قصيدة ليلة

في جنينه بيتنا، زرعت الورد ست حتتنا،
وقالتلي يوم الفرح،
تلقاه كبر وطرح، 
قربت أنا وانت ساعتنا،
مكنتش فاهم المعنى، ويوم الحلم جمعنا، 
الورد جماله وضح، 
فاحت ريحته وشرح،
كل حاجة وسمعته غنى، 

ليلة ما ان الأوان، شاهد عليها الخشب زان، 
ليلة ما أقدر أنسى،
فيها كل همسة ولمسة،
ليلة ما القمر في دارنا بان، 
والاحساس اللي حسناه، وأسم ابننا سمناه، 
الورد قال اتمسى، 
قولت بدري لسه،
خدت من ايدها وسميت بالله،

قامت الجميلة للمرايا، قالتلها حلاوتك كفاية، 
ده الجمال اذواق، 
وانتي محتاجه زواق،
اختارك الزين لأنك آية، 
يا عالية زي النخل، قربك خطر خلية نحل، 
وازاي يبقى قمرك،
يطرح بدالك تمرك، 
والصعب في عينيكي سهل،

ولما النور انطفى، بنورها الظلام اختفى،
زاد الجمال الجروح،
قالت دلوقتي يروح،
خد ده هو فيه الشفا،
وبصت لي بصة تضوي، لمستني لمسة تقوي،
لقتني بسرعة بتجرأ،
وقولت منين أنا أبدأ،
أعمل ايه وايه أسوي

لفت لي وندهت عليا، والندهة كانت من جنية، 
قربت مني حبة،
سقتني شهد الأحبة، 
والطعم كان جديد عليا،
فطير معمول في البيوت، قطمة تفاح وقطمة توت،
ولسه مشمش وبرقوق،
قالت يعني لو تحب تدوق،
قولت ده عليا ما يفوت، 

لأول مرة الحمامة تسهر، متخافش الليل فيها بيسحر،
روحها ونسانه مع العصفور،
شهر العسل ده هيبقى شهور،
ونام الطير والدنيا كلها بتصفر،