أشعار الأراجوز

أغنية محستش بفرق سرحت مرة في حكايتنا، لما مرة كنت فايتنا، وخدت بالي من حاجات، عملتها انت في علاقتنا،  أفتكرت كده كل موقف، لما قولت مش هعرف، وقتي ضيق للحكايات، وسيبتني في همي أتصرف، كنت وحيد معاك، زي ما كنت وحيد قبلك، محستش بفرق في هواك، حتى وأنا بحضنك، طب تعالى بقى بالمناسبة، نعمل مع بعض حسبة، نشوف مين طالع كسبان، ومين خسر وكام النسبة، يعني تعالى نتكلم بلغتك، لو كلام الأحبة مبقاش يناسبك، اديتك حب اديتك أمان، سامحتك كتير ومش عاجبك،

أغنية قالوا عليك  قالوا عليك طيب، قالوا عليك ملاك، حبيتك وقولت طبب، قولت أنا بهواك، أستنيت حضنك يطيب، وارتاح في لقاك،  طيب صحيح، بس فيه توضيح، بعيد مهما كنت قريب، عنيد في حاجة عجباك  وحيد مهما منك أقرب، أكيد الوضع مش مريح طيب من جواك، مختلفتش معاك،  بس عايز حد يحبني، يحس بيا وأنا صريح  نص إنسان يحسني، أحسن من مليون ملاك

غنيوة اعلن لازم تراضي نفسك بنفسك، أصل لو ملقتش حد ينافسك، الدنيا هتبقى هي منافسك،  ودي منافسة مش شريفة، مش هتعدي ظريفة خفيفة، تهزمك كده بسرعة مخيفة، ومش هتقولك أسفة منافسة مش في صالحك، لون الحيطان والسما، بلون بس يعجبك  اعلن قول انك هنا، اكتب عنوان قصتك  وري الناس ضحكتك، اللي كرهتك وحبيتك أرقص وكأن محدش شايفك، خلي الكلام ميباتش على شفايفك، متتكسفش من حد عارفك، أصل الكسوف مش ذوق، ده خوف وعليك ملزوق، بص على الصورة من فوق، وانت كده هتشوف  حقيقة كل واحد لوحدك،

أغنية هرتاح أمتى  كل الحبايب ممكن تتعب من الفراق، الا أنا بتعب جداً وأنا لسه معاك، قدام عينك جوة بحضنك بشتاق،  مش مكفيني أيوة حبك وهواك، ولو هتعب في الحب، هرتاح أمتى، قولي انت،  شاور حتى، وعرفني يا ملاك، لا خدتني للجنة معاك، وقولتلي هحلي دنياك، مشوفتش حلو ولو لدقيقة واحدة كل الدايبين ممكن يحسوا لحظة زعل، ويرجعوا متصالحين ويعيشوا سوا، الا احنا دايماً عندك مهمة وعمل، في وقت فرحتنا تضايقنا هوا، 

أغنية يا بارد  يا بارد يا تلاجة، يا حاجة كده محتاجه، وناقصها كل حاجة  أنا جيت أكملك، أفهم فيك وأعقلك، كان باين في الدباجة، انت في منتهى السذاجة، والبرود وأنا بكلمك أيوة بارد بس جامد، عيني منك وآه منك، أيوة بحبك أكتر واحد أيوة بارد زي مارد، في الفانوس محبوس، لو يعوز يستنى قاصد المشاعر متبهرجة، ودماغه دي متبرمجة، الحب حالة محرجة أنا جيت علشانك، بطل حبة جنانك، بقولها أهو بالدبلجة، الحب ده حالة مبهجة، أسمع مني جنابك 

أغنية قررت تبيع السكة اللي انت ماشيها، أخرتها أنا عارفها، دي المعاملة والطريقة، بتبين اللي جواك الثقة اللي بينا بانيها، يا خسارتها هديتها، مخوفتش انت عليها، باينة أوي نواياك قررت تبيع طب بلاش، يا حبيبي أضيع كده ببلاش، ده أنا قلبي غيرك مشتراش  قررت تبيع طب وأنا، ده قال للجميع إلا أنا، وده خوف ولا كسوف مننا  الطيبة اللي انت شوفتها، والصورة اللي مرسومة، في خيالي ليك خونتها، فاكر سهلة تلاقيها قراراتك لوحدك خدتها، من الجنة أخرج للدنيا، وأبقى قابلني بعدها، وقولي عملت ايه فيها

غنيوة نعمر بيوت تعالي قبل ما العمر يفوت، نزرع شوق نحصد محبة،  نبني سور يحاوط الأحبة، تحلى بحلمنا نعمر بيوت، تعب من المشوارة ساعي البريد، بلاش تجيب ورا وتزود التعقيد،  خايف ليه تدخل الجنة  هي الدنيا فيها بس كام عيد، صغير وكبير وواحد بعيد،  عارف ده هيكون عيدنا دي حيطان البيت مستنيه ضلك،  وأنا بجد بقيت على الأرض ضلك، مختارك أيوة بقلبي وعقلي عايز عيال يكونوا بس شبهك، وبيت أمان عامر بس بحسك،  واختيارك بذوقك في شكلي  الحب معجزات والمعجزة حصلت، دي ست البنات لعندي وصلت،  وقالت يلا نعمر بيوت

أغنية عيزاني هي  لا بتكلم معاها ولا مع غيرها،  دايماً قصصي بتبقى لنفسي، وسكوتي ده فعلاً هيجننها، ومش سهل أتغير كده أنسي، عيزاني هي أتكلم، ما أنا بده بحلم، أنام مرة أصحى، أبقى شخص متكلم، زمان اللي حواليا، احساسهم دايماً بيا، أجبرني على السكوت، وقتها ده أحسن ليا جوايا كلام كتير وحواديت، استنيت الإنسان اللي هحكيهاله، وانت الحد ده خلاص بقيت، وبرضه ده بقى طبعي وحاله،

أغنية طب أتلم  هو انت عندك قلب زينا،  قول كلام يحترم عقلنا، ما انت كنت معانا وجنبنا، يعني حافظينك صم ياعم المهم طب أتلم، ده جرحك فينا لسه معلم، الناس هتتلم ايه المهم، في كلامك عشان تتكلم، فاكر النعم رد بنعم، شوقنا ليك اتردم ترجع بتحلم، هو انت كنت بتحس عادي، لأ بلاش تهزر كده للدرجادي، احنا اكتر ناس في الدنيادي، عارفين معندكش دم هو انت عندك ايه في قلبك،  غير البرود والعند اللي راكبك، راجع تديني قال ايه حبك، وانت عيشتك كلها هم 

أغنية بقول كانت دي حقيقة ولا كدبة، بقالها فترة غايبة، بس لسه سايبة، كل ذكرياتها معايا  ده واقع ولا لعبة، بلاش هزار في المحبة، في الحالتين صعبة، أصدق اللي جوايا وبقيت بقول كانت، بدل ما أقول هنكون، مين قال راحت، ده أكيد واحد مجنون،  هتلاقيها هي حابة، تغيب حبة بس عادي، شويا هلاقيها راجعة، ولا يظهر أسمها على التليفون، دي محتاجه حسبة، خلاص بقيت بغربة،  ما هي كانت الصحبة، وكل حاجة ليا 

أغنية سم وعسل  كل الأغاني الحلوة، اللي ليها معني، كنتي انتي أيوة صاحبتها وكل ألحاني الحزينة، شغالة بتسمعنا، جرح من اللي حبيتها يعني انتي القصة، همسة في بدايتها، لصة في نهايتها  حبيت واتجرحت أكيد، كانت سم وعسل، ماشيين سوا في الوريد،  حبيت قد الجرح كتير،  كانت الحسن والحزن، بالتلاتين من العمر بالدفاتير، كل اللي أنا عرفته، بديوان شعر كتبته، كل حرف بيوصف فيكي  كل الهنا اللي دوقته، وأنا بكتب سيرته،  كل كلمة بتتحايل عليكي  يعني انتي الألهام، والإهتمام كله بيكي، والاتهام ليا بعنيكي 

غنيوة دي واحدة دي واحدة جمالها يجيب خضة، جامدة حلاوتها من ١٠٠ ياردة، دي واحدة بس بمليون واحدة، عين زي القمر وعين زي الشمس  في سلامها سلام الدنيا، وكلامها كله طيبة وحنية، زي الأغنية والدنيا هس هس  في دلالها بتتعلم البنات، منها وتعلم عليهم بالذات، في كل الحاجات بالهمس هي واحدة غالية عليا، النهاردة وبكرة ملك ايديا، في الرومانسية الملكة وبس 

أغنية وانت مالك  صبرت عليك صبر مر،  يمكن ترق يمكن تحن،  أسيبك تفكر وانت حر، بس لاحظ كبرنا بالسن، صبرت عليك دهر وعمر،  وأنا مش في بالك اصلاً ، جاي ترسيني وتوضح الأمر، كنت خليك ساكت أحسن، راحت عليا الأيام ضاعت أحلى أحلام  كنت راسمهالك، بقى ده اسمه كلام جاي تقول سلام وانت مالك،

أغنية مش معقوله  مش عارف كنت تعرف ولا لأ،  كنت بتعب وقت الكلام بينا يقل، طب إزاي تغيب كده ملكش حق، وازاي تغيب من غير ما تشوفلي حل، مش معقوله هونت عليك، أنا للدرجادي، انت عمرك ما كنت ولا هتكون، حب عادي، بقى دلوقتي حتى السؤال متحرم، الكلام مكنش يحلى غير معاك، ده بعد غيابك انت بقيت بحرم، أي حد يقرب من ذكرى كانت وياك، 

غنيوة هفضل مقصر  رقتها أكيد ظاهرة كونية،  حبيتها وجيبت كل الحب ده منين، ضحكتها تعمل حرب عالمية، وبدل الرصاص يوزعوا الياسمين، يا ورد الجناين مهما أحبك،  هفضل مقصر هبقى خاين، مع إني صاين كده قلبك، بحس بالتقصير وعليا باين، أجيبلك السما وألفها هدية، وبرضه مش مقامك ولا تكفيك، أعملك بحر ماية معدنية، جوة قلبي تشرب منه يمكن ترويك،

أغنية بحسن نية انت عايزني جنبك، ضمان أمان لقلبك، أهتم بيك أحبك، أضحي كده وبدون مقابل عمرك ما قولتي حابك، ولا قدرتني بقربك،  بتشيلني بس تعبك، بتتكلم انت لما بنتقابل بتستغل انت حبي ليك بحسن نية، متأكد من طيبة عينيك ١٠٠ في المية، كل حاجة بعملها ليك بتشوفها حق، وبقولك لأ ده علشان انت غالي عليا ليه شايفني وحاسب، اني بس صاحب، وأنا كده مش حابب، أبقى زي التوابل  تديني بكيفك مساحة، وتسحبها مرة براحة، أديك أنا الراحة، وأعيش زي الورد الدابل

أغنية راجع لي  راجع لي تقولي واحشني وبعادنا طول، راجع لي نفسك بس الأول وغششني، مين اللي باع اللي ما بينا مين قال وداع وعنا أستغنى  لو لسه ليك جوايا معني بلاش أقوله وأكمل، لو فاكر أن لسه الشوق،  في مكانه لأ من وهمك فوق، حطيته تحتي وأنا فوق،  لا شوفت معاك ماضي ولا مستقبل  راجع لي وعينيه في الأرض بيوعدني بالاجمل، بيفكرني بزمان كنت بتتحمل وطيب بجد، كان فادني بأيه حبي ليك  جاي تتعبني ليه حرام عليك  ازاي اللي فات مش مكفيك روح وبنهايتنا أتقبل،

أغنية نعيده تاني  راجع مشتاق،  قولي خير باترى، ايه في الدنيا جرى، دي غريبة بجد لو كان قلبك فاق طب إزاي بس نعيده تاني،  مش أنا برضه اللي كنت أناني،  مش ده كلامك ولا كلام حد تانى  طب إزاي قولي أنا أمنلك، بعد اللي شوفته أنا زمان منك، لو ده بالنسبة لك سهل أخاف أطمنلك راجع حنين، وبس عايز أقوله، من أمتى ده كله، ده مين يقدر يتغير في يومين  راجع بيحسب، هقوله خلاص سماح، وده صعب ومش متاح، لو كنت بتفكر مكنتش مني هتقرب

قصيدة  حملة وملحمة  بطل الأبطال هو في الجمال، وحلاوته لوحدها حملة وملحمة، ليالي طوال تفضل شغال، توصف جماله بجمال السما، بقتل الرجال هو كبير المجال، رموشه يحميها حامي الحمى، العين بالكحل والخدود الحمر، ده زي سحر يسحر في الكل، الشفة بطعم عسل النحل،  حط تحت الشعر خطين حمر، دي برائتها براءة اختراع، قوامها ده شراع مركب حتتها، مرسومة رسم فنان ناحتها،  دي صورتها بتذاع وكمان بتتباع،  روح البحر وسحره الخالب، بنسيمه جايب يرطب الحر، أصغر تفصيله تتوصف بشهر، دي حتى الحواجب من العجايب، دي ضحكتها الحلوة تساع، كل اللي ليه باع في سعادتها، تعدي ج نبي أشم ريحتها، سميتها البتاع تفاح على نعناع، 

أغنية شوقي باقي أنا كتبتلك الف غنوة بحكيلك فيها عن أشواقي، والملفت في الحكاية إني متأكد من البداية، لا يمكن يكون في بينا فرصة تلاقي، بس انت هتلاقي كل غنوة في مكانها، ولو بعد سنين هيفضل شوقي باقي،  ليك حتى لو روحي فارقت مكانها، معرفتش  معنى بحبك موت، والحب من غير شروط، والرضا بالحب في سكوت، والعمر عادي يفوت  الا في عشقك عشقتك ومخوفتش معرفتش  اني قلبي شغال، غير لما شاف ده جمال، ولقيته بقى بيتكلم وعمال، يغني فرايحى ولا موال  وافق انه يعيشلك حتى لو معشتش وعارف  إنك اصلاً مش ليا، وشايفني علاقة عادية، ايه المميز بس فيا، غير أنك حبيب عينيا تستاهل أحسن مني ومني مش شايف  وعارف  احساسك بيا عطف، ما قلبك محترف بالخطف، كل كلمة ناقصة حرف، فيا وأرجع للخلف  لما تقرب مني غصب عني خايف

أغنية بيحرق دمي  سكوتي ده أقل حاجة، أرد بيها على كلامه وأفعاله،  بتجاهله و قاصد كل حاجة، خليه يعرف نتيجة أعماله، الكلام لا بقى يحوق، كل الكلام عتاب أو متزوق، رد فعله بجد بيحرق، دمي قدامه  وهو على كده من زمان، تمثال على شكل انسان، ومفيش غير النسيان، هو ده تمامه  ازاي هيحس بقيمة الأمان، وهو عمره ما أتحرم منه بأيامه، والفترة دي وقت الحرمان، خليه يشوف مين أبقى له، 

أغنية قلبي نحس  انت عايز ايه، ممكن يعني تفهمني، لو نفسك تموتني، طب بتتجاهلني ليه، اللي نفسك فيه، تعالى وخلصه مني، يلا خلينا نخلص، يلا العمر بينقص، يلا مستني ايه، أنا قلبي نحس  أعمل اللي عايزه، قلبي مش عايزه، علشان حبك بيه، وعيشك في عزه  في ايه بتفكر، طريقة جديدة تبهرني،  وانت بيها بتحرمني، أتعب معاك واتكدر، هو جرح ولا أكتر، كل الأساليب بتدوقني،  بتحلم بأيه قولي، على الرف تخليني،  يمكن تعوزني تناديني، ما أنا جنبك تملي، بس يا حبيبي خلي، بالك لا بالصدفة تحييني،

غنيوة محتاجك محتاجك، زي عسكري راجع من الحرب،  مهزوم مكسور شبعان ضرب،  من خيبته عينيه في الأرض، محتاجك، زي عسكري راجع من الحرب،  كسبان منتصر بيرقص القلب، شاف حبيبته وهيبدأ العرض، محتاجك في كل الحالات، عالجيني بعلاجك  كلميني ده أنا محتاجك، صوتك كمانجات، محتاجك، زي الطير اللي فارق عشه، راح يدور على رزقه وقشه،  رجع في الغروب ملقهوش، محتاجك،  زي الخير على قلبي ناقشه،  يحبك براحته محدش يناقشه، تاني الهروب ميعرفوش، 

أغنية شكراً يا حب شكراً يا حب،  على الوقت اللي قضيناه، على الحيرة والوجع  وعلى قولة الآه،  ممكن يا حب، على الطريق اللي تاه، تدل قلب الجدع  والنبي لتقول أه، اللي عمل زي اللي معملش، واللي خان عندك مخانش، بكيفه بخلي الاتنين واحد، عملها ازاي طبعاً مقالش، معرفته الجديدة زي اللي صانه،  الاتنين بيتساوا عنده في ميزانه، والله لو هتموتني قاصد، كنت جيتني وقولتلي معلش، عايز يحبني لو وقته يسمح، وبشوقه في ذكرياتنا يمسح،  وبنفس الوقت يزعل لو اتغيرت، بالوضع ده أنا لا يمكن أسمح، 

أغنية حبيب ولا موهوم لا حبيتني ولا كرهتني، قربتني  بس لسه الطريق ليك طويل، كنت قاصد ايه تواعد، ولا تباعد ويفضل اللي بينا شويا تفاصيل، في بعادي بتتعب وتتعذب، ولا عادي بزرار بتقلب، عايش حياتك وكله تمام وجميل،  كنت خليك واقف بعيد،  بتتفرج على اللي ليك من شوق، بلا حب بلا لوم  ليه بتديني أمل جديد، كل أول يوم، خرج اللي جواك يمكن أفوق  خرج اللي جواك عايز أروق  وأعرف حالي حبيب ولا موهوم، ياريتني كانت لهيتني، وشغلتني  الأيام عن قلبك ولا قمت بتشجيعي،  ياريتك كنت خليتك، في طريقك  وأنا في طريقى والحال طبيعي،  واللي بينا سلامات وضحك، ونسيبنا من الآهات والشك،  لو مش شاري يا مشاعري بيعي،

أغنية ملعونة  على قد ما أنا حبيتك كرهتك، يبان على وشي لو تيجي سيرتك، بحزن وأكتئب لو اتقال قدامي أسمك، أبعد عن وشي أنا بجد مش طايقك، أنا أقدر عادي بمليون طريقة أضايقك، فيه أيه في الدنيا أحبه أكتر من كرهك،  ملعونة دي قصة وحكاية، ملعونة ١٠٠ مرة جوايا، ملعونة في كل كتب العشاق، ويتحرق الحب لو كان هيجي من ده قلب  مجنونة المشاعر والأشواق، للي ميستهلش إزاي بنشتاق، يولع الشوق لو من ناحيتك يتباع بالسوق على قد خوفي عليك هأذيك، لو شوفت صدفة مرة عينيك، جوايا طاقة غضب دي ليك، على قد أيوة كل حاجة حلوة، عملتهالك أنا كده في مرة، هعملها تاني بس المرادي مرة،

أنا معاكي  يا بنت الناس، ده هواكي أغلى من الماس،  لو انتوا الاتنين قدامي، هو يداس وده كلامي، فقير أه لكن حساس، وعليكي قفلت أنا الأقواس، ترابك يتباس طعم الأناس، بكتم الانفاس  وأنا وياكي، بحبك موت بس ده مش كفاية،  ردت بسكوت و دي كانت البداية، يلا فوت من هنا وأسكن جوايا،  أنا عاشق  وكلي حماس، راشق بقلبي سهم الحراس،  وبقولها قدامك ولا يهمني، قلبي كراس فيه بتكتبي، فقير و بعلن الإفلاس، مش مال لأ ده احساس، بيجوا ناس بس المقياس، في الأساس  أنا مين عاشق، أنا العادي  من بين الأجناس، والليلادي مقدم ع التماس، وبدعي ربنا كل ساجدة، وفي القداس كمان واحدة، فقير أنا وبمشاعري أتقاس، هأنول شرف رن الأجراس، عيونك نحاس شفايفك أمواس، ولا مساس بالقلب الهادي، 

أغنية أتغير  اللي كنت بساعده وبقويه،  خدت من وقتي واديته ليه، قالي معنديش خبرة واترجاني،  أخليني جنبه أحبه وأحميه، واتغير أتغير، برافو وعلى حياته قدر يسيطر، بفضلي أنا، وبرضه أنا أول واحد عليه يقدر، وأتغير أتغير، وخلاص الطير بقى نسر في السما، وبرضه بقى، خلاص يشوفني مش مناسب وصغير، ده اللي كان تايهة عينيه، وأنا اللي كنت باخد بأيديه،  بيعلمه قلبي ازاي يعيش، وأول ما عاش عاش عليه، كان مين يصدق أو يتصور، أن الملايكة ممكن فينا تحير، وايه ذنبي أنا أدفع التمن، أتغير خلاص كبر وأتأمر،

أغنية انت مش حبيبي  اللي ياما قال أشعار فيا زمان، واللي ياما حاول يقربلي كمان، ساق عليا زمان كل الناس  يمكن أعبره مرة من الأساس  يشوفني يعمل مشغول بناس  دلوقتي بقى مهم وليه كيان، انت مش حبيبي مهما تعمل فيها حبيبي، كفاية تمثيل عليا، خوفك حتى تمثلية، أنا هاين عليا أحط ايدي في جيبي، وأقولك يحنن حبيبي قصدي ياللي كنت حبيبي، ده ياما قال عليا سيد الكل، وكان بيستني كلمة صباح الفل، كان يفتح كلام معايا تملي  ويفضل طول النهار يرغي  دلوقتي هو مش بيحاول يخبي  احساسه في كلامه عشان أمل،

أغنية رضيت بالهم  أنا حبيتك حب مفيش بعده،  وكنت راضي باللي بيجي منك،  خليت قلبي بعده ومش قبله، مهما عملت أنا فضلت جنبك، مع إني شوفت حقيقة حبك، حبي ليك مكنتش من الأول قابله، رضيت بالهم وعمر الهم ما رضي بيا،  قبلت الظلم فا حلال اللي يحصل فيا،  ده أنا كنت مالي عليه حياته، كنت بتعب بداله وأقول وماله، ده حبيبي وأشاركه في حياته، بس في معاناتي بيفضل في حاله، بشتكيله وأهو كلمتين واتقالوا، بينساهم أوام كده من سكاته،

غنيوة ثانية واحدة  دي نجمة سيما، وحاجة شيك عليها القيمة، من بس نظرتين، نسيت كنت رايح فين، مش حركات قديمة، هي فعلاً هايلة وعظيمة، وبقيت من المعجبين، حد يقولي هي مين، حاجة مش واضحة  هو مش فيه  قمر واحد كده في السما طب ثانية واحدة  أمال مين وايه  القمر اللي عدى من هنا طب دي ملاك، وقرر يبقى ليك ومعاك، ابيع أنا سنين، وأعيش أحبك ثانيتين، ده أنا بستناك، بنفس الميعاد عايز ألقاك، انتوا متأكدين، للملايكه نفس مواعيد البني أدمين،

أغنية طب ليه طيب  انت بعيد أوي، عمرك ما كنت قريب  دايماً عامل قوي، مع اني عارف انك طيب  طب ليه طيب، قلبك عليا بس قوي هتلاقي مين في حياتك أكتر مني حنين، هتلاقي فين قلب عايش في حياتك يلون، مستني حد تاني لسه في علم الغيب  طب والله ياحبيبي الكلام ده عيب  هتلاقي منين غيرى لو شافك زعلان يتجنن، بتعمل ليه كده في واحد بداك عن روحه،  وبتقول ليه كلام بتزيد بيه تملي جروحه، اهتمامك بيا بيكون من باب الذوق يعني مش من باب المحبة ولا الشوق وبقول ايه ولا لمين أهو كلمتين ويروحوا،

 أغنية اللي بينا  هو ايه المفروض، نعمل لحبيبنا المفروض، ولا نعمل اللي بيريحه  نديله الموجود، ولا نحبه من غير شروط، ازي الاهتمام نشرحه كان نفسي أقولك اللي بينا مش شويا، اتعب شويا وخاف عليه  بس للأسف اللي بينا فعلاً كان شويا، زي ما ليا باين في عينيه  حبيتني بحدود، وبالنسبة لي شيء مرفوض، خايف ليه من الناس  شوقك ليا محدود، وقربك مني بقى مجهود، عليك لو تبين احساس 

أغنية عمري ما فهمت اتنين سابوا بعض وايه يعني بتحصل كتير بس شوف انا ايه بقول عنك، دايما بالخير بجيب سيرتك، ولسه محافظ أنا على سرك، لسه بعتبرك حبيب عيني مفيهاش تفكير  طب أعاتبك على ايه ولا أيه،  عمري ما فهمت بتعمل كده ليه، مكتوب علينا في القرب والبعد،  أصون الوعد والفرق بينا كبير أيوة سيبنا بعض ولسه بتتعبني مفيش تغيير  بص شوف انت ايه بتقول عني، ويا احبابك بتعيب وتلومني،  وفي كل مكان عمال تعايرني، حتى في البعد انت بتظلمني ومفيش تقدير

غنيوة همزة من الالف جميلة عليها نظرة، تخطف قلبي من غزة ألقيه اتحدف على مصر  والخطوة عليها هزة،  توقع كده أجدعها همزة من الالف بكل سطر العيون سحاب أوقات غيوم أوقات صحاب، القلوب غوايش تلبسها يوم وأوقات تتساب، مجنون عايش ينام يقوم ولا لغيرك عايش،  ملكة أجمل جزر، خد ياقلبي منها حذر عينها جيش ناوي يحارب  يأسر قلوب ولا يعتذر،  وكان عندي بعد نظر وميهمنيش الحب غالب  كان عندي بعد نظر، 

أغنية مفيهاش بعدين أنا لو مشيت مش هرجع تاني، مهما تترجاني  مهما عليا بكيت  وانت هتبكي هتبكي أسمع مني، وعن حناني  من بعدي هتحكي  مفيهاش بعدين تشوف، مفيهاش بعدين ياريت، مفيش انسان على وجه الكون،  هيديك أمان زي ما أنا اديتك  مين هيستحمل ده من جنون، حد يقبل اللي قبلته لما حبيتك  مفيهاش ممكن ده شيء أكيد، أيوة أنا أحسن حد في حياتك الزمن هيثبتلك لما تعيش وحيد، وتطلب أرجعلك وقت الطلب فاتك

أغنية كلامي معاك من غير حتى سلام، أنا ماشي وكده تمام، سايبك لنفسك تطبطب عليك أو تحاسبك،  مش فارقه  من غير عتاب، ووقت يضيع في قول أسباب، اللي بينا انتهى ولو انت شايف غير كده، مش فارقه  كلامي معاك مالوش لازمة وحاجة تطهق، بعمل مجهود خرافي عشان تحس بيا، العيشة معاك بقت أزمة مستحيلة وتزهق، وحياتي أنا دي غالية جداً عليا، ده مفيش أي لوم، ممكن يفوقك في يوم، عشت سنين بفهم فيك يمكن تلين، والنتيجة واحدة  عمرك فكرت عايز ايه، ولا عملت اللي محتاج ليه، المهم بس عندك إزاى أنا بالطريقة بعاملك، وعنها ترضى

أغنية حبيت حيطة  أنا لو كنت حبيت حيطة، كنت هشوفها مرة مبسوطة، من كل اللي عملته كده ليها  بس انتي تملي مفيش، تحت الصفر تملي مبتطلعيش، والمشاعر دي حالفه عليها سكتها سد قدام أي حد ولا أنا بس، دايماً الرد بيكون على القد معايا، في الكلام العند عنوان يسد النفس،  بلاها غرام دوق حرمان ده كفاية، توبة أنا قولت خلاص توبة، هبقى أدي مشاعري لطوبة، وهتكون هي أحن عليا أكيد معرفش ازاي انتي محبوبة، بكرة نشوف الصورة مقلوبة، وانت بتترحم عليا بالتحديد 

غنيوة انت أحلى  ده جه اليوم، اللي هقوم فيه من النوم، وأول حاجة أشوفها هو انت  وده كل يوم، في حبك عندي ليه لزوم، حبك في قلبي بيزيد حته انت أحلى من أي حاجة حلوة، أحلى من العسل والله كتير عليا، انت أحلى يا عمري من غنوة،  وبجد ده حصل وبحبك قولتها ليا، وتملي تحلى معاك كل الدنيا، بضرب بيك المثل بالطيبة والحنية، عارف انت السكر، أهو كلامك ليا زيه مسكر،  وأوعى تبطل تقول كلام  عايزك منه تكتر، بحبك تقولها من غير ما تفكر، أول ما تشوفني وقبل السلام  وأهو عندك قلبي، أعملي فيه زي ما تحبي، اعتبريه خلاص قلبك التاني  مقدرش أنا أخبي، لهفتي عليكي شوقى وحبي، وعادي زيدي أكتر في جناني

أغنية مش هتعرفي لو تعرفي انتي كنتي ايه بالنسبة لي،  لو تعرفي إني كنت بقيس بيكي حالي،  لما بتكوني مبسوطة مزاجي رايق  ولو حتى أنا مش السبب مش بضايق  مش هتعرفي قد ايه قلبك كان غالي، مش هتعرفي علشان انتي مش عايزه،  وفاكرة بتعملي لي جميلة وجائزة، كنت راضي أكون في كتابك همزة، ازاي هتعرفي إنك ملهمتي في الأغاني، كنت هتتصرفي لو عرفتي بشكل تاني، كنت بتمنى أعيش يوم جديد بس علشان أشوفك من بعيد مش هتعرفي قد ايه وصفتك بالمعاني، 

أغنية من الاحتمالات  ليه لما حد بيموت الدنيا بتمشي، وليه لما حد بيبعد الدنيا بتقف، غريبة الحكاية دي متتفهمشي، مع إن في الحالتين بنخسر حاجات تعبت من الاحتمالات، وبين قلوبنا مسافات، وفي حضورنا سكات  وناس تقول معلش انسى تتعوض في الجايات  تعبت من الاحتمالات، لسه بنا حكايات، ولا ماضي وفات  انت في أيدك تريحني باين لي مرة علامات  تعبت من الاحتمالات، الأمل موجود ولا مات ليه في قربك وفي بعدك مرتحتش،  وليه عاجبك تقف من بعيد وتتفرج، أنا قربت بس انت مقربتش، ومخلتنيش أعمل حتى ترتيبات

أغنية بس كرهتك أنا عمري ما كرهت حد، بس كرهتك، هقولها تاني مكرهتش، أنا قدك،  طول عمري بسامح بجد، إلا انت، أسامحك إزاي معرفتش، دقيقة حتى، كسرت حاجة حلوة جوايا، كسرتها بس مقولتش كفاية، عايز تسمع مني كلمة خسرت، ولا انتهيت  ياريت تيجي معايا، على قد الاتنين دول في النهاية،  سديت نفسي عن الحياة، والعيشة،  خلتني تايه وعايش، زي الريشة، ده مفيش خلاف معاه، غير واحد،  جرحه مكنش طايش، لأ ده قاصد،

غنيوة أستنونا  استنونا احنا جايين، انا وحب السنين،  نعلم كل العاشقين  شكل الحب والدلع  أنستونا الحبه دول، اسطورة الحب بيقول، مفيش حب بالمعقول  وكلامي لازم يتسمع يلا أفتحوا الكتب والكراريس، أنا وحبيبى أساتذة في التدريس، هنعلمكوا فن الحب، وإزاي الكلمة تطلع من القلب  وازاي بالحب ننبسط ونهيس، قولها انتي حلوة، جاملها حتى بكلمة، غنيلها مرة غنوة ولو صوتك نشاز  وانتي قدريه دايماً، أسمعي كلامه أحسن، جابلك هدية مثلأ قوليله انت أستاذ حبوا بعض قوي، خلوا الشوق يستوي،  أهتموا بالتفاصيل بالقوي لازم فيها تدلع الحب أبو الفنون، حب لحد الجنون،  حب يهد الكون، وفي الدنيا يولع 

أغنية انتي في وادي  مبتحسيش مشكلتي كلها إنك مبتحسيش  أنا في وادي وانتي في وادي،  مهما أنادي أبان تعبان عادي، بتعيش يومك وحياتك هادي وكأنك متعرفنيش كان جوايا طاقة حب كبيرة، واتحولت بسببك لحاجة خطيرة، أنا خايف عليك دلوقتي مني  كان هوايا ليك مالوش حد، وياريتني اديته أنا لأي حد، مكنش هيعمل زيك و يضايقني  كنت عندي شخص بجد مميز، كنت بفرق في المعاملة وبمييز، بينك وبين كل ناس الدنيا كنت بعدي وأفوت ولا أركز، حجتك واحدة دايماً مش مركز، وعايزني أنا مظبوط بالثانية

أغنية  مقارنة بموت يا حبيبي وانت معايا بس بعيد، والسكوت بينا يتسمع كده من بعيد، بيفوت يا حبيبي عمري معاك وأنا وحيد، لو مرة أختارنا، ندخل في مقارنة، شوف أنا بعمل ايه، وانت شوف قد ايه معملتوش  أنا وقلبي اتكسرنا، وانت اللي مخسرنا، ليه ترضى بده ليه، قولي ايه أنا معاك مخسرتوش بعيش يا حبيبي حياتي كلها بس ليك، مليش قولت مليش غير بس عينيك، وبتعيش مع حبايبك وحاسبني عدو ليك، المفروض يا حبيبي تحس شويا كده بيا، فروض الحب والإهتمام قدمتها بأيديا،  حدود الجفا بترسمها بإيديك بس ليا،

أغنية جاي يقول  جاي يقول أنا راجع، بعد ايه في الوقت الضايع،  بعد ما قلبي نسيه، مهما تناديه هو مش سامع، جاي يقول يلا نكمل، لفكرة وجودك مش متقبل، لا يهمني شوقك، ولا عايز أشوفك نبدأ ايه من الأول، كنت فين وأنا عليك بنادي، كنت فين كنت هنا قصادي، وكنت شايف حبي مالوش قيمة عايز مين ملكش حد هنا، عايز السنين تخليني زي ما أنا، عايز أنساك أنا وبأي طريقة دلوقتي ليه في اللي فات، بتفكر فيه وتصحي اللي مات، فكر في اللي جاي زي زمان

غنيوة قنبلة أنا بحب واحدة، وبموت فيها موت أوي جداً،  فيها مشاكل واضحة، هقولها بس أوعى حد يفتن، قنبلة غلاسة، وفيها هي أستاذة، وفاكرة نفسها اخر لذاذة، قربت اقطع شراييني، بسببها كده بحته ازازة قنبلة تباته، رغاية عايزه سكاته، أقولها بحبك مرتين تلاتة، تسكت ساعتها خالص، في الحب هي على البلاطة قنبلة ظرافة، افيهاتها شفافة،  وهزارها كله في الكنافة، تقولها وتضحك عليها، حلوة جدا وحاجة خرافة

أغنية متسكتش  كل يوم بيعدي مش هيرجع بعده، كل يوم بيعدي هو بيزيد عنده، وانا ايه عنده، لسه معرفش    العمر ايه غير أيام، بتضيع أهي بينا أوام، عايزك تقول أي كلام، المهم وانت جنبي متسكتش قول مرة إنك حبتني، ولا قول إنك كارهني، رسينى مرة وريحني، أتكلم بقى سمعني ومتهربش حبة يجي عندي وهو حنين وراضي، ومرات تانية يعدي ولا كأنه قصادي، لأ مش عادي، لسه معرفش

أغنية صحرا  دايماً بسمع أن القلوب ورد وشجر،  بس عمري ما شوفت قلب حجر، زيك حبيبي  طول الوقت بحاول بطرق أبتكر، علشان أحنن قلبك وقلبك نكر،  كل ده حبيبي عايش معاك في وحدة وصحرا بقيت بكلم نفسي وانت جنبي، علشان تحس بيا عايز سحرة يمكن يادوب بعدها بس تسمعني، جيبت القسوة دي كلها منين، كل اللي حواليك ناس حينينين، منهم قلدهم مرة من نفسي ونفسك بين، حبة معزة مش حب يجنن،  وأنا هصدقهم 

أغنية مكالمتنا  إتفقنا كل واحد يسأل على التاني،  افترقنا بس قولنا نفضل صحاب، لوم ياللي كنت حبيبي وقول أناني، أنا مقدرش أفضل زي ما أنا متغيرش، وشايفك مع غيري حط نفسك مكاني،  لسه بحبك وده معيشني في عذاب، ده حتى مكالمتنا، مبقناش نطول فيها زي الأول  إزيك عامل ايه، تمام وهو ده بقى أخرنا  أصل هنقول ايه، كان أولى ننجح في حكايتنا أنا بقيت بفكر كتير قبل ما أكلمها، عشان مغلطتش مرة كده في الكلام، وأقول حاجة ميصحش أقولها تزعلها، وبفتكر ساعات كان بنا حب قولنا مات،  وكتير أوقات ببقى هموت وأسمع صوتها، وبموت أكتر لما بسرعة بنقول سلام، خلاص ده كل الكلام بينا بقى ممنوع، خلاص هقوله لسه بحبك معدش ينفع، خلاص اتقفل من زمان باب الرجوع، أنا مضايق بسمع صوته لمدة دقايق،  بعد كلامنا طول الليل في ١٠٠ موضوع، بقول بسري انت واحشني ومش بتسمع،

غنيوة  من بختي  الحلوة حبيبتي أنا من بختها ولا هي من بختي، حلوة حكايتي وهي فيها أسمها بقوله براحتي، الذوق منها يتعلم والشوق ليها ده شويا عليها، الصوت لما بتتكلم حنية الدنيا كلها تبان فيها، أنا مش ناسيها أول مرة فيها ليا ضحكتي جمال مش بالكلام يتقال ويتغنى ولا زيه بالجنة،  جمال مظبوط بالجرام على الميزان بيه أنا بتهنى، مش قادر أستنى ايه تاني أتمنى غيرك انتي

أغنية حبيبي  حبيبي ليه دايما مهموم، باخدلك بحر الحياة عوم، كل ما أقرب، تبعد عني مسافة يوم  حبيبي انت لوحدك كوم، عندي وكل الناس في كوم، طب ليه بتهرب، وأعيش من حنانك محروم خدني ليك الدنيا تحلو في عينيك، أنا جنبك، أقسم الحزن معايا حبني بلاش تعيش كل اللي متعاش، لوحدك، داوي الجرح بدوايا روحي حواليك بتحوم، حرساك من الصحيان للنوم، دي زي الملاك، علشان حبيتك طبعاً مفهوم  ياروحي بلاش تعذب، نفسك بالوضع ده هتتعب، أنا باللي جواك، حاسس وعليا انت بتصعب

أغنية تفهم في الحب تفهم في الحب ايه، لا حبيبك بتخاف عليه، ولا مرة تبين ليه، شوقك ولهفتك  تفهم في الحب ايه، وانت بعيد مسافات،  بتقول وتعمل حاجات، عكس كلمتك تفهم في الحب ايه، ولا حاجة، دي كده واضحة، مش محتاجه، ناخد وقت نشرح فيه  فشلت في كل أختبار، دي سذاجة، ولا استهتار، بكل حاجة، وبقلبى واللي حاسس بيه تفهم في الحب ايه، شويا كلام ورومانسية، سهر بليل وكام هدية،  حقيقي مصدوم  ده الحب فيه مسؤلية، سعادتك تيجي بعديا، وسعادتي تخاصم فيا، لو لقيتك مهموم 

أغنية  في الحالتين  هتدفع التمن في الحالتين، لو قدرت تنساني ولو مقدرتش، جواك أنا وقلبي عايشين، حاولت تنسى بس ابدا معرفتش، بعقلك وقلبك ساكنين، مين حبك قدنا قولي بس مين، سكت ليه ومقولتش، ما انا وانت عارفين انك مشوفتش،  لو نسيت، لا هتلقى زينا، ولا في طيبة قلبنا، ولا حنية حضننا عايز تجرب طب ياريت  لو نسيت، هتقابل غيرنا، هتفرح بيه بدالنا، يخلص منك انتقامنا،  وبكرة قريب لو حبيت لو فضلت، كده تفكر فينا، تتمنى ترجع لينا، احنا خلاص اكتفينا، مهما تعمل مهما قولت لو فضلت، تقول لنفسك يمكن، مش هتعرف أبدا، تحب بعدنا فعلاً، عمرك هيضيع لو كده كملت

غنيوة  مدوخاني  دي ملهاش حل، والتقل صنعة، بس هي برضه مش ممانعة، طب مين يحل، والعدل منها، لو تشوفه يبقى نعمة وفضل دي مدوخاني وراها السبع دوخات، وعارفة انها معجزة من المعجزات، وأنا مليش في الشغل ده ولا أعرفه، غلبان أوي ومعاها فرق في السرعات، دي جريمة قتل، والكل يشهد، طب مين يحاسبه ويتأكد،  وده رد فعل، العزل يستاهله، ما هو دايماً في الاتفاق يخل في اللعب بالحبل، والنشل مهنة، سرقة القلوب مفيهاش  إنّ، أسد   ولو  تهل ،  شبل   قدامها ، دي  قمصتها   ولا   قمص   النحل  

أغنية  حاسب  بقينا نحس من أمتى، وبنعاتب بقوة ونحاسب، بتحن دلوقتي لأ حاسب، تفهم ايهفي الحب انت ده الشوق بيترد بشوق، ومعاك على برود بفوق، برضه معاك بنام على تجاهل تام  بترد وقت ما تحب ترد، بحس بأيه مش مهم بجد، بسمع بس كلام ودروس عن الأهتمام ازاي الكدب يبقى بالحب، الاتنين مع بعض صعب، بس انت قدرت تعملها حبيت وكدبت حبيتك أكتر وكنت متقدر، نسيتني كام مرة فكر، ليك حق وجاي تطلبه منه ازاي 

أغنية  بكرة تفوق  من النهاردة سايبك، أدفع تمن عمايلك، أنا من زمان قايلك، مش هصبر عليك كتير فات وقت العتاب، والخيط بينا داب، بعرفك يعني من باب، اني أعمل فيك خير  هتلف وتنهار وتدور في عز ليلك على نهار،  وكنت أنا أخر مشوار الأمان وخلاص ده كان، بجد مش هزار بكرة تفوق على أحزان كتار، جرب تبقى لوحدك، كان نفعك بأيه عندك، جرب الحيرة تاخدك، ومتلاقيش بر ترسى عليه  دوق بقى من أهمالك،  وخبط على بيبانك، وشوف من هيبقى لك، مفيش غير قلبي كان فيه

أغنية  الله يرحمهم  اللي ساب زي اللي مات، يادوب بس نفتكرهم، ونترحم على أيامهم، تيجي سيرتهم نقول ذكريات  ولا عمر الذكرى بتعود، وبنكمل عادي بعدهم،  ونسلم إزاي لو شوفتهم، على حد اصلاً مش موجود احنا في حالنا وهما في حالهم،  لو ينفع نقول الله يرحمهم، نقولها وماله وبمنتهى البساطة فرق معانا في ايه بس وجودهم،  باعوا تمام ده موضوعهم، مش فارقين كده على بلاطة ده الغدر بيبقى في الطبع، قالوا فينا شعر، وباعونا ياريت بسعر، ولا شوفنا في عيونهم دمع 

قصيدة  عتيد الإجرام الجسم زي لوحة مرسومة،  والأسم من القسمة مقسومة، كان مالي أنا ومال القمر قالوا اشتكي في القسم،  ردوا عليا القضية محسومة، نظر المأمور في الأحوال،  وأمر العسكر حواليا وقال، حولوا المحضر لقسم السهر  بس لازم تاخدوا حذر،  الولد ده عاشق وقلبه مال، طب طلب يا سعادة البيه، ممكن تحموني من عينيه،  ولا أروح لمين أشكي ليه، أحبسوني بسرعة ورا القضبان، بتهمة حب ملاك مش إنسان، حاكموني ده أنا عشقان، عودها خطر على أمن الدولة، مصنوع من دهب كله مقاولة، دهب الشعب يستاهل المحاولة، جمالها خطر ده يعمل فتنة، بيني وبين كل رجالة حتتنا، والحل يبقى دقيقنا في زيتنا، روحت لبيتنا أبكي لأمي، قولت ما هي بتشيل همي، قالتلي بس يا واد متفكرنيش، ده أنا والله ماقدرت، قدام أبوك ألحق أسمي، شافني مرة حاكم المدينة، عرفني مغروم ابن اللذين، قالي أجمد لأ متشتكيش، وكلامه رعبني وخوفني، لما حكى لي عن اللي قبلينا، ومين ينفع ليكي محرم، الكل ياروحي بيكي مغرم، الحاكم والمأمور وأنا المجرم، وفي حلاوتك عتيد الإجرام،  أنا بحبك وخلص الكلام، يا أغلي عندي من الأهرام،

أغنية  كان فيه ولد  كان فيه ولد حب بنت، بس الولد حبها في صمت، خاف يصارحها لا قال يكسفها، كفاية عليه جنبه يشوفها، أستنى فرصة وشوقها يكشفها، وعدى العمر وفضل السر، لساه سر وفضل حبه جوه قلبه، طول الوقت بنت جميلة  في كل تفصيلة، تستاهل تتحب بألف قلب ألف مرة، وقلب الولد يسهر لياليها، بنت شقية بنت قوية ذكية وحرة، كان فيه ولد حب بنت، بس الولد حبها في صمت، قرر يصارحها وقال يفاجئها، العمر سرقه وبرضه سرقها، وقال كلامه وأستنى يحضنها، حبها في صمت بس البنت، رفضاه دلوقت كلامه فضحه وكلامها قتله، بنفس الوقت بنت جميلة  في كل تفصيلة، تستاهل تتحب بألف قلب ألف مرة، وقلب الولد جامد وتد، حس بغيرة ولسه السيرة بيقولها غنوة، 

أغنية  النهايات واضح إن النهايات كلها تشبه لبعض، والوجع شيء أساسي مفيهوش نقض، وحيد من أول القصة لأخرها بس بحدود وارث الهم و ده لا مني ولا من والدي، احزن لأخر نفس وأحزن كمان يا ولدي، أنا اللي عشت عمري بالأسم بس مسعود النوم ده مين نقيضه غير بس الحياة، على كل الأسامي ندهت والرد كان بأة، ده المكتوب مكتوب وبشوفه موعود لازم تصبر حتى لو الصبر كان معقود الخال والد و ده في كل الأزمان معهود دورت ع الخال لقيته حتى مش موجود 

أغنية  أتكلم يسكتني عمال تملي يبكتني، و دايماً هو بيفكرني، ويقولي علشانك ضحيت  عمال يعيد ويزيد، عملت وعملت ولا نسيت، ولو جيت أتكلم يسكتني فاكر انت كنت ايه قبليا، ومذاكر كويس تمن كل هدية، بيعد كام مرة ضحك ليا، لوحده جات له الحالة، ما أنا معملتش حاجة،  وهو ده اللي مجنني  أسمع انت أنا بقى زهقت، هتكمل كده هتلاقيني بعدت، ومن أيديك بروحي نفدت،  ياعم كفاية بقى لوم، ويخرب بيت ده يوم، اللي فيه انت حبيتني عمال تملي يبكتني، و دايماً هو بيفكرني، ويقولي علشانك ضحيت  وأنا خلاص نسيت، كل اللي فات وياريت، بالسكوت ياروحي تنقطني 

غنيوة  حمدلله على السلامة  حبيتها سنين ياما، وهي في متاهة ودوامة،  وعلى حبي خدت ملامة، من كل الناس حواليا، جت وسابت لي علامة، تبين بيها حبها ليا، ومش مصدق عينيا، يا روحي حمدلله على السلامة، وهنعيش حياتنا احنا سوا، متتكسفيش  ما خلاص بقى، ومفيش غيرنا في الدنيا، ومتخبيش  عليا العيون ديا، حلو الحب طلع، كان فين ده بس كل الدلع، نجوم السما ليا جمع، والقمر ده بين أيديا، جماله يتشاف ويتسمع، خطوته رقة وحنية، عايش راضي عليا، وقلبي بحبك ليا لمع، 

أغنية  وراك ايه بتقول ضميرك صحي، طب بلغه صباح الخير، يا عم أختشي ولا أستحي، مش ناقصه كلام كتير روح شوف وراك ايه وأعمله، وأعمل معروف قلبي ده ودعه، الحب والشوق عنك لازم أفصله، أصحى وفوق وأنسى أسمي من أوله، بتقول عرفت غلطي، طب برافو عليك والله، واقع في طولي وعرضي، واقع من نظري بشكل نهائي  جاي تحلفني بالماضي، طب حلفني بحاجة غالية، والعشرة دول مش فاضي، مستني ناس معلش جاية روح شوف مستقبلك، بدل ما يضيع هو التاني، ماعدش فيا حيل أستحملك، ولا أعيد كلامي تاني

أغنية  الحلم كنت بحاول أهرب مني، وأتعلق بأي حاجة تبعدني، وتبعد وحدتي عني، قمت سرحت وبخيالي شوفت حلم جوه عيوني بدأ، خدني معاه شوفتني جواه، وقلبي سكت ولا نطق، آه منه الحلم شيء جوايا لمس، وبسرعة لقيت قلبي قام رقص، قالي مضيعش الوقت بالنوم  حلم وهو لوحده لقاني، عشت فيه وآمنت بيه، ومش عايز حاجة تاني، وكأنه فيلم والبطل ليا همس، بس فجأة لقيت الحلم خلص، ورجع حالي زي كل يوم فوقت ولقيت هي هي، الناس ونفس الحاجة حواليا، ولقيتهم بيندهوا عليا، فا فوقت وقولت هنسى بالوقت 

أغنية  مش مستحمل وانت بقى حكايتك ايه معايا، وأخره قصتك قولي ايه، جاي بالفرح اللي مستنيه،  ولا هتبقى ذكرى توجعني في النهاية أنا بالعافية مكمل، صدقني مش مستحمل، لو عايز أقولك على اللي فيها، حياتي مش حلوة في المجمل  صدقني أنا خايف، بعد القرب أنا عارف، ايه هيحصل بعده وايه هيجرى، هرجع أقول لقلبي أنا أسف وانت بقى عايز ليه تقرب، وشايف ايه كده فيا، ده الحزن مالي عينيا، كل ما تقرب غصب عني بهرب  عايز تفهمني الفرح جه أوانه، وأفتح له قلبي وحضني، لو قولتلك مش هتصدقني، كل وجع جوايا الحب كان عنوانه

غنيوة  كل حاجة حلوة تفتح عينيك الصبح تلقى رسالة منها، تنزل الشارع متأخر رايح الشغل، تشوف كده في كل الناس عينها، أوصل المكتب ولسه هكتب كلمة بحبك، هي تكلمني وتقولي بتعمل ايه عندك، وكلمة واحشني تسبقني وتقولها، هو فيه ايه أكتر من الحب أحبهولك وايه بس أغلى من قلب بديهولك ياللي بتعملي كل حاجة حلوة، ايه بس  قولي أحلى منه أعملهولك لقانا دايماً أنا وحبيبى بيبقى عيد، دي حاجة كده أكيد من الخيال، محتاج لقاها حبة تظبيط وتخطيط، وأول ما أشوفها وتشوفني كله بيتنسي، وكل الدنيا حوالينا بلون الورد تتكسي، وياخدنا الكلام ننسى كل المواعيد، 

أغنية  أنا أهو قدامكم مبقتش قريب من حد، ولا حتى نفسي  طب هيشفع أسفي بجد، ليكوا ولنفسي  بقيت بشوف قلبي بس، هو اللي منافسي  ليه كده طبعا محدش هيرد، الحياة طلعت صعبة أكتر ما أحنا فاكرين، كدب اللي قال لعبة وهنطلع فيها كسبانين، والحيرة شبه مستحيل متقعش فيها سنين، وأنا أهو قدامكم بدل المثل مثلين مبقتش على حد بسأل، أصلي هقول ايه ولا حتى فيا أنا بسأل، وأقول عايز ايه ياما حلمت بأحلى حلم، وأصحى ناسيه معرفش بعديه ايه بيحصل 

أغنية على الأقل  بتقول وتشتكي أني تملي جد، ومن أمتى ده كان عيب بجد، زعلان علشان واضح في الرد،  ومش لاقي كلام تاني تقوله، على الأقل،  أنا مش زيك ممل، وحاجة زهق ملهاش حل،  عمري اتسرق وايه العمل  على الأقل،  أنا مش زيك بزن، وحاجة تافهة عليها اتجن،  دي لو شافها عند الكل الناس بتسيب بعض كده لأسباب، واحد ظالم مثلا أو كداب، وأنا قدام الناس زي الكتاب، العيب الوحيد فيا اني حبيتك، 

أغنية  مجتش عليك  خليك مجتش عليك، من غيرك وبيك،  دي الحياة كسبتني  بلاش تتعب نفسك، أنا مش هحاسبك، كام مرة نسيتني وفر تعبك لحد يحبك، زي ما تحب على طريقتك،  وفر مجهودك وصون وعودك، وبلاش تبين ليه حقيقتك،  نعم قلبك ولا دعم، ولا عمره قدر النعم، اللي شوفتها مني خليك بمكانك ويكفيك، بطلت على أيديك أنا أحب أو أغني

غنيوة  بمنتهى الوضوح  ايه ياقلبي بتعمل كده ليه، ما تجمد كده الله هو في ايه، صوت الدق ده دقات قلبك، مش معقول يكون ده حبك، اللي عشت عمر تدور عليه، طب اتقل طيب حبه بقولك، في ثانية كنت عندها، وبقولها بحبها، من قبل ما أعرف أسمها، ولا سنها، أنا عايزاها زي ما هي  تسمعي عن حب الروح، لروح تروح، حب كده بمنتهى الوضوح، مفضوح، في عينيك وعينيا ده عقلي رسم حياتنا لقدام، ده قلبي مهما حلم أحلام، مش هيحلم عمره بأكتر منك، دي نعمة كبيرة وجودي جنبك، تعالى بس نكمل كل الكلام، واحنا في طريقنا لأهلك، 

أغنية  أوعى تصحيه  حب يعني ايه، ده أنا قلبي نسيه، ونام وشبع نوم، سيبه كده أوعى تصحيه  شوق يااه فين، لسه فيه مشتاقين، بص يلا قوم، نسيت الكلام ده من سنين أنا مش عايز أفتكر ولا أفكر، عايش اليوم بيومه ولا بقدر، البلاء قبل وقوعه  سيبت من زمان دور البطولة، تعيش الغلب ده تمن الرجولة، الحب مرفوض رجوعه  أنا مش عايز حنية ولا شوق، الساعة لوحديا بتخليني أدوق، احساس بالروقان واصلي  باكل وأشتغل وأشجع كورة، مالها السيلفي حلوة الصورة، وكافي خيري شري 

أغنية  بلاش كلام  الفراق ميخصش حد غير صاحبه، مهما كنت انت واضح في شرحه، مش هيفهموا حجم الألم اللي مصاحبه، فا أسكت أحسن بلاش كلام هاخد قلبي وأروح لأبعد مكان،  تعب معايا وشاف كتير، وعارف انه مش بخير، ولا هيرجع تاني زي زمان  خلاص كفاية حاولت أنا كتير،  وبكل محاولة بكون خسران، راجع وبالجرح قلبي مليان، وشايف كل حاجة حواليه غير الأسباب عمرها ما كان ليها معنى، باب أتقفل بنخبي وراه دموعنا، مش لازم نضعف ولا يبان وجعنا، لا يمكن ابدا يفيدنا قدام  العيب مش بالحب ولا اللي حبوا، المشكلة لما على الفراق يتفقوا، أصعب حاجة التعب اللي بعده، والخوف يخاف من الأيام 

أغنية  الجرح ورد سلاما لكل حب فاتنا، في حياتنا، واتهنى بحب غيرنا، بس فاتنا، نص في النار ونص في الجنة سلاماً لكل شوق جوانا، وأذانا، لسه تاعبنا ولسه، بنقول هوانا، واخدنا فوق مش عايزنا ننسى الجرح ورد بتفكيرنا فيه، بنسقيه  يكبر قدامنا، وازاي يموت ده بيطرح ورود  بستان أعمالنا، يتزرع بأرض المجروح بيه، بنحييه دايماً بكلامنا، عنه بصوت في كل البيوت  لقى أهتمامنا، سلاماً لصاحب اللي ودعنا، وجعلنا،  نتحسر عليه ونتأثر، بكل وجعنا،  وشك في الطريق وفي اللي متفسر سلاماً للعب على السطوح، والطموح،  بكرة هبقى وهبقى، كان مسموح، الحلم في السن ده بس على فكرة 

 قصيدة  برة عن المألوف برة عن المألوف والمعروف، عن اللي اتفقتوا عليه وعن الظروف، وأنا لو مكفوف برضه بقدر أشوف، ده قلبي كان المخطوف وهو الخاطف، خارج عن السرب والدرب،  طاير لوحدي ولوحدي بدخل حرب،  أة الموقف صعب أة مليش ذنب، الحرب حربي وبالضرب زيه ضارب، برة عن العروف والرفوف، أحساسي ده كنز لكنه مش مكشوف، عايش على الروف والسما ليا سقوف،  قلبي قتله الخوف بس مكنش خايف، ما عاش الحب بالقلب،  وازاي أقلق وأنا جوايا رب، بتلاشى الشرب من بير القرب، ساقوني الكرب سموني أنا الشارب، وحدي ضد الصفوف والكفوف، بحق وصحيح بس مش مكتوف، عندي ناس بالألوف لكن ضيوف، بسافر وأعافر وأطوف لفين مش عارف، مليش في النهب والندب،  حقي مرة أسيبه ومرة أخده غصب، بطير شرق وغرب وأحن للغرب،  شجاع من صلب راجل محارب،    برة عن الكشوف محذوف،  أبسط من البساطة لكني فيلسوف، لا بطيق الوقوف بالساعات موقوف، لا على حاجة ملهوف ولا ليها أجازف، لكن معايا اللعب رعب، مهما تكسب هتبقى نتيجتك بالسلب، عندي نباح الكلب زي اللب، جامد وصلب بواجه مش هارب،  بقصتي شغوف وبالحروف،  أرفع المكسو...

أغنية  كف على كف تعالي يا ست وشوشي لي الودع، دليني على أخره الوجع، قربي خدي في أيدك الكف، لما شافت ضربت كف على كف، قالتلي بص انت جدع، بس الوجع يا ولدي مش هيخف، آه يا حظ جبان ومش تمام، مصاحب الندل طول الطريق، أصل الأصيل  مش قد المقام تعالى قرب هفتحلك أنا المنديل، يمكن أشوف للفرح دليل، قام المنديل قفل البيبان،  والبديل اننا نشوف الفنجان، بصت وقالت شد الحيل، منبع السعادة نشف وجف ركزي وحاولي تاني يا أمي، أكيد هتلاقي فرحة لعمري، يا شاب لا بيدي ولا بأمكاني، أدلك على مقسوم حد تاني، قالتلي أصل المشكلة مني، عمر ما النصيب كدب ولف شالت فنجانها وقفلت منديلها، ولمت من قدامي كل ودعها، وقامت مشيت من غير حتى، ماترمي عليا السلام بوداعها،  ناسية جت من أنهي حتة، ماشية بتضرب كف على كف

أغنية  اتربت ع الخير متحملين احنا فوق طاقتنا،  خايفين نصغر قدام نفسنا، جايين أوي على راحتنا، شايلين هم غيرنا وهمنا، ومكملين كده في سكتنا، عاملين جامدين ولا يهمنا الجراح اتربت ع الخير فينا، أوام كبرت وقدرت علينا، نعمل مناورة ونقول أهو نجرب، نقوم بثورة لا بتخاف ولا تهرب، والحزن ابن أبوه أصيل بيحمينا، حاجات كتير بقت توجع، خلاص مشاعرنا زهقت مننا، دقات قلبنا بقت تسمع؛ الناس اللي حوالينا وجنبنا، وساعات لمشاكل الدنيا بنسمع، احساسنا على حلها هدنا

أغنية مجهود  طول الوقت جنبك موجود، وانت عني بوقتك مشغول، أسمعك تملي وأقولك قول، تتكلم براحتك أتكلم بحدود، ببذل مجهود،  معاك مش عادي، عايزك هنا قصادي، وانت مش مقدر ولا مهتم وبتعاملني ببرود ببذل مجهود، ولا فارقه معاك عادي، وقربي زي بعادي،  ده حتى لو من الذوق تبين لي أي مردود في ضيقتك تلاقيني أسود، وفي تعبي بتسأل بالتليفون، ما انت عارف ان حبي مضمون،  وعرفت حبك قد ايه محدود، 

غنيوة  تسمحي لي تسمحي لي تديني عينيكي، أشوف الأحلام منها، تسمحي لي أعتمد عليكي، حبيت كلامك عنها، تسمحي لي أخد مكانك، و أعيش قصتك ذاتها، يمكن لما أبقى بدالك، يرجع لحياتي اللي فاتها، قولي بعشقك قولي، غيري شكلي ولوني، أرسمي حياتي الجديدة حطي ذوقك بهدومي، قسمي بمزاجك يومي، وخديني لجنة بعيدة تسمحي لي أتكلم كلامك، وأكون أنا انتي، تسمحي لي أدخل أحلامك، وأكون بطلها يا حبيبتي، تسمحي لي أمشي وراكي، دي السكة هي انتي، ألحق الزمن بخطاكي، والضحكة تنور ليلتي،

أغنية  طوبة  كل ما أعمل حاجة تقربنا أحسك مرعوبة، وتبعديني بكامل إرادتك وتهربي لسجنك، أنا لو كنت اديت مشاعري دي كلها لطوبة، كانت حبتني أكتر منك وحستني عنك، يا قلب زي الحجر، ده القرب منه خطر، حن الصخر والشجر، وهو لسه مش بيحن  بتقول عندك مبدأ، خايف من قبل ما نبدأ، هو انت بجد مصدق، دي حالتك حزن الحزن  عندي فكرة ملعوبة، هاخد بالحضن طوبة،  من حبك بقول توبة، وكفاية كده أظن  كل ما أقولك كلمة حلوة تجيلك النوبة، قد ايه انت موهوب في أسلوبك بالهروب، ده لما بنكون سوا بشوف عينيك مرعوبة، قادر أفهم عيوب القلوب بس مش طوب،

أغنية  إزاي يكون حبيبي  خلاص كفاية قفل على كده، وبلاش نكتر في الكلام، مفيش عتاب أبدا بالشكل ده، ده عذاب يطلع الروح، بلاش نفتح لبعض في جروح، وقصر الكلام لو الحب بيروح، بلاش نسيب لبعض ألام، الحب صعب والجرح مفيش أسهل منه، والخصام  ازاي يكون حبيبي وأتعب أنا منه، ومفيش احترام  لأيامنا وهوانا والشوق اللي جوانا، وأحلى غرام  حبيبي قولتلك أنا من زمان، بتتغير انت مع الأيام، وبتغير ك رد فعل أنا كمان، وبقى الرد على قد الكلمة، احنا ليه للحال ده وصلنا، ونضايق بعض في المعاملة، مش وحياتك ده حرام،

أغنية  أنا متأسف  تحب تسمع حكاية واحد حب ومطالشي، متقلوش خليك لما جه يقول أنا همشي، لما بيحبوا يسمعوه من على الباب يسألوه، وقبل من خيبته لقاكوا روحتوا ومتسمعشي، أحكيلك ايه ولا ايه يا صاحبي، دي كل الحكاوي تكسف، ما انت عارف ما انت قلبي،  وبقولك أهو أنا متأسف تحب تسمع حكاية واحد عايش وحيد، مفيش في حياته حاجة تخليه سعيد، كوم كبير همي وياه على جنب مرمي،  ومين يحس يا قلبي باليأس غير التنهيد،

غنيوة  المصنع  أنت بحلاوتك ممكن تحبس، يا خيبتك يا قلبي قدامه، شبه طبق فول مدمس، وهو الجاتوه مش مقامه،  ممكن تشكر لي بابا وماما لو ينفع، عايزك تشكرهم بكلام هقوله وأسمع، شكراً على جودة الأنتاج، الجمال ده كله مش محتاج، غير التحية ليهم دول هما المصنع،   أنا هحبك عادي لو متجبس، بس قلبك بلاش يشوفنا، كوباية شاي بيها بيحبس، خلينا سكر وتحلي بشوقنا، انت عودك خلاص أستوى، و وجودك بيخلينى فريش، انت جمالك أعلى مستوى، ومحترف نازل كده يقش، اللمسة منك ولا أجدعها دوا، عندك الأصلي مش بتغش، متعلقين احنا في الهوا، حس بينا مرة معلش،

أغنية  كل حكاية انت ولا أي ذكرى سايبها، جيت ومشيت ولا حسينا، وهغني الغنوة ديا لينا، وأمسك كل كلمة وأحاسبها، ولو للكلمة معاني، مش هستخدمها تاني  ولا في بالنا تجيينا، كل حكاية وليها نهاية، إلا حكايتك انت معايا، مفيش حكاية اصلا من البداية،  كل اللي اتساب تركة من العذاب، انت زي كتابة بكتاب، خدنا وقت في كتابتها، مشاعر كدابة ولغيتها، مش مستاهله أي عتاب، وايه قيمة الورق، جواه قصة تتحرق  وتصبح رماد قيمتها،

أغنية جبر الخواطر  انت كنت في عيني أغلى الغاليين، وعمري ما أهتميت أنا بالنسبة لك ايه، كنت راضي تحسبني زي التانيين، وانت استكترت ده عليا مش عارف ليه، لو من باب جبر الخواطر، مش هتكسرلي مرة خاطر، بتقول شايلي في قلبك معزة، طب اديني عنها نبذة أنا مش شايف حتى شفقة، أحساسك بيا تملي فاتر انت كنت باني بينا أعلى الأسوار، ويادوب بلمحك أنا من ورا حدودك، بالعافيه كنت بتقبل مني جد وهزار، كل سنة تحسسني مرة انت بوجودك، 

أغنية  انت هوا  مش كل غالي يستاهل تمنه  هو على بعضه أبيعه واستنى اخد الفرق  حيرتي ملازمة وعاملي أزمة  ولا ليك لازمة في حياتي ولا أي فرق أيوة انت هوا وجودك زي عدمه، وأنا قلبي بيعلن أهو قدامك ندمه، حبك كان في بير ودلوقتي ردمه،  ياعيني فوقاني صدمه  متخلنيش اتكلم أكتر وأحرق  معاك بسرق لحظة راحة زي الحرامية وانت فاكر على الحب قادر وجايب الأخر وعمل كل اللي عليك ليا

غنيوة  مشهور بحنانه وايه في الدنيا حلو ايه، غير حبيبي وعينيه، غير رقته ودقته، في الحلاوة اللي باينه عليه وده واحد مشهور بحنانه، نفسه في وردة، طب ينفع الكلام ده، فدان ورد كده بحاله، ده أنا شوفت بعيني، القمر مرة جاله، غيران ياعيني، بيطلب منه يبقى بداله، مين ده اللي يفكر مين، يتساوى بيه ثانيتين، دي جريمة عظيمة، ما أنا حاطت عشانه قوانين يلمس حبيبي مرة ويهمس، مش بقدر أتنفس، فيا عامل عمايل، بحنانه يأمر أمر وأنا أنفذ

أغنية  كلها أيام  كلها أيام ونبعد بعيد، يخلص الكلام بنا أكيد، وقبل السلام ناخد مواعيد، وشوق يروح ويجي مينتهيش لو مع بعض مش هنعيش،  هتعيش في قلبي كأنك جنبي، ومش ذكرى، نفسي أبقى، أفكرك بكرة، وانت ادرى، الأخر النهاردة، بس هبقى، مخلص للملح والعيش،   هفضل أهواك وبسيرتك أجيب، مش هنساك بعد ما نسيب، هيفضل هواك مفيهوش عيب، أحلى حاجة دايماً مبتجيش 

أغنية  يافندم  بقى فعلاً يافندم إنك بتندم على كل يوم عشته معايا، والكلام اللي سمعته صح قولته وانت حتى لسه معايا، دي مش أخلاق عشاق حضرتك،  أيوة يافندم وحضرتك بيها أندهك، بقيت واحد غريب عني، وبقت كلمة حبيبي مني، دي خسارة فيك وبقى عادي يافندم إنك تتكلم وتحكي حتى عن أسرارنا، وأنا وبكل أدب قلبي شطب على كل ذكرى بيك بتفكرنا، 

أغنية  عيب بقى  عيب بقى مالوش لازمة الكلام ده كله، عيب بقى هو احنا على كبر هنخيب، معندوش كبير يفهمه أو حتى يقوله، ان كل شيء في الدنيا قسمة ونصيب، قلب العاشق مش لعبة، نلعب بيها ونسيبها، نملها فانروح لغيرها، واحنا بقى ومزاجنا، نلاعبها حبة ونشيلها في العلبة عيب بقى تقول كلام ميصحش عننا، وتقول هو ده اللي حبيته وعقلي فين، ده لو علينا احنا مسامحين في حقنا، أعقل كده وبلاش الشغل بتاع المراهقين،