أشعار الأراجوز

غنيوة خرج عن السيطرة  هي جميلة طول عمرها، مقولناش حاجة، بس الليلادي بزيادة، وجمالها خرج عن السيطرة،  وايه اللي جرى، يمكن وجودي جنبها، واحنا في منتهى السعادة،  وسلمت ليا أمرها،  ده احنا مالينا غير بعض، وبقينا لبعض، كل الأيام والشهور و الأسابيع، اللي حوالينا نازلين تقطيع، واللي بيعض، معذروين يا حبيبي من حلاوة التقاطيع، سيبك منهم يا عينيا يلا نقول مع بعض، يا حب ذيع ده تعبنا لحد ما قلبنا وصل، والنهاردة حصل، احلى حاجة في عمري وعمرك،  وهما غيرانين علشان حبك، تحت أمرك، وبيتكلموا وبيحسدوا لما شافوا قمرك، مغطي عليهم ما اللي عايز حلاوة يتصل، وانت وقلبك 

أغنية مختل كنت عامل حساب اليوم، اللي فيه قلبي، يجي ليا ويقولي، مليت زيك وبقيت مهموم،  الحب والاحساس قل، ماهو خلاص مل، كنت بفكر دايماً بأجابة، ينفع أقولها ليه، وأحاول أرضيه، كانت مشاعر كدابة، اطمن هشوف لنا حل، يراضي الكل،  الا واحد حبيبنا اللي كان حبيبنا، ومغلبنا، وعايزنا نحبه وفي قلبنا يحتل، كان زي روحنا واللي طلع روحنا،  يا جروحنا، روحنا ومشينا وحبينا واحد مختل،  كان فاكر هيسقينا عذابه،  وعلشان بنحبه بجنان، هنقوله اسقينا كمان، وياريته حاسبنا من احبابه،  يا قلبي هشوف لنا حل، يراضي الكل،

أغنية سر حربي  لو جيت مرة وسألت قلبي، هتعرف انك سبب تعبه وتعبي، بس انت مش هتسأل، عشان عارف اللي بيحصل، عارف مهما هتعمل برضه مش هتوصل لدرجة حبي، لو عندك اثبات بغير كده، طب تعالى وهات، ولا هتفضل كده بتخبي، وكأنه خطر ولا سر حربي، يسألوك عني وانت جنبي، ترد بأغرب اجابات، لو حنيت مرة تبقى بقربي، بلاقيك بنتكلم بكلام مش عربي، وتخاف وفي ثانية تبعد، تبقى حد تاني بيعند، وعلى جنب تروح وتقعد ، وتقول ما ده كله بسببي،

أغنية كنت مجرد حلم  بلاش تتغر، علشان عرفت انك حلمي،  ليه مصر، تخسر حد واضح وصريح، ولو هضر، هخليك في الذكريات مرمي، احنا ع البر، وانت عمال تتكلم وتصيح، ولو على الحلم مش هنام، انت كنت مجرد حلم  من وسط شويا أحلام، بواجه بيه ليالي الوحدة، بيصبرني لحد ما الاقي  واحدة تعيشني في سلام، بلاش تدي، نفسك قيمة أكتر من قيمتها،  مش قدي، انت لو حبيت تدخل في عناد،  كنت بدي، من غير حساب لحاجة حبيتها، وعرفت بدري، حتى بالحلم تمامك بعاد، 

غنيوة  كمل متوقفش  هي جنبي كل الأيام، شريكة في الهم قبل الأحلام، سر قوتي اللي متعرفش، غير لما عرفتها وعرفتني، بعنيها فارس علشان حبتني، دايماً تقولي متكسلش، كمل متوقفش، لسه الدنيا رمادي مسودتش، يلا نحلم احلام تاني، يلا نهرب انت عنواني، الحب مش بس بالأغاني، الحياة علينا مقدرتش، كمل متوقفش، لسه عندنا اماني متحققتش،  ابتدينا سوا ولسه مكملين، هنوصل لها سوا ولو فين، ايه يعني تعبنا يومين، عندنا سنين متعددتش، فيه فرق مش معقول، بين الكويسين وولاد الاصول، وانتي صفاتك متتوصفش 

أغنية سرقاكي السكينة  سرقاكي السكينة، وبتقولي جت سليمة، بتخرجي وتشوفي ناس، وتضحكي ضحكة وخلاص، وانتي من جواكي، هتموتي وحزينة، ومهما تعملي بصي في مرايتك وأتأملي، اتكلمي زي زمان وقولي شايفة ايه  ملامحك انتي بس معاها عرفتي قيمتي، ودلوقتي عيشي حزنك وموتي بيه عاملة مبسوطة، وحياتك رجعت مظبوطة، بتكدبي وقت ما بتحبي، وبتكدبي وانتي بتدبحي، خلاص يا ظالمة، خلصت الحدوته،

أغنية سبب بعدي كان حد مودي، بينساني في وجودي، ويحبني بشروط  ويقولي هي دي حدودي، ولو حس مرة من الحزن هيموت، بيشيل الحدود ويقولي انت سندي وعودي، بجدد ليك أهو كل وعودي، وكلام في كلام، وأهي كل الأيام، بسرعة اوام، من عمري جنبك بتعدي  لا حصل تغيير، ولا حسيت تقدير، وشوفت كتير، والناس بتسأل سبب بعدي كان حد مؤذي، خد خيري وعزي،  وجرح بسهولة على القسية متربي ومتغذي، والنفسية جحيم في حد كده معقولة،  ناره عمولة  ومعاه بان عليا عجزي، وهو ده كان سري ولغزي،

أغنية الأحلام  صعب عليا  أشوف أحلامي قدامي بقلبي وعينيا، رايحة وجاية، ومحنلهاش  صعب والله  أشوف أحلامي قدامي نايم وصاحي، وبعيدة عليا، محققهاش ايوة انت الأحلام، وتاريخي لو اتكتب واتقال كلام، والأمل الوحيد اللي عايش ليه،  ايوة انت الأماني،  معرفش حاجة غيرها تاني، وليه أحلامي مش عرفاني ليه، مش تهيؤات  أهي أحلامي قدامي معايا بالساعات، وبينا سكات، منكسروش صعب جداً أفضل أتكلم وأسلم في سري يمكن،  يسمع حاجات، ومخسروش 

غنيوة في الحالتين  أنا يمكن أكون بعيد عنها، وقريب جداً أوي منها، في الحالتين طب وبعدين، بحبها فعلاً وقلبي بيحنلها، وبيها مجنون قريب ليها وشاري وأيوة ده شالي اللي حاضنها،  شاريه ليها بحالي وده عندي الغالي ويارب يعجب، أحساسي بيها مضى قلبي معارضة هي اللي تكسب،  و عمر بنا عدى وسلسلة فضة لسه على رقبتها، ضيها صحيح صدى وحبي يضوي الكون  قريب كيف الشنطة الحمرا اللوقطة في أيدها، فيها بتضيف وحاطة احلامي محطة لسه مقفولة، بنا عيش وملح وعروسة من قمح ليها معمولة، أباجورة قمر لصبح تنور بالشرح ومش فاهمه، بنادي بالأسم الصح البشارة فين تكون

قصيدة  حكمت وبينا سور داير مايدور،  ولو الحب نور ونهار، والشوق جوانا انهار،  ومهما حاولنا نلف وندور، وعلى ظروفنا نثور،  صعب السور ما بينا ينهار، والدنيا علينا حكمت  نبقى جنب بعض، وكل واحد في ناحية، مشاعرنا سوا اتدفنت  في نفس الارض، بس الصلاة مش واحدة، والعيون على روحنا صاحية، وعيون الفرحة عنا قفلت بالارض البور نزرع بذور،  محبة وشوق وحياة،  يرويها كل واحد باللي جواه، وأعملك قلبي عصفور، يطير عندك يطمن ويزور،  ده بسكتك عمره ما تاه، عارفة شعور لما قلبك يشور، عليكي تهدي بايديكي السور، ظروفنا دي زي الطوب، ومجتمعنا عمره ما يتوب، على مر كل العصور، يشوف الحب زي الذنوب، طريق العبور غرقان بالبحور،  وخايف تكوني من الجمهور،  الشك بيصيبني أوقات، لسه عندنا نفس الاهتمامات، ولا مليتي السنين والشهور،  وبالافلام بس حلوة النهايات، أصلك مش عارفة يا بدر البدور،  أنا مش هامل من انتظار دور، البطولة في قصتي ده الاساس، حبك انتي جوايا زي البخور،  لازم يتحرق عشان تشمه الناس، ما أتحرق يمكن بناري يتهد السور، 

أغنية خير ياحبيبي  مش هتشوف خير ياحبيبي بعدي، ما أنا كنت كل الخير واكتر من كده بكتير،  شوف مين يشهد بغير كده ضدي، والعين في العين لو تقدر على التحدي،  خسران حنان وكل التقدير والاهتمام،  وأمان قولت عليه زمان كلام،  وحكايات حكيتها وأغاني غنيتها عني  قصاد أصحابك كلهم ليالي وأيام،  نفسي أقولك متشوفش وحش في بعادي،  بس أقولهالك ازاي بس كده عادي، ده شيء معروف كده كده هتشوف عذاب وحاجات أصعب المرادي،

غنيوة عامل جدل وجودك جنبي عامل جدل، عامل قلبان، كل الناس بتسأل عدل، عنك من زمان،  ماتيجي ترسي الناس بدل، طبع الكتمان، ورسيني قبلهم ما أنا واحد منهم، مش عارف  ايه ممكن أقولهم، عنك وعني بقربك بغني، تبعد ليه يعني، طب طمني اللي بنا هو اللي في فهمهم، ولا ده وهم خدني اديني علامة ده اللي بنا ياما، وخلاص شايف  بنقرب أكتر بأمانة، أشتري قلبي خليك جنبي، غاوي تعبي، ولا لعبي امتى طيب توصل بالسلامة،  واخدك في حضني 

أغنية يمكن من بين كتير حكايات، حكايتنا دي كانت حكاية، يمكن نحكيها أوقات، يمكن ننسها في النهاية،  دي حكاية يوم يكتبها الشوق، ويوم تاني كتابها تفوق، على اهمال منك وحبة  من قسايا ضحكاية قبل النوم بصوت، نصحى وكأن حد بيموت، وأخاف أبعد عنك وتبعد انت معايا  دي حكاية رايحة حبة وجاية، مركب بالبحر والموجة عالية، هتفضل المعزة جواك وكمان جوايا 

أغنية دي مش عوايدك دي مش عوايدك  تتكلم معايا برقة، تسأل عليا بين الدقة والدقة، وكأن الوقت سارقك، والحنين اختارك ونقى، مش متعود عليك حنين،  مش متعود دي حاجة تجنن،  كنت رميت طوبتك وقولت، الله يعوض عليا فعلاً، دي مش عوايدك  تسأل عن اخباري، وتهتم لأكتر من يومين بحالي، ولأن أنا بجد عارفك، مش مصدق ولا على بالي،

أغنية صعب يقتنعوا القرب ولا فادنا، ولا البعد ريحنا، ولسه زي ما احنا، بنفكر لو كنا زمان صح، طب ليه حسينا بجرح، عنادنا اللي جمعنا، وبرضه اللي فرقنا، مينفعش يجتمعوا الحب ويا العناد، وصعب يقتنعوا ولو الكلام يتعاد،  وقلبي وقلبك ياحبيبي أكبر مثال، عمرهم ما اتفقوا إلا على البعاد،  الحب أهو راح  ومحدش ارتاح، ده حتى الأفراح، اللي عشناها ومكنتش بترضينا، مشوفناش نصها بعدينا، ولا طلع الفراق براح،  ولا قلبنا مرتاح، 

غنيوة أنا نازي أنا مهما كنت بحب حد، بموت فيه وهموت عليه، عمري ما أبين وده بجد، قدامه جامد وتملي بعمل ناسي حنين وقاسي، وفي الحب أنا نازي، أقوم حرب لحبيبي، وأكسبها بأحساسي، بغير ده أساسي، مجنون بس راسي،  دي ميزتي وعيبي، في الحب أنا نازي، لازم تعرف لو زاد التجاهل، يبقى المعنى اني بتمنى، أفضل جنبك بس جاهل، الطريقة شاهد عليا كل ناسي

أغنية كان حب حبيبي كان بيزود في الأحباط، يعني أهو من باب الاحتياط،  يمكن اللي بيعمله مش كفاية، كان في الجرح منتهى النشاط متقلقش وايه يعني، كان حب وكنت حبيبي، متخافش ده نصيبي، لا هقول ليه وأشمعنا، متزعلش على تعبي، كان قلب مجرد قلبي، في الحزن كان بيتقل العيار، لازم تحزن لحد ما تنهار،  بيجدد في الجراح والنهاية،  طبعاً سايبني عايش في نار

أغنية عامل فيها  اتنست كل حاجة كويسة، وسخفت الحكاية على الاخر، لأ و رسيت على وجع وآسى، وبيتكلم عن حبي ليه وهو ساخر، اناني وعامل فيها ملاك، تعالى ياللي هناك، شوفوا قد ايه حناني  ظالم وعامل فيها قاضي، وقت الحكم فاضي، وقت الشكوى واحد تاني بيفتكر اللي عمله وبس، ويحتكر الإهتمام لنفسه، والله يتشكر لو مرة حس، أصله دايماً عايز الناس تحسه،

أغنية مش شايفني  كنت ممكن أعمل ايه، بعد القسية والبرود معرفتش أنا هو ايه، كان الرد المفروض، طبيعي ابالغ برد فعلي، أو اعتبرك مش موجود مش شايفني وأنا قدام عينك،  الله يعينك على قلبك على تفكيرك، على حبيبك اللي بيه موعود واقف جنبي بس مسجل غياب، الله جاب الله خد وبدون عتاب، قفلت الباب ومش ممكن أعود كنت عايز أستنى ليه، ده احساس مش هيعود، لامح حزن في عينيه، وعليه هو محسود، لأول مرة قربي يحلى، واحس من بعدي مخضوض 

غنيوة خد الباقي وأنا مش هلاقي زيك تاني، تعالى خد الباقي من زماني،  ضاع قبلك كتير، جاني قلبك بالخير، ولما قابلك كان هيطير، عايز أوصفلك بس مش لاقي معاني، يا عوض السنين اللي راحت، والحنين مش عرض ده شيء أكيد، حبك لو كان مرض أنا واحد، حضنه ليه فرد وهو لسه بعيد، يا عمر الأحلام اللي اتنست، أوام خدت الأمر ترجع في عينيك، شريط حياتي مر زي الكاسيت،  فرحة زمان مر لما فرحت بيك،

أغنية قلة تركيز  تعرف تهتم شويا بيا شويا صغيرين، يا عيني حبيبي عنده قلة تركيز، ولما بقوله ركز شويا معايا دقيقتين، بيعاند ودرجات عنده حاجة تغيظ، أقول ألف جملة، يفتكر منهم كلمة، ألغبط في الكلام، يسمع وقتها بأهتمام،  ويرد عليا أوام، خلي بالك كلامك مش لذيذ، ده عامل مؤامرة، اشمعنا كل مرة، تركيزه بيكون شغال، وقت اللي اتقال، مش عاجبني الحال، ولا حاسس اني عزيز، وأنا أفسر ده بأيه ياحبيبي وليه، بين كلامي وكلامي فيه تمييز، مش بقول واقف لي على الواحدة،  بس تعبت اعيد وأزيد و من التحفيظ، 

أغنية وخاف الله يلا أشوف وشك بخير، وخلي بالك كده من نفسك، ياحبيبي بعدي كتير، حرص بقى وخاف الله،  كنت طيب معاك، وانت كنت القوي والظالم،  في العالم مستنياك، قلوب أقسى وأقوى، هتشوف النجوم في عز النهار،  تصحى على جرح كل يوم الصبح، هتعرف الفرح بس بعد الانهيار، مش زي ولا زي وقتي هتعرف دلوقتي  الموضوع مش محتاج شرح، كنت لازم تسيبني عشان تعرف قيمتي طمني  عليك كل فترة، عايش إزاي لو اصلا عايش، دي ناس شاطرة، بالاذية اكتر منك ومني، ياما هنا ياما هناك، قدامي عشان بسكوت لك، عملت اللي على هواك، جه الوقت ينتقم لي،

أغنية ده مش لوم محتاج ايه  غير قلب حبك، معاك مش ضدك،  قلب بصراحة قالك، كلمة بحبك، من أول يوم  هتحتاج ايه  مكنش بس كلام، بثبتلك مع الأيام، قدمت ياما أهتمام، شاركتك الأحلام،  جنبك يوم بيوم والله ده مش لوم،  دي حيرة صعبة وكبيرة وأنا فيها،  من وقت ما حبيت انت تأمر وأنا اشتريت،  ولا لقيتك رضيت بتزود بس عليها، بلاقي منك هجوم، ومش عاجبك حاجة وقلبك بيقسى، مش فاهمك وسكتك كلها غيوم، محتاج ايه  أكتر من خوفي، عليك برغم ظروفي، وبقول لروحي طوفي، حواليه وشوفي، احمي حبيبي من الهموم  عايز ايه  أغلى من عمري، عايشهولك يا قمري، ومسلم لك أمري، فهمني وقولي، فيه أمل فيا ولا معدوم