أغنية منكسرتش

زعلان مهموم و لأ مفرحتش 
تعبان مخنوق اه ما أنكرتش 
بس المهم بالرغم كتر الهم 
لسه جوايا إنسان لسه ونسان 
و الأحزان لو تكتر، في الضحك هكتر
و بالفم المليان لأ منكسرتش

باب هيتقفل 
لسه فيه غيره ألف باب 
مسيري هحتفل 
و أفرح أنا من غير حساب 
هفضل أحاول 
و بعد المحاولة هحاول 
لحد ما أنتصر
أنا على كل العذاب

مين قال 
محروم الحنان ميقدرش يديه 
نفس الحال 
كلنا فيه و هنعمل بس ايه 
لو تقدر تساعد
يبقي كدة ساعد تتساعد
تعدلوا اللي مال 
سوا و تقدروا اوام عليه