غنيوة شويا محبة

الليل أهو قفل بيبانه،
والفجر قرب يقفل عيونه، والشروق بيشق السما بلونه 
وانت مشاعرك ليا، عليا حايشهم ومش شايفهم 
ولا ظهروا ولا بانوا...

حب حبة، شويا محبة، انت حبة وانا حبة،
 تطرح أرضنا بلمسة وردنا
حب وأرضى، زود مودة، أنا وانت ولاد النهاردة، 
يفرح قلبنا بقصة تلمنا

العيال أهي خلصت دروسها،
ف المرواح العيون تتلاقى، يمشي الولد بحبيبته يتباهى 
وكبرنا أنا وانت، وأمتى ياخواف تبان وتتشاف 
مشاعرك ليا وسوا ندرسها