قصيدة الولد جوة المدينة
الولد جوة المدينة بالسمع يقولوا زينة
زحمة شوارع هموم بيوت، وجع مشاعر والقلوب
على طول حزينة
خرج الولد دق ع البيبان
خرج وحده أصله مالوش صاحب
فضل يدق لا خاف ولا حاسب
واقف على بابها زي الدادبان
وجاله الرد معناش مفتاح
أختار بيبان مالهاش صاحب
بس هو سمعها يا مراحب
خش يا ولدي تعالى ارتاح
رافض الرفض يكون العنوان
أنت يا أخ ليه تملي ساكت
دي الأعمار محتاجه إعمار
والكل بجد واخدها هزار
وهقول ايه خليني ساكت
لو رجعت أيام و سنين كتير
هتروح تاني زي اللي راحت
امتى الدنيا يا ولد ضاقت
لما قالولي أنت بقيت كبير
وكنت مفكرها خلاص راقت
لو أنت زي بتدور ع الراحة
صدق اللي لقاها بتغيير المكان
و صدق اللي ملهاش كمان
أشرب على مهلك أشرب براحة
أطلع برة عدى البوابات
ميهمش منين جاي او رايح
فاحت من سنين عمرك روايح
التمني كدة في تملي حاجات
لا ارتحت بالكدب على نفسك ولا بالصراحة
وأهي كام عين انت حبيتها
وفضلت وحيد طول السنين
لا تقدر تنكر شوفان المرين
وأهي كل عين شافت سكتها
أمشي يابني ملكش هنا عيش
انت عشقتك عروسة البحر الحزين
وهباك كل خدامها لاجل ما تعيش نصين
نص عنده امل ونص مفيش
اهرب من المرايا لا تشوف نفسك وخيبتها
تعليقات
إرسال تعليق