غنيوة ليه متأخر

قولت جايلك كله بوقته 
بس مبتجيش 
سألت عنك ليه متأخر
و عليا مبتعديش 
معقول توهت في عنواني، على طول خليك هتلقاني 
يا حب اخر الصف امشي بس على الوصف 
معذور عمرك ما زورته 
دة أسهل منه مفيش

هتلاقيني تملي ساكت، و أنا اللي لوحده قاعد،
ع الكورنيش 
هتعرفني من الملامح، ما أنا اللي راضي و مسامح،
و عايز أعيش 
دور عليا بمحبة، و أتعب عشاني حبة، 
و منك متحرمنيش

كل الحبايب متواعدين، وعدك ليا هو فين،
فيه ولا مفيش
بدخل السينما بطولي، واحد في سني و طولي،
و ماتعبرنيش
سيبت اللي ورايا، و بدور عليك يا هوايا،
حاول متنسانيش