غنيوة حلوة أوي

اللي بتحلو دي كل يوم، تعبنا كده من حلاوتها،
حلوة لما تقوم من النوم، وأحلى في كل أوقاتها،

سكر وحلى حياتي،
وأنا بجد وحياتي، محلمتش بأكتر من كده 
حلوة أوي روحها،
وأنا مطلع روحها، وبتستحملني بحب ورضا
في قلبي انتي يا حياتي 
ومن حبي انتي متأكدة

بنعمل كل حاجة سوا، وتشاركني بكل تفاصيلي،
حتى الوقت بيعدي هوا، وانتي ياروحي بتبصيلي،

مش مهم فين بنروح، المكان بيحلى بيها،
يا قلبي وروح الروح، اللي بتسند عليها،