غنيوة محتاجك

غنيوة

محتاجك

محتاجك،
زي عسكري راجع من الحرب، 
مهزوم مكسور شبعان ضرب، 
من خيبته عينيه في الأرض،
محتاجك،
زي عسكري راجع من الحرب، 
كسبان منتصر بيرقص القلب،
شاف حبيبته وهيبدأ العرض،

محتاجك في كل الحالات، عالجيني بعلاجك 
كلميني ده أنا محتاجك، صوتك كمانجات،

محتاجك،
زي الطير اللي فارق عشه،
راح يدور على رزقه وقشه، 
رجع في الغروب ملقهوش،
محتاجك، 
زي الخير على قلبي ناقشه، 
يحبك براحته محدش يناقشه،
تاني الهروب ميعرفوش،