أشعار الأراجوز

أنا لا عدو ولا صديق عايز تعرفني بلاش صدقني  ده كده أحسن ليك مش عايز اسودها في عينيك  وبلاش أصعب عليك  ما أنا الفاشل في كل شيء  محبط و محبط  أمشي عدل السكة تتلخبط  أعمل الصح الغلط يشخبط  أنا لا عدو ولا صديق  بص بإختصار أنا حتة أثار  وخيال مآته و ضل حيط مكلكع اوي زي بكرة خيط  لا خايب ولا شاطر ولا حويط  ما أنا الفاشل في كل شيء 

هو يعني حبنا كان عيبنا، يعني لو سيبنا  كل الكون كده هيرتاح، ويهدى لو غيبنا هي جت علينا، الحب مش بايدينا، ولا كان عمره بإختيارنا  الله بالكره عالم، والحروب ماليه العالم،  ليه على حبنا اتحاسبنا دي المحبة في القلوب ساكنه، و اشمعنا فراقنا مطلوب من كل اللي حوالينا،  و يرضوا لو افترقنا 

ده قال أسف، وللأسف مش هيفيد الأسف وانت ع الغلط متعود قال مش قاصد، وحلف مع إن ولا تتوصف جراحه واللي فيها بيجود ده عود قلبي على حزنه، مبقتش استنى حاجة منه، ده لود مشاعري وكان ظنه،  مش هقدر زيه فيه اغلط كده كده ماشي، فا بيجمل نفسه عشان يكمل، ومحدش يلوم عليه و يزود 

حلوين  طبعاً حلوين، واحنا رايقين ومتفاهمين، وبنعمل كل حاجة مع بعض  انا شايلاه ع الراس وهو شايلني من ع الارض غايظين ايوة غايظين، كل الاكسات و الغيرانين، والرصاص يندب في عين البنات  اللي باصين لي في حبيبي و مركزين معانا في كل الحالات  كل حب في الدنيا نهايته ايه  قالوا نهايته الجواز وادينا اتجوزنا والحب عايش بنا منتهاش  شويا عكسات ومشاكسات وماله  مين من غير مشاكل عاش  المهم الحب موجود ولسه مجبش جاز حلوين  بالحب عايشين، تملي مدلعين ومتهنيين، يدومها ربنا علينا نعمة  السعادة قرار وانت اختار  شوفها ده قلبك مش أعمى  مبسوطين  أنا وهو متفقين، منمش ليلة متخانقين، صحيح الحياة مش وردية  بس سرقة الهنا حلال  وأنا وحبيبي اتنين حرامية 

الدنيا دي عمرها ما ضحكت لي، لا ابتسامة حتى ولو خفيفة الدنيا بأمانة حاجة مخيفة  عيشتها كلها وكلها حصلت لي،  لو الحظ كان مغناطيس، أنا أبقى من الخشب  ناس تفرح ناس تهيص، وأنا فرحتي على حسب  مزاجها  الكل صحاب بيت وأنا مضايقها عذابي هو علاجها أمتى بس تسمحت لي طول عمرها معايا كشرية، لا بالشطارة يا شاطر هتلعب تستنى إشارة وكلها بتكدب  مع إنها ويا غيري فرفوشه وعشرية،  لو الحظ كان مغناطيس، أنا أبقى من الخشب  ناس تفرح ناس تهيص، وأنا فرحتي على حسب  كيفها  الكل صحاب بيت وأنا ضيفها ودي كمان ضيفها  فكرني بيها وقولي

حصل خير وأهي كلمة بنقولها وقت ما بيحصل، كل حاجة غير،  غير الخير  مفيش نصيب  ودي كلمة تانية زيها كلام مأصل، جوانا بيترص للغريب  و أقرب قريب  جملة لكل حالة، ولكل موقف مثل،  وكأننا بقينا آلة، بنردده ايوة حصل، كلام لا هو حقيقي ولا وافي بيخلي شكل الواحد متعافي  وبالنسبة لكل مكسور ده كافي  ما كفاية بقى في بعضنا نخم ده لما حبوا يحطوا السم، كان ف العسل اتعب واجتهد كلام بنقوله عادي و معلهوش جمرك،  مالك ده انت أسد  وهو مجرد هدد  متشالك الاحسن  وتفضل تستنى وتستنى ويضيع عمرك،  مش عايزك تحزن ولا تشيل وتخزن  وأديني أهو بقولك كلام،  فض مجالس يا عسل،

هي دي دنيا ولا غابة،  مش كل سؤال ليه إجابة، ف البرد ندور ع الدفا، في قلوب ماليها الجفا،  والحزن مالوش شفا،  و زي ما بيستنوا الغلابة، مجرد ساعة صفا، ساعة من سنين شقى، من حبة ناس كدابه، والأمان في عز بابه،  هي دي دنيا ولا غابة،  مش كل سؤال ليه إجابة، بني ادمين بس شويا بتعمل ملايكة،  وهما أعوذ بالله شياطين ايوة بشر بس شيل كده حرف ب، تبقى شر وكده واضحين  ليه بندعي المثالية، واننا أصحاب رأي وقضية،  مع اننا لما بنحب، و يرفضنا أغلى قلب، بنقومها معاه حرب، ونعمل تصرفات غبية، لا يسلم منا قرب، ولا ينجى فيها الغرب، واقول كل عيوبي ديا هي الطيبة اللي فيا،