أغنية احساس رعب

معرفناش نكون اتنين احباب، 
قولنا بلاش نبقى أغراب،
الفراق صعب، واحساس رعب، قولنا يارب،
نفضل أصحاب، وبعد اتفاقنا كله غاب

كانت روحنا في بعض، ولفين روحنا من بعض،
سنين بندور على روحنا، وبعد ماروحنا مفيش رد

كله انشغل بناس جداد،
وبقينا نتكلم كده بميعاد،
نكتب سطر، ونسيب سطر، بينا متر،
لكن بعاد، والكلام نفسه هو هو بيتعاد

ف الشدة يقولي سلام،
ف الوحدة أسيبه وأنام،
لا الحب نفع، ولا القرب شفع، والتمن ادفع،
وندمنا أوام، اتفاق ف الهوا وأي كلام