غنيوة أنا قد كلمتي

ولو كل الناس حلفولي،
وقالولي خلاص انك نصيبي،
وأقدر عادي أقولك حبيبي، مش هصدق كل اللي قالوهولي

يا حياتي وكل دنيتي، أنا لسه عند كلمتي 
زي ما كنتي سبب فرحتي، هكون ليكي كل الأحباب 
حياتي شايفها بتبتدي، والله أنا قد كلمتي 
زي ما كنتي انتي سكتي، هاخدك نعيش فوق السحاب

بثقة أنا قد كلمتي،
هخاف عليكي من الهوا،
هنكمل عمرنا واحنا سوا، اهلا بيكي في جنتي

خلاص بديكي كلمتي،
هعمل كل وعد أنا وعدته، 
هو ده قلبي وهي دي عادته، مش هتشوفي غير حنيتي