غنيوة القلوب بيوت

بنلقى في القلوب بيوت 
و نشوف ف العيون أوطان 
و الوحدة لو كانت أمان 
في العشرة حاجات حلوة عليك تفوت 

أسكن جوة الناس هتحس بالدفا 
أحضن فيهم الأحساس و خليه غطا
وأضحك معهم بعلو الصوت 
حبهم من كل قلبك هيحبوك هوا 
حبهم زي ما بتحبك و عيشوا سوا 
الحزن ما بينكم يهرب و يفوت 

لو حد منهم جرحك هتلاقي مليون 
غيره اوام يعالجك و يقولك يهون 
يداويك و من غير أي شروط 
حب الناس نعمة و آه لو تعرفها 
و لو بعينك أعمى تحسها و تشوفها
و تعيش السلام لحد ما تموت