أغنية مجرد قصص

أغنية

مجرد قصص 

احنا كلنا مجرد قصص، 
حكايات بنحكيها عن نفسنا، الكدب ماليها لاحسن تتمنع،
بنزوق سميها عشان تتسمع، محدش عايز الحقيقة مننا،
محدش ناقص دروس وحصص،

وانا بقى قصتي بالتحديد، انطفت فيها كل القناديل،
مكتوبة بالدموع على المناديل، بيطيرها الهوا
قنديلي الحزين هو الوحيد، اللي منور نهار وليل،
كان لي النور بأخر الطريق والدليل، مشينا سوا 

احنا كلنا مجرد قصص، 
حواديت بيحكوها الناس عننا، الحقيقة شافوها او نصها،
عناوين قروها ومحدش حسها، وزي ما عملوا عملت أنا،
بحواديت بعض نحس بونس،