أغنية ومعنديش مبرر

سألته لسه حاببني، رد هو وقال مبقتش 
يعني خلاص هتسيبني، رد عليا وقال معرفش 
ما هي عينيه بتقول، بكل صراحة إنه بايع 
وقلبي لسه بيعاتبني، ويقولي لأ متصدقش

ومعنديش مبرر على أفعاله،
غير إن كل حاجة بتتغير، غير إن ده حال الدنيا،
وحب زمان مالوش مكان 
والشوق الكبير اللي جوانا،
يرجع تاني يبقى صغير، في دقيقة أو حتى ثانية،
من غير أسباب بنودع أحباب

سأله قلبي وقال، هتعمل ايه حبيبي بعدي 
رد هو ف الحال، دي حاجة تخصني وحدي 
يعني خلاص واضح، مش فارقه حاجة معاه 
هسيبه ومرتاح البال، يدور ع اللي يحبه قدي