عايزه معايا اعمليه، انتي ملاحظه حياتي بايظة،  واحلام اليقظة وهم بتمر في لحظة،  زي الشبح عايش لا بيتشاف، ولا بيتسمع معرفش ليه،