أشعار الأراجوز

هي معايا تملي، عادي بيبقى كلامها، بتعادي في سلامها، وتشد و ترخي، عايزه قرب ولا بعد،  مبقتش فاهم دماغها، كل حاجة ليها احتمالين، كلام العين بنا إحنا الاتنين، واضح مفهوم  لكن هواها زي السر جواها، غامض مكتوم  احنا اللي جاي ولا إمبارح، ولا حب يوم  كل حاجة تقبل التأويل  قمر جميل و ولد حبة تقيل، على بعض لايقين  يبان الانسجام علينا كدة أوام، وأوام مش متفقين طايرين ف السما ولا ع الأرض، احنا تايهين 

بحبك، وبحب أنا عينيكي  لكن كان نفسي، مشوفش فيهم نفسي  وانا مكسور حبيبك مقهور  من الدنيا ومن الأيام  الكون بيلف ويدور  والسنين عماله تجري، وأنا معاها بجري  وأبص ورايا ألقاني، لسه واقف مكاني  الكل سبق وعداني، يا حبيبتي من بدري  بحبك، وإزاي أليق عليكي  وانتي نجمة مشهورة  وأنا لو كنت بطل، هبقى بطل مغمور بحبك وامسك بقى ايديكي  زي ما كنت بتمنى، ف الشارع نتمشى  وحبنا يشوف النور  منخفش من المستور وعنينا فِي عيون الناس  واللي يزعل يغور حبك ده شيء خيالي، معشش في خيالي  وإحساسي القوي الكبير، اللي مرمي ف البير زي السر ينكشف، و تتروي منه ويحلالي  بحبك، وبحلم مرة آلقاكي جاية هنا وقايلالي  بحبك يا جدع، حبك ليا منصور بحبك، وامتى ليا يهديكي  ويشاور عليا بالذات، آن الأوان يا ست البنات الحب ده للحضور  قلبك أيوة معذور  ميعرفش إني هنا موجود  ومن غيرك معصور  بينا يجي ألف حاجز، ما بينا مليون حجاب  خايف اقربلك جايز، يصيبك الهم ألوان  وعشان كده حاجز، حبي عنك ورا القضبان  بحبك، ونفسي أكون ...

أنا بطل لكن من ورق  ممكن يتقطع بسهولة يتحرق  والناس تطفي فيه  عشان متزدش ناره  مش علشان اللي فيه  لو حب ياخد بتاره  ياخده من مين و بإيه  بطل ايوة بطل  بس من ورق  اخره هيكون ايه  ممكن عادي ترميه  تشخبط شويا عليه بطل والناس بيه مش حاسه  لا بيكسر ولا بيحارب أشرار  ولا بيرجع الحق للأحرار  بطل في إيه هي دي القصة بطل بيتباع بالدسته  ع الرفوف بيترص رصه  بطل بيعمل حادثة  في طريق فاضي بعز النهار  وشايف نفسه اشطر الشطار  وهو واحد حمار  بس بطل طب بطل هزار  هي والله ما ناقصه بطل بلا فانز ولا جمهور  ولا حد يشجع ولا حد يسقف  الدنيا عماله عليه تسخف فيلمه فشل وحلمه مهجور  بطل نصيبه انه مستور  وستره ان وهو مكسور  محدش عرف لانه محصور  بين أربع حيطان متزخرف  لو قال سعيد يبقى بيحرف  لو قال قوي يبقى بيخرف  يبلع ستوب يتقاله وقف  لو حب يكمل في الدور  أنا بطل لكن من ورق  بيطلع همه في كلام يتكتب  في الشعر لا يمكن يتغلب  بس حتى الكلام ممكن ...

كنت بديك فرصة تراجع نفسك و أراجع نفسي  نشوف غلطنا في إيه، وإيه القصة  عشان نكمل ومنغلطتش تاني فيه  مش عشان تنسى  معقول غلطت لما فتحت  بنا الباب عشان العتاب ونفهم الأسباب اتكلمت وشرحت وجيتلك قولت كفاية غياب  وإنت سكت لقيتك سرحت  وقومت وسلمت ولقتني بتساب قولت براحتك تتقل اديك وقتك افتكرتني سيبتك قولت الوقت علاج واتاريني بقتل  احساسنا بايدينا وكنت وقتها محتاج  أخدك بالحضن أسهل 

 افتكر كلامي هنتقابل تاني وساعتها هتكون حالتك حالة تطلب اسامحك تتحايل تترجاني  وساعتها هكون في منتهى الندالة  لو فيه نوع وجع، لسه مجربتوش  هخليك منه تتوجع، ومتنسهوش  لو الزمن بينا رجع، مكنش اتظلم  قلبي واهو رجع، عشان أنتقم  زمان نصحتك تراجع نفسك قولت انساني ارجع استحالة  زي ما قولتلك هنتقابل تاني  ما الدنيا كلها اوضة وصالة 

إسمعني زي ما اللي كان وكان بنا زمان خلاني أحبك  دلوقتي بعد ما قلبي عليك هان وبعت كمان  مبقتش شايفك خسارة فيك حتى السلام  ملكش عندي غير التجاهل  ما انا غبي وأيوة استاهل  عشان عملت مقام بالساهل لحد طلع أي كلام لو نتقابل يا اسمك ايه في مكان مع إني مليان ومنك معبي  هبقى عادل لو اعتبرتك زي كرسي و ده اخري  ومقامك عندي 

سيد الناس سيد الرجالة معيشني حالة كلها إحساس  لو بس شاور كلامه أوامر  يفرحني تملي يزعلني استحالة  واخد باله مني ومن تفاصيلي  على طول بيطمني وبيحكي لي  ويفهمني كل حاجة كده أكمني  بحب اسمع كلامه بشكل تفصيلي  يونس ليلي ويقولي حليلي  كل مشاكلي ما انتي دليلي   مسؤول هو عني وبيه مستكفيه من عيني فاهمني واللي فيا  لما اغني يحب هو يقعد يسمعني و يشجعني في كل خطوة ليا وهي ديا العلاقة المثالية  كل حاجة فيها حقيقية