أشعار الأراجوز

أغنية بارد بارد برد الشتا في عز الفجر، حامي الرد كده وده فاق الحد، مستني بجد الدفا في عرض البحر، ده كل الود والصفا منه على القد، وبيعتب عليا ويلوم، مهتمتش بيا في يوم، بيعتب عليا ويقول، أنا لوحديا على طول، وكل اللي عليا معمول، وفي الحكاية ديا أنا المظلوم، طبعك حاد صيف في عز النهار، حبك جلاد وسيف أشطر صياد، بقيت رماد مخيف وانت حبيبي نار، والحزن ساد ضيف عليه العناد، 

غنيوة يقعد جنبي  وأنا في حبيبي ممكن أقدر أقول اية، ده متربي على حبي وفتحت عينيه، على غرامي وأتعلم مني كل كلامي، يقعد جنبي أشرح له الأغاني والأيفيه، الملاك البريء بقى جريء عايش ميهموش  حاجة ما هو اتجرأ بحبي  بقى نفسي صورتي وحسي وعيونه مينموش  غير على دقات قلبي  بيرد براحته اللي يقل راحته ما أنا معاه وهو عارف وراه مين بيتباهى بيا ويقول عليا أنا بقيت هواه  ولو هقول فيه عايز سنين

أغنية حقوق الإنسان  طالب حقوق الإنسان، هي فين تيجي هنا وتحقق، أنا عاشق ولهان، بقالي سنين وحبيبه دايماً بيتلكك، في الحب والشوق، حبيب العين هو دايماً بيشكك، طالب اللجوء بهدوء، الحق فين تعالى شوف ودقق، مش واثق في نفسه ولا فيا، ليه بس كده يا حبيب عينيا،  بتحيرني بجمالك ومرة بأفعالك،  وانت اللي مني وكل اللي ليا، تعرف ترسينا على البر شويا،  ولا بحرك الغريق هو أمانك، واخد بالي بتغير في رد فعلك، مرة توريني عنادك ومرة تقلك،  بكلم نفسي ومسميني المنسي، واقع في طول واقع في عرضك، تحضر ليا مرة بحنيتك عرضك، فيه تذكرة واحدة عليها أسمي،

أغنية بلاش تغلط سيبنا الأيام تسرق الأشواق، تحرق اللي داق من التاني حنية، خلينا للعتاب قيمة عالية، والنتيجة هي هي ملهاش أهمية، ياحبيبي فكر بقلبك بعقلك، وبلاش تغلط  غلطة تندم عليها باقي عمرك،  وأنا لسه فاتح لك حضني، مرة أغلط وأفتكر محدش قدي هيقدر يحبك، سيبنا الناس تاخد قراراتنا، زادت حيرتنا وبنبعد مش بنقرب، هنكدب الأحساس ونمشى وراهم، مش دايماً فاهم اللي قال مجرب،

أغنية احنا بنعلم  بنعيش عمرنا نحلم، الزمن يبقى أرحم،  ونقابل الحب ونسلم، عليه ونكمل عمرنا بيه  وبعدها كل بيتغير، نشوف حلمنا صغير، حبنا بقلبنا وندور، فيه على غيره بس ليه مش بنتعلم من اللي قبلنا،  أحنا بنعلم كده على بعضنا، والحب برئ من قسوتنا في حكايتنا  احنا منستاهلش كتير، أصل معندناش ضمير، نفرح بالحب ونطير، وبعدين نسقي بعض المرين  وكأن معندناش قلب، حالنا بقى صعب،  الحنية تبقى غلب، بوشين يا حب العمر عايشين 

غنيوة حبيبي مش محتاج  ازاي في ثانية نسيب الدنيا ونبقى بالجنة، أنا وقلبي دلوقتي فهمنا أصل حبيبنا، جه زارنا ومن غير ولا كلمة قام حاضننا، حبيبي مش محتاج يتزوق، الدنيا بس تعرف، انه هيعدي تقوم تروق، سكته مطرح مايشرف، حبيبي مش محتاج مكياج، تعالى هنا وأصرف،  منه الجمال الرباني ببلاش، تعالى ومش هيكسف، ازاي يا روحنا نبقى بمطرحنا وتقولي روحنا، أنا وقلبك وراه دوخنا لفينا وسرحنا، ده فرحنا ادينا قدامك الموقف شرحنا، 

أغنية مش قولنا لسه كل حاجة زي ما انت سايبها،  لسه بجيب الحاجة اللي انت حاببها، لسه صورك على الحيطان، لسه عايش أنا في زمان، وده نصيب ايه، اللي ممكن يخليه يسيب اللي ليه، مش قولنا حبنا، أقوى من الدنيا، وأكبر مننا، طب انت فين، يا روحي فين، أنا لسه هنا، لسه سايب كل حاجة انت جايبها، أيوة كله في مكانه مستنية صاحبها، حتى شوقي ليك زي ما هو، وحنيني بيزيد ليك بقوة، 

أغنية وعد منا  ده مهما زاد البعد بنا، انت بشرق وانا بغرب وبنا، بحور وبلاد وفرق ميعاد، وناس جداد، هيفضل يتعاد حبك بعيوننا و ده وعد منا، الفراق ممكن يغلبك لكن ما يغلبنا، كاتبينه ما بينا، اتفاق وده للأبد شايلينه بقلوبنا، ده مهما في حبايب عرفنا، هنفضل كده زي ما أحنا، قلبنا غريب نعرفهم نصيب، يودي ويجيب، نحبهم عيب ما انت لسه حبيبنا

أغنية هقبل العتاب  تعالى يا حبيبي الليلادي، ومني أسمع  هقبل العتاب منك عادي، بس أرجع  عايز تلوم لوم، وزي ما تحب تقول قول، بس هنا وانت قصادي، البعد ده أنا مستهلوش، قلبي عندك مترفضهوش، اتعلمت والله واتغيرت  فرصة كمان اديهاني، هتشوف بعينك حد تاني، بالظبط زي ما طلبت واحد عصبي محبتوش، واتغير لواحد متعرفوش،  هادي صدقني بجد بعد ما كان هجومي، بكلامه بشكل جنوني،  بقى بيقبل النقد 

في جنينه بيتنا، زرعت الورد ست حتتنا، وقالتلي يوم الفرح، تلقاه كبر وطرح،  قربت أنا وانت ساعتنا، مكنتش فاهم المعنى، ويوم الحلم جمعنا،  الورد جماله وضح،  فاحت ريحته وشرح، كل حاجة وسمعته غنى،  ليلة ما ان الأوان، شاهد عليها الخشب زان،  ليلة ما أقدر أنسى، فيها كل همسة ولمسة، ليلة ما القمر في دارنا بان،  والاحساس اللي حسناه، وأسم ابننا سمناه،  الورد قال اتمسى،  قولت بدري لسه، خدت من ايدها وسميت بالله، قامت الجميلة للمرايا، قالتلها حلاوتك كفاية،  ده الجمال اذواق،  وانتي محتاجه زواق، اختارك الزين لأنك آية،  يا عالية زي النخل، قربك خطر خلية نحل،  وازاي يبقى قمرك، يطرح بدالك تمرك،  والصعب في عينيكي سهل، ولما النور انطفى، بنورها الظلام اختفى، زاد الجمال الجروح، قالت دلوقتي يروح، خد ده هو فيه الشفا، وبصت لي بصة تضوي، لمستني لمسة تقوي، لقتني بسرعة بتجرأ، وقولت منين أنا أبدأ، أعمل ايه وايه أسوي لفت لي وندهت عليا، والندهة كانت من جنية،  قربت مني حبة، سقتني شهد الأحبة،  والطعم كان جديد عليا، فطير معمول في البيوت، قطمة تفاح وقطمة ...

أغنية حقك عليا  شوفت ليالي، كنت فيها لحالي، أتكلم يرد عليا  خيالي، وبقسوة يلومني  سيبت الغالي، ودفعت التمن غالي، والخير بعدك  ما جاني، ولسه مخاصمني حبيبي حقك عليا،  عشنا عشاق وهموت لوحدي  وأنا لسه ليك بشتاق، الزمن انتقام لك فيا،  والله بدعيلك تتهنى بعدي  وأسمع أن قلبك فاق، سيب العذاب، لحبيبك اللي داب، ما أنا كنت كل  الأسباب، لنزول دموعك  انسى الأيام، ولو حد عليك لام، هرد عليه أنا أوام، ده مش موضعك

أغنية مبسوطة كده  مبسوطة كده ومرتاحة، عملتي خلاص اللي نفسك فيه،  مش الفراق كان نفسك تجربيه  قولي بقى بصراحة، حلو منظرك لما محدش عبرك، وعمل الفراق اللي معملتوش وغيرك عرفتي دلوقتي ان الله حق،  وجاية تبكي يمكن قلبي يرق،  ما هو فيه ناس متعرفش قيمة الأحساس، الا لما الدنيا على دماغها تدق، كلميني عن نفسك، تحبي أتقل وأعمل زي ما عملتي، لما كنا زمان انا وانتي وعليا اتكبرتي كلميني يمكن أفتكرك، ولا أقولك خلاص كفاية كسفتك، اتمنى تفتكريها وتكوني قد كلمتك 

أغنية  نرجع سوا  أنا عندي فكرة مجنونة، جوايا سؤال صعب للقدر، أقوله حبيبي ولا يلومونا، ممكن يرد عليه تفتكر، ينفع نعكس الحكاية، نتقابل وقت النهاية، وقت الفراق والتعب  ونرجع سوا للبداية، لما كنت انت معايا، نخلي الزمان يتقلب  وتكمل في هوايا، يعني نضمن البداية، نفضل فيها للأبد  مش برضه هيكون أحسن، ونصلح غلطة لا تغتفر، ونفضل مع بعض ونأمن، نفسنا لو الزمن غدر، 

غنيوة الف شكر  واحنا سوا هعوز ايه تاني، غير تفضل قدامي، ما الدنيا مدياني، فرحة بتجمع كل الحلوين،  نجمة بتلمع بيها منورين، وخير بيطلع للغالين، ممكن نحلم بأيه تاني، أنا وقلبي مش طماعين، شكرا يا دنيا وألف شكر، ريحتي البال هديتي الفكر، جبتيها هي أجمل هدية، جمالها ليا دلوقتي حكر وأنا شايفك هنا بعينيا، بصدقك وأكدبها هي، أغلي منها عليا، بضحكة منك العمر يطول، كلمة عنك أسمع بفضول، حبيبي كأنك معمول، ومتفصل بالظبط ليا، من السما لهنا منقول،

أغنية لو كان أعمى ده روحي وكل الأحباب، لا بيهزه أقوى عتاب، ولا بيهمه وقت الحساب،  ده عذاب وفيه متورط بيعمل جامد ساعة الكلام، ما هو بارد عايش والسلام، وبيقولي على ايه بتلام، ده حرام كده فيا بتغلط  مش معقول مش شايف عمايله، وعلى طول كده ده لو كان أعمى، ممكن يحس بعذابه ليا بقلبه،  يا حبيبي حس الاحساس نعمة، خلاني عايش ندمان، على كل كلمة زمان، أو مجاملة قولتها بحنان، وعلى كمان وقتي معاه  كان بالنسبة لي إدمان، اخرته وحشه علاجه حرمان، انت تمامك هو النسيان، رد وقال الكلام ده ايه معناه

أغنية بديلي هدعي له بأيه وهو كده فيه، حنية الدنيا  وطيبة غريبة والخير ماليه،  قلبي مين ليه، الدور والباقي عليه، عاش بحبك  مات ببعدك وأسمك بيناديه، ياريت تدعيلي أعيش تاني نص فرحتك، اللي شوفتها وفرحتها وأنا معاك في دنيتك، بقيت بديلي بخيالي بخليه ينجح بقصتك، نفس الحلم اياه، حلمته وياه، ولسه بحلمه  بشوفه وأكلمه وأقول الله، عايش كأني معاه، ولا بنساه، صورة وصوت  لحم ودم والحقيقة وهم بتمناه، 

أغنية السبع دوخات  انتي شارية ولا بايعة ولا ايه حكايتك، لكل فاتحة قلبك وقافلة بوشي دكانتك، ماشية توزعي على الناس أشي ضحكة ومجاملة وأجي اقولك صباح الخير والنهاردة ايه عاملة بتتغير المعاملة في ثانية وتخلص عندي طيبتك، محتار معاكي ودايخ السبع دوخات، اشمعنا انا بالذات، اللي متحبش  أفكار جوايا تودي وتجيب حاجات، ردك حنين أوقات، وأوقات متوحش مزيكا جاز وغنوة نشاز هي دي طبيعتك، ومقدرش انكر مشوفتش ابدا في حيرتك، والكل حواليكي بيحلف بيكي وتستاهل الصراحة  وكل فين وفين لما تتكلم معايا مرة كده براحة وأقول مرتاحة تقولي صدعتني ياريتني ما كلمتك،

غنيوة وفيكي يا عيوني  مهزوم مهزوم قدام عينيكي أنا مهزوم، ولأني فارس أحلامك والبطل بيبقى ملزوم، يخطف قلب الأميرة ويخلوها سيرة،  هقود المسيرة وهنتصر وقت اللزوم، لكني بالوقت الحالي أنا ولا على بالي، يفضل حالي قدام عينيكي كده مهزوم مشاعري وشعري دول جنودي ومدافعي،  بس خانوني وعيونك خلوني تاني أسامحهم  حرصي فرسي اللي باقي من حرسي، كلهم باعوني وفيكي يا عيوني حلال خسارتهم منصور منصور بأذن الله هكون منصور، علشان انتي بكلامك بترجعيني لو مكسور، بعرف احلامك الجديدة وبكتبها بقصيدة، ناشر في الجريدة مطلوب للجميلة قصور، تمليها من حنانك وتلونيها بلون فستانك، وكعبك يرن خلخالك ومن قمرك النور

أغنية نص حبيب  بتقول فاكرك وانت ناسيني، ده أنا مذاكرك كده يا عيني، مش هيخيل الكلام ده عليا ده أنا فاهمك وأكتر منك، كلمة بحبك قولتها لكنك، مش حاسسها دلوقتي ثانية  ليه وازاي يغلط القدر والنصيب، وليه انت ياحبيبي واحد حيران، وهكمل ازاي كده مع نص حبيب، سنين يعاتب والصلح عايز زمان، هنفضل في حيرة طب رسيني، نقفل على السيرة ولا تخليني،  جنبك وتحبني عادي كل يوم  عايز مشورة خليني بالصورة،  بالعشرة دولا هقولك قوله، جنبك أيوة بس ماليش لزوم

أغنية حد كان ضربك  قاعد قصادي يحب فيا، ويقولي بلاش تغيب عليا، مش عارف بحبك قد ايه، ويحلفني بحبنا وعينيا وفي غيابي الناس بتهمس،  عايش حياته فرحان بيرقص، طب بيقول الكلام ده ليه، وامتى بقى الفيلم ده يخلص لو هتمثل ذاكر وادرس، مثل كويس  لو هتكدب شغل دماغك، يعنى حرص  هو فيه حد كان ضربك، تحب يا ريس عامل مش واخد بالي،  بعامله بالظبط زي خيالي، لا فاضي اعاتبه حتى بحرف،  خليه فاكر انه لسه غالي، 

أغنية حب مركون  عايش بستنى منك، تحس بيا في يوم،  عايش بتمنى ضلك، يقدر يهرب ويضلك، يجي من وراك يقول، بحبك من أول يوم، شايلك في عنينيا وعلى الكفوف، شايلني حب مركون على الرفوف، شايفني حب ومضمون طول السنين، مليت أفضل وأكون عندك زي الضيوف عامل اللي ما يعمل، حسني بشكل عام، بحفظ كلامك وبفضل، بكل حرف أسجل، مش ده برضه أهتمام، ليه بتعتبره اتهام،

غنيوة أصل يا روحي  في الليل تنامي، تحلمي بأحلامي،  اللي حلمتها ليكي حلمتها بيكي بشوفها فيكي  تصحي على حنية، عاملهالك هدية، بأيديا ديا تشوفيها فيا أول ما تفتح عينيكي أنا هبقى عندك كل الناس، ابوكي أخوكي وأعز الناس، أنا هبقى كده الأول والأخير، أصل يا روحي عليكي بغير، نخرج سوا نسهر، نرجع براحتنا متأخر، أعاكسك أنا براحتي ما انتي يا قلبي بتاعتي  ولما الدنيا تشتي، في حضني تتدفي، نتراهن لو ضحكتي على نكتي تبقي خسرتي

أغنية متعقده  مشاركني في حبك احساس بالوحدة، وأنا في قربك بحس اني في غربة،  واخدني في حضنك وشوقي ولا بيهدى  وكأني في حبك يتيم وحالتي صعبة، بتكون هنا ومش هنا، اشمعنا قصة حبنا، متعقده بالشكل ده بستنى هنا باخد جفا، وشوقك ليه اختفى،  متأكده هنكمل كده  محسسني إني حب كمالة عدد، وأنا عندي قلب وبيعرف يحس،  ببني فيك الود وانت نازل هدد ومتقولش متهيألي أثبتلي مرة بس، 

أغنية بقول لمين سايب الحب ده كله ورايح فين، مين هيحبك قدي قولي مين، متقولش لقيت صعبة ولو لفيت  الدنيا بحالها مفيش من قلبي اتنين، وبقول لمين ما انت عارف ومجرب، طول السنين كنت جنبي وقريب، وعلشان كده مستغرب  إزاي اللي بينا وفي ثانية يهون عليك بايع شوقك وروحك ولا ناسيهم، ولا دي فترة وتعدي وترجع ليهم،  هيفضل الاتنين بقلبي متشالين  ارجع انت وأحسن من الأول تلاقيهم،

أغنية يعني خلاص  يعني كده خلاص جيبنا أخرنا، وكل أحلامنا هتبقى لحد تاني  يعني خلاص هونا على بعض، ونفس الوعد هنوعده لحد تاني  يعني خلاص وصلنا لمحطتنا الأخيرة، وسيرة  حبنا هتفضل مصاحباني لو هتعيش في أجمل حكايات، أنا هعيش وأكمل مع الذكريات، مش هتمشي زي ما مشيت  مش هتبيع لو أنا اشتريت يعني كده خلاص لسه مصصم، وفيك متحكم  الفراق مش حناني  يعني خلاص مش نافع نتفاهم، والحزن راسم  سكة جديدة بأحزاني  طب خلاص هقولك ايه غير روح، ومسموح  بأي وقت تفتكر زماني 

غنيوة  مبقدرش يا حبيبي  مبقدرش يا حبيبي على عتابك  انت بس تبدأ تقول كلامك  ألقى قلبي نسي عذابك  ويعاتبني ازاي من روحي تحرمني  بكون محضر كلام كتير  أعاتبك بيه على التقصير  تضحك تقول حصل خير  يغلبني حبك في العسل ينيمني  بحبك قد ايه، لدرجة قابل قدامك ضعفي، بحبك قد ايه، لدرجة بحبك أكثر من نفسي،  عارف قد ايه، لدرجة شايف عيوبك تكفي،  مبقدرش يا حبيبي منك أزعل  بفوت وانسى مهما تعمل  بفضل أحبك مهما يحصل  بتكسبني نظرة عيونك غصب عني 

أغنية ولا في أحلامه  كان ايه المفروض اعمله ومعملتوش، اكتر من المفروض عملته أنا كله وقدام عينيه، اكتر من الحب هقدم ايه وبندم دلوقتي عليه، مش ذنبي انك مفهمتوش محستوش، لا ليك في الحب ولا في أي حاجة، بكرة تندم زي أكيد دي مش محتاجه، نقول فيها كلام  اللي بيرفض نعمة بتزول من قدامه، كنت ليه أكبر فرصة ولا في أحلامه، بكرة تفكرك الأيام  الوضع ده مرفوض صعب مستحملوش، ده أنا حبي مكنش قليل عشان اتذلل واشحت حنيته، ده أنا قلبي معاش طيب عشان قريب اشوف كسرته،  حبيتك من غير حدود بس ميستهلوش،

أغنية ينفع ومتاح  لو بس كان ينفع ومتاح، أقولك على اللي جوايا،  وبفرح ازاي وانت معايا، مكنش حرحك فيا مباح، مش عارف انت حاسس بيا، ولا قافل قلبك بمفتاح، محتاج تركز في عينيا، دي عليك بكل مكان يتراح، صعبة الحياة من غيرك وبيك، صعبة بس حلها بين ايديك، لو مش قادر تحبني هقبل إحسان  وصعبة عليا أطلبها من عينيك، عارف صعب وفي الأحلام، تسمع مرة ليك أغانيا، مش مهتم ولا بتمثل عليا، بحاول أفهم من الكلام،  أيوة ده انت سبب تعبي، وكنت برضه سبب الغرام، بينادي عليك أهو قلبي، رد مرة عليه حتى السلام،

أغنية لما بيكون فاضي  حبيته حب مش عادي، طول الأيام  طول عمرك يا ليالي، بيحبني لما بيكون فاضي، مش أوهام  ولا من نسيج خيالي، عندي بدل الإثبات مية، اختار انت ومن عينيا، طبعاً هتسكت زي عوايدك  حاطت ايدك في الماية، وأولع أنا مش قضية، طب قولي ايه هي فوايدك بيقولي ده طبعي وحالي، وهفضل كده بالوقت الحالي،  يعني أبعد لا مش للدرجادي  طب رد وريح لي بالي، أنا عندك حد غالي، يرد ويقول غير السيرة دي 

غنيوة مفيش وجه مقارنة ازاي يبقى كفاية، أحبك طول عمري، وتبقى ليا قمري، وأسلم لك كل أمري، ابدا ده مش كفاية، مش بوصي قلبي، بتزيد درجات حبي، فيك لوحدها جوايا عشاق عشاق احنا عشاق، وفي حكايتهم احنا استثناء،  في الاحساس بينا وبين الناس مفيش وجه مقارنة اتنين حبيبين للسما واصلين،  بحبهم وشوقهم لبعضهم معدين، ده مفيش زينا حد مفيش عرف الحب غيرنا ازاي تبقى معايا، وافكر بحد تاني، حتى ولو ثواني، مسيطر على كياني، بجمالك من البداية، قبل ما تأمر وتقول، برد بحاضر على طول، وانفذها بكل عناية

أغنية مكسوف تبين  جاي بيلوم عليا، ويقولي انت اتغيرت  ياما شيلتك في عينيا وانت ولا مرة قدرت  يبقى طبيعي أنا أتغير وعلى بعادنا اديني قدرت، مكسوف تبين قدامي مشاعرك،  أجبن من انك تبين ضعفك، كنت بحبك مرتين ضعفك، عملت ايه بعد سنين يادوب ما افتكرت  مخطوف لونك قدامي عشان،  بطلت أعاملك زي زمان، قررت أخليك زي تعبان، ترد انت الطاق طاقين اكتر ما عملت  جاي لي بعد أوانك، وبعد من بعدك دوقت  جاي ليه خسرتك مكانك في قربك ياما توهت  مش ناسي قساوتك ويايا ولا حبك اللي منه اتحرمت،

أغنية مش متأكد  أنا مش متأكد، أمتى الوضع يتحسن،  وافرح معاك مش أحزن، وأرتاح شويا وأنا تاني بأكد، كلامي معناه اصلأ، اني بدور على حل مثلأ، يراضينا شويا بيقولوا على الحب فرح، ومشوفتش منه غير جرح، طب مين في دول الصح، معاك تملي انا كنت سهل،  ومعايا بتنهي على كل حل، يعني قاصد تزود الحمل، مش عايز تتغير، بترمي الحكاية عليا، احساسك ده مش بأيديا، أعمل فيه ايه  الموضوع مش صغير، وانت ولا على بالك،  في كلامك قبل أفعالك، طب عايز ايه

أغنية الشريك المخالف  طب مين عارف حبيبي، زي الشريك المخالف، ورا قلبه أنا دايخ، ورا قلبه بلاد لافف، ووضعي بقى بايخ،  يقول وماله مش حبيبى  وعلى قلبي هو حالف، لا يرسيني لا يطمني، أنفذ كلامه يقول مخالف، لأ مطلبوش مني، انت اللي احساسك جارف  ده مش ذنبي ولا عيبى، أقوله حبيبي ما تيجي نخرج، يقولي خلينا على فيلم نتفرج، تمام حبيبي بس بعد دقيقة،  وبنفس الطريقة يقول حبيبي،  مكنتش أقصد اننا فعلاً نقعد، انت في علاقتنا كده بتهرج، طب مين عارف روحي، بسافر معاها مصايف، احلم هناك تحضني، وخلاص على مشارف، البحر قريب مني، تقولي لأ ده مش طموحي  يلا نرجع وأنا واقف، بستغرب من حالها، والمجهود معاها مضاعف، زي بالظبط جمالها، من صحتي ومالي صارف  على فين تاني هتروحي،

غنيوة مليون في المية  أخيراً مع بعض بشكل رسمي، اسمه في العقد جنب اسمي،  أنا الفنان وهو رسمي، والصورة مقطوعة موسيقية أعمله قلبي فستان، أغزله روحي طاقية،  أحساسه حرير وستان، أنا ناسه وكل البشرية قلبي بور صبح بستان، بحبه مليون في المية أخيراً وبعد ما كنت بستنى، جنبي بجد وايه تاني هتمنى، ده أنا بنسيمه هتحنى، هدوق بهدوء الحنية  أخيراً وبعد ما خلص الشتا، جاني الرد ده الربيع أتى، حاسدنا قال وفتى، ومهما اتقال غزال في عينيا 

أغنية هصبر ليه  أنا أسف بس مش حاسس، منك أي احساس  ومش عارف العيب مني، ولا منك في الاساس  أنا أسف أنا ماشي خلاص، مش قادر أكمل  مش شايف أي أمل يطمني، ولا يخلني اتحمل هصبر ليه ولايه وعلى مين، قبلك زي معاك فضلت حزين،  نفضها سيرة ده أحسن لينا، قلبي صعب عليه كده يستنى، حاجة حلوة تحصل بنا، نفضها سيرة أحسن لينا، أنا فاكر أيام ما كنا معارف، وكلامنا لسه تعارف  أكيد فاكر فرحتنا ساعتها، لكن الزمن كاشف  كان شاطر مش زينا خايف، وفضلنا مكسوفين  عاملين خاطر لحكايتنا وحقيقتها، انا وانت سنين

أغنية وفي النهاية  الحضن اللي كان مفتوح، ليك ليل ونهار، كنت بتيجي عليه وتروح، وقت ما انت منهار، دلوقتي قفلته كفاية تكرار، هي هي نفس الجروح وفي النهاية هتفضل معايا،  هتعيش جوايا ومش بهوايا، ده غصب عني ما جرحك صعب يتنسي، مش حبك يعني اللي هفتكره في الحكاية، حبي ليك كان أكبر غلطة، وأنا النهاردة بصححها، ازاي فاكر اني ممكن أرضى، اسيب نفسي تجرحها، بدل حبك المفروض يفرحها، هسيبك وهتبقى بورطة

أغنية عقبال ما انت تفوق  مش راجع أنا مش راجع، قفلت باب المواجع من بدري  مش شافع اعذار وموانع، ومعلش مش سامع بنام بدري  مش قادر أعملك خاطر، بس مع قلبي حاضر هناخد وندى  خليك فاكر وخد ساتر، رده دايماً حاضر ومش بيهدي  مش قولتلك  عقبال ما انت تفوق، هتبقى تحت وأنا فوق، عكس الغروب بيبقى شروق  مش قولتلك  عقبال ما انت تفوق، هيبقى فيه بينا فروق، وكله مكتوب من ايه يدوق  ياما قولتلك  أكيد ربنا هيكرمك، وتحصل حاجة تفوقك، حاجة مقدرتش عليها لوحدي مش فاضي أفتكر الماضي، دلوقتي كله عادي وبقى بيعدي  انت في وادي وانا بوادي، متجيش مرة قصادي ولا تعدي

غنيوة بشر عادي  مش ملاك بجناحين، ولا أحلى الحلوين، دي بشر عادي زينا، بس تتحب زيادة حبتين  تجرب مرة قعدتها، تتقلب الدنيا بضحكتها، ضيف على ده طيبتها، تخطفك بس في ثانيتين راح قلبي خبط على بابها، وصيت عليه عند أحبابها، حبت تتقل تقلت يادوب يومين عندي ليكي كلمتين، نقولهم واحنا سهرانين، ولا نخليهم لما نتقابل، مش قايل غير للعينين  ده حب الدنيا كله، تستاهل أحسن منه، وكلامي اللي كنت قايله، تكملته عايزالها سنين

أغنية  جايز تحس تعبان  وانت سايبني لوحدي، وقت الهم يحلى بعدي، بتقول كله هيعدي وده اللي باخده منك، في أمان  الله عايش لوحدي، معاك زاد الضعف التحدي، مفرقش وجودك جنبي غير شيل همك، من يوم ما حبيتك هوا  وأنا بحارب طواحين الهوا عايش جوة متاهة  عايش انت براحتك  في يوم كنت فاكرك داوا وعرفت الحقيقة واحنا سوا  عايز حكايتنا أنساها جايز تحس بحقيقتك زعلان  علشان غلطت وحبيتك، طلبت من ربنا ودعيتك، وهو نجاني منك وياريتك حسيت بالذنب، ندمان  على كل ذكرى بتجمعنا، وكل دقيقة ملهاش معنى،  عشتها وانت بتسمعنا كلام في الحب كدب،

أغنية حلم ولا علم  ليه انت زي النجم، نوره مالي السما، بس بعيد عننا، منعرفلوش شكل وحجم، مع انك هناك وهنا، وقاعد جنبنا، انت حلم ولا علم، ولا صورة ومرسومة على أيد فنان مهم، خلانا نصدقها، انت مد ولا جذر، حقيقة ولا أسطورة  قول بقى ملكش عذر، حاجة نصدقها،  كل حاجة بتتغير، وانت بس ثابت، وعندك من الثوابت، لازم في حالنا تحير، في مشاعرك كابت، ومشاعرنا دابت، ليه انت زي شمس، لسه للعالم لغز، حرارة ونور يهز، مينفعش الاقتراب واللمس، شوقنا فيك ولا يبتز، ولا بيه بتعتز،

أغنية مش حرام  عشت عمري بغنيلك أغاني حلوة، بس عمري ما جه ببالي يبقى هو، سبب عذابي والغربة أعرفها معاك، سبب أحزاني والأغاني دلوقتي مرة مش حرام الحب يرجع لأهتمام،  ومع الأيام يقل لحد ما تبقى  أهي كانت معرفة والسلام  مش حرام الحب ده كله يتباع، وكان بكام قيمته عندك تبقى  أكيد أغلى من كلمة سلام دوبت دوب أنا في هواك زي السكر، وانت يادوب كنت معايا ولسه بتفكر، حبيت وسلمت أمري ياقمري في ايديك، وزي ما مكتوب يتعب اللي حب أكتر

غنيوة مرتين تلاتة أربعة  تفتكر لما عاش حبك جوايا بالسنين، انت في حالك وانا برضه في حالي، دلوقتي لما بقينا واحد مش اتنين، مش كفاية عليك الحب اللي في خيالي هحبك مرتين تلاتة أربعة، وأطبعلك مشاعري في مطبعة، وهقول للناس عملت انجاز حلم عمري يا ناس  ده حبني خلاص، والحياة معاه ممتعة، تبتكر عايزك تبتكر كلام ليا جديد، تقوله طول اليوم ليا وكمان تغنيه، ووعد مني هخلي ليالينا عيد، هنسيك اللي فات العمر معايا تبتديه

أغنية حنين بس بتقول حاببني هقول وصدقني، مش باين عليك  بتبقى جنبي تحسسني بذنبي، لما بقرب ليك  في دنيا انت تانية، وأنا في دنيتي مستنيك بتبقى حنين بس واحنا بعيد عن الناس، وتعمل ولا تعرفني ولا بينا أي احساس، ليه عايز بس حلمنا يبقى حلم وخلاص، احنا بنعشق ولا نكون بنسرق، والحضن يادوب لحظات  احساسك يفرق فيا بيحرق، بتقرب وتبعد مسافات  لوحدك انت ولوحدى لأمتى، أفضل أسمع مبررات 

أغنية ايه غيرني  صدقني أنا زي زيك، مش عارف ايه أقولك، حبك مش بحن ليه، ومعرفش مبحنش ليه، وازاي ايام ببقى ناسيه، مع اني محبتش بعدك وحياتك عندي متزعلشي، أستنى كده بلاش تمشي، أنا ايه غيرني معرفشي، لو انت تعرف قول  بعيش اليوم بيومه، بصحى وقلبي مكمل في نومه،  وحياتك عندي هلومه، لو نسيك على طول يمكن علشان سبتتي، بعد ما بيك علقتني،  بسأل نفسي عايش ليه، لازم ياعيوني تنسيه،  كان رد فعل برد بيه، عليك لما منك حرمتني  مش هنرجع ده أكيد، اللي راح ممنوش جديد،  هتروح انت تعيش أوام، وهبقى ذكرى قدام، بس مش معنى الكلام، هنساك ولو فضلت وحيد

أغنية اعقلوا شايف لحظة الفراق بينا جاية، عايز تطمني ازاي واكدب عينيا، كل حاجة واضحة جداً وباينة، مبقاش أهتمامنا ببعضنا زي ما هو، ده كل واحد بيبين للتاني قوة، ويرمي ع التاني ويقول لأ هو، لسه ينفع لسه ممكن لسه جايز، كل واحد فينا يقف قدام مرايته، بس نسمع صوت قلبنا ده عايز، يقولنا اعقلوا كل واحد يغير طريقته،  حاسس بغربة كبيرة بينا دلوقتي، ليه هحصل لو تعرف قول دلوقتي، لسه زي زمان ليك كل وقتي،  مش مهم مين ظالم مين أكتر، حبنا كان من المشاعر هو أكبر، تعالى ندي لنفسنا فرصة نفكر،

غنيوة حبي قمار خدت من روحك حبة، وزرعتها جوة قلبي  طرحت شجرة محبة، تظلل علينا وفينا تخبي  شوفت من العين أحبة، عايشين بدنيا وردي  قولت خديني لو حابة، للدنيا ديا وبيا عدي يا نجمة في السما تضوي بالليل والصبح،  أنا قلبي أضحية ليكي وحلال فيه الدبح، أنا حبي قمار عليكي مش مهم فيه الربح، عشت جنب قلبك حبة، لقتني جوة الجنة رجعت ليا روحي شابة، بتغني أحلى وأعلى غنوة طلعت بحضنك على تبة، شميت نسايم حلوة بقيت أنا وبحرك صحبة، بقيت معاه وأه من مرة

أغنية واحدة بواحدة  مش هتنازل المرادي، ولا هكبر مخي وأفوت،  اللي بيحصل ابدا مش عادي، لأ دي حاجة تموت، مش واقف لك على الواحدة، بعاملك بس واحدة بواحدة، كأنك واقف قدام مرايتك  لو طريقتك حلوة أرضى،  ولو مش عجباك ليه بترضى، تعاملني بيها ودي حقيقتك مش هحبك للدرجادي، وأقل من نفسي علشانك،  صبرت عليك والصبر مش راضي، يستنى منك حنانك  ده بشكل لا ارادي، ببعد عنك أنا بالتدريج،  خليك كده عاند قصادي، وكلامي مش تهريج

أغنية نحلف له يعني عرفنا انك مبتشوفش، وقولنا معلش  طب يا حبيبنا دي أشواقنا، نار قدامك تحرقنا، يعني مش محتاجه مساعدة، ولا فيها غش نحلف له على الماية تجمد،  نمشي له على الماية مشي،  نعمله حاجات في الحب معجزات  وكل اللي بيقوله مبيركزش، طب عرفنا انك مبتحسش، وقولنا ميضرش  طب خوفنا عليك ومحبتنا، وقلبنا كان هديتنا، يعني بتفكر وعندك زينا عقل، ولا هو بيتشمس 

أغنية أنا مفهمتش بتدور على حب تاني، عايز تقابل حب أقوى، طب مش لما تبقى، في الأول تحب الأولانى، قولي ايه بس ناقصك، في حبي ليك وحناني،  بتقول فيا شعر وأغانى، وبرضه بتقول مش حاسك، ودي توها ايه ودوامة، عايش في حبك ملامة،  كل الناس ادتني علامة، بس أنا مفهمتش  ودي توها ايه مش عارف، مترين قدامي مش شايف، وبقول لقلبي أنا أسف، يارتني معشقتش دي طريقتك بتسم البدن، وتسد نفسي عن الحياة، اللي يحبك يحب المعاناة، يتفات له بلاد ومدن، 

غنيوة على باب حكايتك  مكنش ليا في العشق ولا سهر الليالي  كنت ماشي ويشق هدوء الليل روقاني  وشوفتك مرة شوفتيني بقى ايه حالي على باب حكايتك واقف، تفتحي لي ضيف ولا غريب،  ده باب شفايفك حالف، ما يفتح الا لو كنت حبيب، زي البحر بيبقى النصيب، مستني ع شط التعارف، موجة تودي موجة تجيب، ليا بالجنية ألاقيك حادف، ماشي بكلم نفسي حبك ياروحي مجنني  كنت ملك في نفسي وحبك بهدلني  يا جميل الروح روح قول لقلبك يكلمني  ده شباك عينيكي واصف،  راسم لي بالشوق خرائط،  وبستناك في مكان مخالف، واخدني مخالفات الظابط، وعلى ساعتك الحب ظابط، حواليك أنا قلبي طايف، رامي الشباك قايل يا باسط،  وانت هواك بيصطاد مصارف، 

أغنية أسامح مين  أسامح مين ولا مين، حب السنين اللي غدر،  ولا الحلم اللي أعتذر، عن الحضور غير في النوم، يا حياة يا ناسيه حياة واحد المفروض عايش  يا دنيا يا قاسيه عليا جامد وممنوع نتناقش  والكل طالب مني أسامح وأفضل حايش جوايا الهموم  أسامح مين ولا مين، صاحب أمين مش جدع، كنت معاه في الوجع، مقبلش مني عتاب ولا لوم، أسامح مين ولا مين، طموحي الحزين اللي اتنشل، نجح بس في الفشل، مين يسامح الظالم ولا المظلوم،