غنيوة الحلوة بزيادة

العيون دي مش قمر، لا دول قمرين،
بعرف منهم ان الليل خلاص ليل،
الشفايف عليها ندر، ولا طاقة القدر،
خلاص القلب على أخره مش مستحمل،
الحلاوة دي قدرها،
ويزيد مقدارها، لو بس خيالها عليا ميل

الحلوة بزيادة، بتتمادى،
كل يوم في جمالها،
وحتى كلامها، بميزانها،
موزون بالملي كالعادة، 
لو جيت في بالها، هتشوف كل ألوان السعادة

الجسم ده زي الرسم، ممكن يودي القسم،
تشوفها ثانية أوام عينيك تلمع،
الشعر ديوان شعر، أه غالي السعر،
زي الليل لما ف السما يهل ويطلع، 
جمالها و دلالها،
راس مالها، عمرك كلع تدفعه ولا يشفع

قهوتها سادة، ودي عادة،
الحلوين مش محتاجين سكر،
والنظرة تسكر، ع العسكر، 
أنادي الحقوني منها يا سيادة،
لو جيت في بالها، هتشوف كل ألوان السعادة