قصيدة أحنا ضيوف
أنتي صاحبة الدار
و على نار مشتاقين
و على قلبك المكسوف
احنا ضيوف معزومين
دة حضنك المسكن، و قلبنا ما يسكن، ولا يطمن
الا بعينيكي الملونين
بحسها الهدوء وقت العصاري في الميدان
كلاكسات و زحمة و إشارات كتير
ورد و فل صابح مش دبلان
بحسها الصمت جوة لجنة فيها إمتحان
طالب عاشق و السؤال ولا فارق
سايب ورقته و في حبيبته سرحان
بحبها مركب ساعة الغروب في النيل
عمارات طويلة و شركات بناس
بتحسد الروقان اللي فيك يا جميل
بحبها هوا ساقع في عز الليل
الشوارع فاضية وملكي أنا
هواها ينعشني و يعيشني عمر طويل
تعليقات
إرسال تعليق