أغنية الحقيقة

عايز الحقيقة 
اللي مش قادر أصارحك بيها،
طب دقيقة 
هتستحملها يعني وتتبسط بيها،

أنا اللي أهتم، وشال الهم،
بدالك والوقت بيعدي 
أنا اللي قال، حاضر ف الحال،
طلباتك أوامر عندي 
ولا مرة هزيت، نفسك وجيت،
تطيب فيها خاطري

عايز الحقيقة
معنديش أبدا مانع هقولك عليها،
وبأي طريقة
مش فارقه معايا أشبع بيها،

انت مش حاسس، بحاجة خالص،
معقول بتتكلم بجد
انت مش شايف، ولا بجد خايف،
وبتسبق العتاب بالرد
انت كنت حاسب، إني هحاسب،
وأطبطب لأ فوق بجد

حلوة الحقيقة
يارب تكون عجبتك واتبسطت بيها،
هي دي الحقيقة
كنت ظالم نفسي وجيت عليها،