أغنية موافق

 أغنية

موافق 

يارب فرحة ولو حتى شاردة، 
تاهت في عنوان صاحبها،
أنا موافق أصاحبها،
مش شرط تبقى أجمل وردة، 
راضي ولو ريحان دبلان، 
المهم تخليني فرحان،

أنا واحد بقليله بيرضى، بس الدنيا معايا معاندة،
تصرف للناس بدون فايدة، وعلى الغلبان 
تعمل مناقصة وكأن حياتي ناقصة،
شكوى وثورة ومعارضة

يارب سعادة زي ناس مرضى،
وواحد كان تعبان وخف، 
واقف في دوري والصف، 
والكل من حواليا أهو عدى،
وأنا لسه بالأحزان عيان، 
والوحدة بكل مكان،