غنيوة نفسي في يوم

نفسي في يوم، منعملش فيه حاجة،
وجودنا مع بعض يبقى كفاية،
أنا نفسي وعارف انتي برضه محتاجه،
ليوم تبقى فيه ذكرياتنا حكاية،
نحكيها لولادنا قبل النوم

بحلم بيوم يكون بتاعنا احنا وبس، 
نلف الشوارع، رايح راجع،
ونروح أماكن، ما نعرفها ولكن،
مادام مع بعض مايهمنا غير ببعض نحس 
بحلم بيوم يكون بتاعنا احنا وبس،
ناكل تين، ونفضل ماشيين،
و نشوف خطوتنا، لفين ودتنا،
نطلب من الدنيا تدوم في قلوبنا الشمس 

نفسي في يوم نوقف فيه شويا عقلنا،
نرتاح كتير، من التفكير،
وبلاش نتكلم، نبص ونتعلم،
ازاي نقدر نحقق ويحضر مرة حلمنا