قصيدة يا حكيم دارنا
يا حكيم دارنا
مش طالب غير تفسير للي حيارنا
دول العينين
في الجمال مثلين
صاحبتهم مين
لو بنت من بناتنا
ازاي كانت غايبة سنين كدة عنا
قول منين
و البيت فين
و أهلها ساكنين
دي طيف في خيالنا
ولا بنت من بنات ضيف و زارنا
و بعد يومين
هيسيبونا حيرانين
للي حيلتنا بنتين
قالتلي الزينة بعيونك الزينة
اوصفني شوفت ايه و حبتنا
أصلها قديمة مرايات البيت
و بخاف أخطي برة البيت
ملاحقاني عيون ولاد المدينة
وأنا أموت لو جابوا سيرتنا
في وصفها المعاني بتعاني
دة شعرها غزل بنات
سفر مسافات لحد الحاجب
و الرموش عاملة معايا الواجب
يا أم العيون عجناني و عجباني
توهت في النني بعد خطوات
دي الخدود ريش نعام
كملت لتحت و فجأة دوخت
لقيت نفسي قدام الشفايف
لقيتني خايف من القطايف
الحمام يفرد جناحه وينام
عليهم و انا منه والله غيرت
خدني النظر لحد فين
لحد الكتفين صنع جواهرجي
دول مظبوطين بالميزان
و حبتين كمان حصل قلبان
لقتني كدة وسطت موجتين
ملبن و على النار بيغلي
قولت لو قولت جم منين
اخاف تفتكرني بحسدهم
و عمري بالسوء ما أقصدهم
فهمت هي و عني بتبعدهم
و أنا مقدرتش أبعد العين
ولا قدرت بحاجة أوعدهم
روحنا اوام لمكان تاني
و يارتني انا ما كنت روحت
ولا بالوصف كنت ابتديت
العين خدتني و قالتلي ناويت
و طبعا لقيت حاجات تاني
خلتني زي الجمل بركت
قلبي قالي كفاية كدة
عقلي قالي ما علينا
نزلنا تاني بعينينا شويا
لقينا نفسنا ف جنينة فاضية
قالتلي كمل قولتلها متأكدة
و كأني في شبه جزيرة سينا
قولت اللي حصل حصل
شوفت الشمس بتشرق من بابها
و احتارنا جدا احنا في جنابها
خوفت أقرب خوفت اجتنابها
سلسبيل ماية بينزل عسل
خوفت أدوق انا لأخربها
مشيت البنية كدة خطوتين
وقالت كفاية الليل هيليل
بكرة نبقى نكمل الوصفة
قالتلي بجد أنا أسفة
أبويا يقلق عليا حبتين
مشيت البنية و الدنيا بتميل
كل نهار أستنى الليل يجي
بسرعة و بفارغ الصبر
و يطلع البدر الليلة مبدر
و من حلاوته أنا أسكر
و عليه يجري ريقي
أطعم من العنب و الخمر
في حضور البهية كل ليلة
أتمنى الصبح ما يعود
أصلي أنا دايما ببات
ع الطعم سكر نبات
يا بنات ما باليد حيلة
الوتر على أخره مشدود
اللي حاضنه دة مالوش وصف
غير أنه جبال من دهب
حاسس بهضاب و مرتفعات
و فن يتسمى بالمنحنيات
و الطريق مرصوف رصف
ياخدني لكنز ما أتنهب
بيعلن عليا حربه بقوامه
وهو لسه ورد مخضر
أقوم بريحتي انا ارقيه
و بعسلي أرش و أرويه
فا يطرح تفاحه قدامه
يصبح أطعم و أخطر
تعليقات
إرسال تعليق