أشعار الأراجوز

أغنية خليهولك  مكنتش أستاهل منك، غير حنية قلبك، وانت اللي يشوف عمايلك، يقول عدوك،  ابدا مش حبيبك  الأسم رايحين جايين، مع بعض سنين، عمرنا ما كنا واحد دقيقتين، لأ اتنين، مالكني في أيدك طيب كتر خيرك على قد كده خليهولك، أي غريب غيرك هيكون عليا أحن، مش هكتر عن كده، كده كده ليك يومك، حبيته حب محدش، اتحبه وهو ومحسش، مهما كنت بتعمل مصدش، وجرحك مقلش، زاد وكان بكيفك 

غنيوة ايوة حصل  اللي باقي من عمري مهما طال أو قصر،  يادوب يكفيني عشان أحب فيك،  كل اللي فات أتعاش معاك حكايات أيوة حصل، وكل اللي جاي برضه هيبقى ليك، انت ربيع العمر في أي وقت وأي سن، حب المراهقة والشباب، من قلب ضحكة، من غير أسباب، معاك طالعة وبضحكها وبترن، انت جمال الروح اللي عمره ابدا ما يروح،  معنى الحنية والطيبة، والحياة أغنية،  خليتها انت جميلة، فرحتي بيك عدت المسموح،

أغنية استنينا نتحب  قلوب كانت تقيلة، شيلناها بقلبنا  همهم بقى همنا، حلمهم حلمنا، واللي يزعلهم نقابله بدالهم، خايفين على مشاهرهم، ولو سابوا قلوبنا قتيلة قدمنا حب مكنش يعني معروف ولا جميله، استنينا نتحب وبقينا مجرد حلول بديلة،  شوفنا قلب اتشافنا بعيون مش أصيلة  قلوب حلوة جميلة، زدناها حلاوة، واللي بالغلاوة، من الجرح اتداوى، واللي اتطمن عاش متأمن،  واللي مخافش يتجنن، ما كنا القوة والحيلة 

أغنية عايز تصالحني  عايز تصالحني تعالى أتكلم، قول غلطان قول هتعلم، بس تشوفني ببرود تسلم، وتقول عشان ابدأ وأتكلم، صدق اللي قال البعد يربي هسيبك مرمي لوحدك تتألم مين زعلان تعالى هنا فهمني،  بتتعامل عادي وبردك بيفحمني،  لو كرامتك غالية تيجي ليا هنا تعتذر لي،  كرامتي أغلى ياريت بقى تفهم  أيوة غلطان وفي نفسك عارف، فا تعمل ايه طبعاً مش شايف،  وتسيب الوقت يعدي قال هيهدي ومتقولش أسف، وأنا أسامح وأنسى تبقى بتحلم

أغنية اخره الحوار  حواراتك مبتخلصش، اتكلم جد ترد مخدتش بالي معلش، أعمل حاجة متعجبكش، في ثانية تبقى ردار طب ايه اخره الحوار، قدام مني وعشان تفهمني، لازم أعمل مجهود جبار، وانت جنبي بلاقي قلبي، وقلبك بينهم سفر ومشوار بتحب انت النكش،  طب بتعمله ليه وانت فيه ملكش، تحاسبني بس محاسبكش، بتتكلم جد ولا هزار

غنيوة حب كل الولاد  أنا ساهر ليك الليل بوصف أسمك لرسامي، ومن بين كل الأسامي أسمك حبيبي غالي وسامي، كله معاني وفي قلبي خالد شاكر يوماتي لربنا ان عيونك شافتني فارس، يا ابن شهر مارس على عيونك حبيبي أنا حارس، وبجمالهم فايز وراضي وحامد ياللي عشقك جه في الميعاد، بحبك بعدد سكان البلاد، بحبك قد حب كل الولاد، اللي قلبهم بيه عامر، باهر في حضورك جنبك قلبي غانم سالم، يا روحي أنا أدم وانتي يا بنت حوا أمرك حازم، الغمر قاسم ومعاكي زايد 

أغنية يا نعيش بالمعروف  انت حد غالي، بتموت جوايا غلاوتك، و واحدة واحدة هتكون واحد عادي، ولا كأني شوفتك ولا كأني عرفتك، انت حد غاوي، تزرع فيا قسوتك، وأول واحد هقسى عليه انت يا غالي، يا نعيش بالمعروف، يا تعمل معروف، و تفارق  لا استحملني شويا ولا عندي ظروف، مش قادر أشوف أغلى الناس راضي ليا، أعيش معاه و تعبي في هواه عنده مش فارق كنت تملي فوق، راسي واحساسي وقلبي، وكنت عندك مجرد واحد وخلاص، يمكن كان غلطي اديتك اللي عندي، حب وشوق، وحنية بدون حساب، خليتك أعز الأحباب وانت بترد بالسوء،

أغنية في الحقيقة  في الحقيقة عايشين أغلب الأيام في خصام، ومصالحك ومسامحك في الحقيقة وفي الأحلام، اللي بيني وبينك سلام، مع ان مفيش كلام بيني وبينك في الحقيقة، واخدك بحضني راسمه بقلمي،  شايلك بورقي تملي جنبي، أمتى تفهمي أسلوب قلبي، ده أنا شايل همك قبل همي،  وازاي تكوني كده في ضيقة، وانتي معايا كل دقيقة، بتكلم معاكي تاخدي وتردي، وانتي بعيده  مش بأرضي، وإزاي بيطرح فيكي وردي، وعمري ما أقرب الا لما تودي،  بحبك وكأني سارق سريقة، ولكل عاشق طريقة، 

أغنية ياريت يفوق  العشم محبة مش أذية، ياريت تفهم الكلمة ديا، ليه بتيجي تملي عليا، وأنا اللي منك واللي صاينك، فكر حبة وهقولك بصراحة، رصيد مشاعري مش متاحة، علشان تاخد مساحة، تجرحني براحتك وتستنى أسامحك،  ياريت يفوق ويسمع مرة قلبه،  حبيبك موجود عشان بس تحبه، وتبادله نفس الأحساس، مش علشان ترضي كل الناس، ويشيل هو هم قلبك وتعبه، بلاش تستغرب وأنا بعيد، طبيعي آهون أعيش وحيد، وانت معندكش جديد، عايزني جنبك وانت ده طبعك

غنيوة لسه ماتعرفينيش أزاي تقولي مابحبكيش، دة أنا ياما كنت برسمك،  من قبل ما انا اعرفك، وياما لناس كنت بوصفك، وعلى قلبك كنت بحسدك , دة انتي لسه ماتعرفينيش أنا اللي في الهوى عمره ابتدى، وبالغرام قلبه انكوى، أنا الأرض والسما  وانتي السهم اللي في قلبي رشق  أنا الجرح مني أرتوى مع أني الدوا، بتوه لما نكون سوا أنا اللي بالحب أحتمى وقلبي ده هو اللي حب وعشق أزاي تقولي مابحسكيش، ده مهما أحساسي تاه، معاكي بس أنا بلقاه، حنيني ده طب ايه معناه، دة بيكي أحلو غناه، وقبلك كان مابيغنيش أصلك زمان ماشوفتنيش، ياما قلبي ع الحب اتكل، ومن البنات ياما اتأكل، و كنت يادوب هجر الشكل،  وبسؤال بعنيكي اتسأل، أصبحت في حبك درويش

أغنية كنت أعمى  ده عامل فيها نجم وواحد مهم، يارتني لا عرفته ولا كنت حبيته، دمه واقف زي السم أقوله أهتم، يتعصب وتحضر عليه كل عفاريته، يعني لا كاريزما ولا فيك حاجة ليها لازمة، على ايه بتتكبر فهمني يا أستاذنا  مفيش احساس حتى لو fake وكنت أعمى، لما فكرتك حب مظبوط على مقاسنا ده فاكر نفسه ياما هنا وياما هناك، على الفاضي والله شهرته وصيته، مش أنا أهو معاك والله يا هناك، كل قلب شافه وبعد عن طريقه 

 أغنية حد لطيف لا كنتوا كويسين لما كنا في خاطركوا شايلين، وعليه خايفين،  وعمايل ايدينا الحلوين، ومشاعرنا بعينينا باينين، وكل ده ولا قدرتوا، كنت حد لطيف، في وقت زهق، وتعب مخيف، كارت اتحرق، وشويا ورق، اتنسوا في هدوم الصيف، وقعوا من على الشجر في الخريف،   كان مين فيكوا أحساسي معاه فرق، ولا كنتوا كويسين في وقت الخصام منكم شايلين، وقولنا زعلانين، لا لحلونا وعشرتنا فاكرين، ولا ليها كنتوا صاينين، وعلى فرقنا قدرتوا،

أغنية على طول الخط  متوجعليش بقى دماغي، عندك عقلك واحساسك، اللي قالك، اني بعتك خليك ورا قلبك اللي مضيعك سوء الظن على طول الخط،  راميني بالبحر وانت ع الشط، عايزني قلقان وانت مطمن وتنام، ده شغل جنان مليش فيه تمام،  واضح أظن كفاية بقى رط، متخلنيش أرد عليك أوجاعي، اللي منك خدتها، وفي حبك، أنا عرفتها أشتري وقتك مش هسمعك

غنيوة مليون وات  ومين زيك يا ست البنات، وست الكل والملكات، الدنيا عندها قمر وانتي عندك العيون قمرات، بتنور حياتي يا حياتي يجي مليون وات   الخدود مورده، والرقة طبيعية مش مستوردة، وطيبة قلبك تكيد العدا، واقع في حب الغمزات الكلام موزون، و التفكير عاقل بس مجنون،  وأنا شاري أحسن زبون، بايع قبلك كل اللي فات

أغنية ليه مش مصدقني  أنا انتهيت اتطفيت وروحي مع الوقت بتضلم، علشان هويت قلبك اللي على جنوني مصمم، بتقول حبيت ياريت توفر كدبك لحد غيري، ياما في سكتك ناس هتتعب وتتألم  أنا والله كرهتك ليه مش مصدقني، أهون عليا الكره في قلبي يقتلني،  ولا حبك ليا ساعة واحدة يعيشني، أنا اتحملت وشيلت شيلة على قلبي كبيرة،  ياما حاولت أفهم فيك وأغير بس تفصيلة، وانت سمعت بتركيز بس ولا كأني اتكلمت، والأيام الصعبة من غيري جاية كتيرة 

أغنية أي كائن حي  اللي بيراعي شجرة، ويرويها وبيحاوط عليها، تكبر تردهاله ضلة، ثمرة حلوة من عينيها، وانا حبيت انسانة، بديها قلبي كله ليها، ترد الحب بقسانا، وتجاهل بجبروت ماليها، ادي حبك لأي لكائن حي غير البنات،  مالهومش أمان كل الحنان عند الولاد، هما شاطرين بس في كلمة هات  حب حيوان ولا مكان أو أي جماد،  هيرد ليك الطاق طاقين من سكات أنا حبيتك بروحي، وانتي كنتي ليها خناقها، على ايدك روحي، طلعت أهي للي خالقها،

أغنية النتيجة إيجابي  ده غاوي تحفيل، وبيلعب تملي بأعصابي، مش محتاجه تقويل، بيحلى ليك عذابي، لو عملنا تحليل، هتطلع النتيجة إيجابي، غاوي تقليل، من شوقي ووقت عتابي،  بقى هو ده اللي كل أحبابي، يا نصيبي يا خايب يا حظي العايب،  أنا لو عامل إيه، كنت هتعمل مرة حسابي فاكر نفسه تقيل، وتقل الدم كافي، ومش من قليل، كلامي عنك صافي، ومهما أقول مواويل، هيفضل مش وافي،  ولا هيشيل، هم حبك من على كتافي،

غنيوة مشوفتش زيك  أنا مشوفتش زيك ولا هشوف، رعشة ايدي لما ايدك في ايديا كده بتيجي،  رعشة صوتي وأنا بتكلم بتبين اني ملهوف، مشوفتش زيك بالجمال معروف، انت الأصلي، والباقي صعب عليهم التقليد، روحك بتخلي، أيام الأسبوع تبقى زي العيد،  بحبك وعلى مهلي، الساعة جنبك بعمر جديد، انت الأحلى، من عيوني وعيونهم اترقيت، اديني مهلة، بس أفهم أنا أمتى حبيت، مش سهلة، حبيبي عليا اتخطفت واتهزيت،

أغنية أستاذ جفا  أستاذ جفا، ممتاز في البعد، ازاز وطالع من اللسان، في شكل كلام، مالوش لجام، والخصام بالأيام، وفي أي وقت تلقى الحنان، يولع بجاز اتحرق وأختفى أيوة ده هو انت، والكلام ده كله ليك، عايز تتحب وملكش شريك، وتشارك الكل في حبي انت، أيوة ده هو وصفك، ولسه كده فيه باقية، كرامتي عندك حاجة عادية، وفوق الكل كرامتك و أسفك، ايوة ملكش ولا عزيز، معلش دي الحقيقة، حلو السنين يتنسي بدقيقة، والحلو منك يتعمله براويز،

أغنية بعد إذنك  ينفع بعد إذنك  نبعد في هدوء، قل بنا الشوق، يفضل منا الذوق، بلاش كده نقوى، وبالغريب نستقوى، وبعد حبنا تبقى، عدوي وأنا عدوك معرفناش نصون كل اللي كان ما بنا، طب نخاف على صورتنا في عيون غيرنا، اتغيرنا ناحيتنا، بعندي بقى ولا بعندك،  مش فارقه النتيجة احنا خلاص بعدنا، نحافظ على احترمنا يعني بعد اذنك، ممكن بعد إذنك  نبص على بكرة، ما احنا شركا، في الحب والفرقه، كلامي ليك وليا، حاجات بنا حية، نديها حبة أهمية، بدل نفسي ونفسك 

أغنية وبعيد عنك  تعبان من غيرك، ده مين اللي قال، ده أنا والله في أفضل حال، وكله تمام  بس كتر خيرك، على السؤال  ياما بقلبي كنت مخزن، بعيد عنك كنت حب يحزن، وبعيد عنك الدنيا أهي بتتحسن، متشغلش بالك وخليك في حالك، عمال تفكر فيا وعقلك شغال ياما اتمنيت الرضا ترضى، وبعيد عنك مشاعرك جامدة، تحس بغلطك دي مش واردة،  ريح نفسك نسيت حتى أسمك،  وقال تعبان من غيرك قال

غنيوة تنويه هام  أنا بعمل تقيل، ومليش دعوة بيه، بخاف من الحسد، العيون حوالينا عدد وعيوني يا حبيبي عليك طول الليل، يعني كله تمثيل، يعني والله تمويه تنويه  هام أنا قلب حبيبي خام، مش حمل أي كلام، بلاش تكسفوه كلامي أفهموه تمام، و ركزوا فيه  تنويه  هام ده روحي وقلبي والأحلام، منايا من عمر الأيام  هو تبعي وشايل تعبي وبعيونه بنام، وبتسند عليه أنا بعمل ناسي، معرفش اسمه ايه، بيجيبوا سيرته، ويسألوني والله ما عرفته  وفي الحقيقة هو بس حبيبي وكل ناسي، ومش هبقى راسي، تاني وهغني ليه،

أغنية بيخاف على شكله بيخاف نكون وحدينا، لازم حوالينا لمة، بيخاف على شكله، أوي وكأني هاكله،  غلبت من تفكيره وعقله كده فينا، وما علينا  برضه هفضل أحبه حكايتي معاه مهمة، مش بيفهم التلميح ولا الكلام الصريح، بيخاف من القرب وفي الحب هو ميح،  ويصد مشاعري ولا اجدعها حارس مرمى  بيخاف من كلام الناس، وبصفة عامة، معزتي بقلبه جوه، ميعرفهاش غيره هو، وبيحلف انها كبيرة وبقوة وأهو كلام، كده والسلام  مش باين عليه، وشوفوا عادية المعاملة،

أغنية حب مؤذي  كان حب مؤذي يودي للموت عمره ما كان حياة  وأنا اللي حبيتك بنيتك بيوت وليكي فيكي جاه   أنا ههدم الشعر بيت بيت،  اللي خليتك فيه سته،  وكل الكلام اللي استخدمته، علشان أوصفلك بيه بطلتله، كان حب مؤذي يودي للموت عمره ما كان حياة  انتي يا بنت حوا نوه وتابوت مدفون قلبي جواه أنا ناوي أعمي نفسي بنفسي، ما عينيا شافتك ملاكي، وانتي ناوية على هلاكي،  عشم ابليس بالجنه معاكي، 

أغنية يا وحدة  يا وحدة يا مواعدة العمر اهو عدى، بحلوه وبمره بالكسرة والشدة، حتى حبايب قلبي وعمره،  اتوانسوا على قد ما اتوانسوا، أنسوا ونسيوا اللي هنا ومروا،  وانتي الوحيدة قاعدة أنا قلبي ده كان ليا طول الزمان أوطان، فاضي وخالي من كل اللي خان، واللي صان كمان  يا وحدة يا مصاحبه عليا ألف صحبة، ولوحدى معدية والبحور ساحبه،  ومراكبي معانده تعدي بيا، وهي الوحيدة مهياش وحيدة، بجزيرة بعيدة أصحابها مرمية، فيهم سارقة وناهبه

غنيوة وزارة الجمال انتي ازاي جميلة جداً، الجمال اذواق  والكل لما شافك قالوا ايوة والله فعلاً  جميلة جمال معاه ضمان للأبد وعليه اتفاق جوة قلبي في دولتي،  هعملك وزارة الجمال، وانتي اللي تمسكيها وأهو كله بكيف حضرتي، مش مجاملة بختار الخبرة، ومين في الجمال زييها، ما هي مش أقل كده منهم، وزارة السعادة  شويا عليها بس هضم الاتنين وهي تديرهم  ما عليها ضحكة تفتح لي سكة اتنين تلاتة

قصيدة في الديوان كل الشعراء قالوا حكاويهم في الف ديوان  وصفوا ذكرياتهم من البداية لحد الناهيا معرفش ليه كلها كانت في حي الزمالك، اللي على الكوبري واللي عند الساقية، واللي قدام الشجرة القديمة على الناصية، ولسه المقابلات مستمرة ولسه الحكايات باقية، وأنا برضه شاعر بس معرفش غير الزمالك الكيان  اشمعنا يعني أنا كل اللي فيا من حكاوي  عنك تجاهك عبارة عن كلمتين إزيك ومالك، بقولها بكتبها وبغنيها لوحدي على القهاوي، ماهو مفيش مكان قدر يجمعنا ولا ناوي، والله حاولت وكنت غاوي بس انتي مش غاوية، في الديوان لأ مش بتاع الشعر ده عنوان  فعلاً حقيقي مش بقول سيم بينك وبيني  ده احنا كل اللي بنا ج جواب س سؤالك، والإجابة إن الديوان دي قهوة في اللبيني، ياما شوفتك فيها قاعده قدامي وبتحبيني، ما انتي في خيالي عاشقة حية عايشة، في الديوان بتجيني بتقابليني في الاوان تشربي ايه كل حاجة هنا جاهزة وحاضره معلش أنا مش بتاع كافيهات اللي في بالك،  هطلب قهوة على الريحة كالعادة ما انتي عارفة،  تشربي سحلب ام علي أطلبي أمري ما انتي مش دافعة،  الليل بنا طويل وانتي بتحتاجي حاجة دافية، تشربي اي...

 أغنية مش هسكت  قد العتاب، اللي انت عايز تفتحه، مجهز دفاع بالكلام، و عندك وقت تشرحه  ايه جديد، ممكن تقوله بالتحديد، يخليني سعيد، واللي عشته زمان تمسحه  المرادي أنا مش هسكت وهقول كلام، يمكن يوجع وبرضه هتسمع مش هينفع، للدرجادي أفوت وأبقى الكبير وأنا مش تمام، قد الحساب، اللي انت قاعد بتحسبه، هتطلع أكيد خسران،فا ناوي بالحنية تكسبه  زي عوايدك، تطلع اللي في قلبك، وترتاح لوحدك، وتعبي أنا لوحدي أتعبه 

أغنية مش هتوحشني  أنا عارف إنك خلاص هتفارقني،  بس انت عارف مش هتوحشني، فراقك مش هيأثر عمره فيا،  هشوفك شر ربنا بعده عني، والبعد نجدني  لا هسهر أفكر فيك، ولا الصبح على بالي هتجيني، مش محتاج حاجة تلهيني، عنك أنا خلاص ناسيك، أنا مش فاكر ليك أي ذكرىات، لا حاجة وحشة ولا حلو بات، يعني من حياتي اتمسحت، وحبك ده لا عاش ولا مات، زي ما جه فات

أغنية شكلي وقعت  أنا شكلي وقعت حته واقعة، في قلب واحدة يتفات له بلاد،  العناد من باب الاحتياط، والانبساط معاها بميعاد، يا ولاد أنا من الأحباط، تعالوا شيلوني مرابعة،  كل ردودها باردة و ساقعة، اقولها بحبك ترد ايوة متابعة،  لأ بجد هتنقط من الرد حرقة دمي عندها متعة، نازلة بقلبي تفتيش ومراجعة،  ولما تكلمني بحسها مرافعة،  بخاف منها كلامها وعينها ده كأني ولا حبيت الكتعه،  تبص لي وفي حاجبها رافعة،  بس الحكاية دي مش نافعه، استني خمسة اديني فرصة  واتكلم سنين وهي ولا سامعة، أبعتلها تقول ثواني و راجعة،  من يوم الأحد فا ترد الجمعة،  والله تعبت حرفياً وقعت  فكراني بسلامتها ليها شمعة،

غنيوة وش مرتاح  الخد لو اتكسف بجد يتلون بلون التفاح،  والبركة في الضحكة على وش مرتاح، كلامك خطير من مسؤل ولا وزير، عملوا اجتماع كتبوا بالتقرير جمالك سفاح،  الواحدة ديا مش عادية ايوة طبيعية، البراءة و الجراءة، وبالخير سباقه، ومنين ما نتلاقى تحلو الدنيا في عينيا الرموش تملي بتحوش نور عيون الصباح،  بنت بلدي والبلدي بكل جمال السياح، لو تفتح قلبها يقوم الورد يرقصلها،  وعمري يرجع ربيع جنبها في حبها مداح، 

أغنية منك اتخنق  زعلان مني و واخد كده على خاطرك، ومستنينى أجي أنا أتكلم و أصالحك، أحب أقولك هسيبك تتفلق الحب اللي بزيادة خلاك تسوق فيها وتتمادى، تعمل اللي على كيفك،  وتستنى أسامح كالعادة، نفس الحكاية متعاده، وأدي قلبي منك اتخنق كل مرة تعمل عملة والغلط غلطك، بتتمرع على ايه والعند كده راكبك، ولو على اللي بنا يتحرق

 أغنية بأي شكل  خلينا نرجع خطوة اتنين تلاتة لورا، متخافش هنفضل سوا، بس مش زي زمان  عشان العشرة عشان الهوا، جنبك أنا بكرة بأي شكل من الأشكال غير الحبيب الولهان مقدرش أكره روحي يا روحي، ولا سهلة أقول لروحك روحي، بس صعبة عليا أعيش بداومة، وانت مش مبين أي كرامة، هحبك بطريقة تانية فيها السلامة، متزودتش جروحي  خلينا نصون اللي كان بنا كده للأخر،  اللي حبك لسه فاكر، ذكرياتنا واحلى اللحظات  بلاش يكون احساسنا فاتر، وعدي مضمون  هفضل دعم ليك بصرف النظر عن المسميات

أغنية هو أنا  الوحيد اللي تعب و حاول، علشان تنجح حكايتنا سنة ورا سنة الوحيد اللي كان قابل،  يخسر عادي في حياتنا أيوة هو أنا  معملتش حاجة متعبتش زي،  كل الدلع والحب والحنية، كانوا مني،  كنت في عينيا، وانت حبيت يعني شقيت،  الحب ميمشيش لوحده ثانية، بيكون معاه مجهود منك قدي، مفكرتش مرة ايه يرضيني،  بتعمل بس الطبيعي و الممكن، وانت راضي  وانت تملي مطمن، ما أنا المريح والهادي والناسي،  أنا اللي كرامته لازم تركن،  علشانك ولا اللي كاسر عيني،

غنيوة طب والله والله  بقى انتي فكراني الفرصة الكاملة، وبتقولي في حقي مليون كلمة، بقى انتي شيفاني أحلى غنوة،  طب والله والله انتي اللي عنيكي حلوة ماشية تكلم الناس عليا، طب ديا سابت ايه ليا، أعملها ايه ما تقولوا، القمر مين بس يطولوا،  ده كلام قديم وأسأل عينيا، القمر أهو وبين ايديا، ينفع انتي تقولي فيا الكلام شهد، وأنا أفضل أسمع وممنوع من الرد، واحد بعرضي وطولي يتثبت بجد، طب والله والله انتي عندي مش زي أي حد

أغنية مش الحد المناسب  خلصنا خلاص غلط الاحساس من الأساس  في اختيارك، أسف ليك واسف ليا بعديك لو ده هيطفي فيك نارك،  مش الحد المناسب، مش هقدر أكمل، التفاهم اللي كان بنا بالأول،  كان مجرد حلاوة روح، مش الحد المناسب، وقبل ما ترد حاسب، احنا دلوقتي مش زي الأول،  يعني في حدود المسموح، يعني تزود ولا تطول، في ردي مش هحاسب، تشهد الناس بمنتهى الإخلاص عشت حياتي  ليك بقدمهالك، فاكر بالكلام هتبين الإهتمام وتعدي الأيام  ولا باجي ببالك، قلبي يداس ومشاعري رخاص عندك والله  وكفاياني أعاتب

أغنية علشان نضاف  أنا وقلبي بنسامح أضعاف، علشان نضاف مش ضعاف، علشان لما بنحب بنقلب الدنيا قلب، لحبيبنا وعلى زعله بنخاف، حبنا مش نقطة ضعف،  و طيبتنا دي سر قوتنا،  نقدر طبعاً نرد بالضعف،  بس دي مش طبيعتنا، أنا وقلبي بسرعة بنصفى، ومش بننسى فاكرين لسه، عارف محدش ملاك بس فيه معاك، واحد غاوي عليك يقسى،

أغنية عسكري مش ميري  يا عسكري همام يا جندي نظام، أنا عسكري زيك تمام وبدون تكليف،  أنا ومعايا كل جيلي، مش مطلوبين ولا مؤهلين لمسكة سيف، احنا في حرب وطالبين سلام،  أنا عسكري مش ميري، بحارب وكل حرب بموضوع،  بحارب من غير سلاح ولا دروع، بداري الدموع قدام التنمر،  الكلام المسموع مسدس متعمر، العنصرية مشروع علينا منمر،  برفض الركوع ولو اتهد حيلي بحارب العدو وصدري مكشوف،  بحارب وأنا بجلدي ميت من الخوف، المرض كشوف وأسمي متسجل، والجهل معروف وعندنا متبجل، التفرقة صفوف بتتغير وتتعدل،  بكيف الظروف ومكسب غيري بحارب ومين عدوي من صديقي، بحارب بدون تعيين والتخوين دقيقي،  من غير فريقي لوحدي بضرب، صعب تصديقي تملي متكدب، جندي حقيقي من غير ما يتدرب، هكمل طريقي وجوايا خيري 

غنيوة فيا ايه مبهر  ياللي انتي في المظهر، زي كل الملايكة  ونور من الجنة بيظهر، بعنيكي الرايقة بتحبيني أكيد صادقه، أنا بس بفكر فيا ايه مبهر، مميز ملفت، يخليها تحبني أنا،  فيا ايه مبهر، لا أنا الأمهر، بالعشق ولا الغنا، وهي بجد حلفت، لحبها تشهر، قدام الناس والسما، ياللي انتي في الجوهر، قيمته أغلى  وتملي بيه انتي الأشهر، يشهد المولى  بتحبيني ما أنا أولى، حبك فيا بسهر 

أغنية مش في سباق احنا مش في سباق، مين يطول في الفراق، ومين يرجع ويشتاق، والتاني هو الكسبان، طب فكر في الموضوع، انت هتخبي الدموع، وكلامي هو المسموع، وحبنا هو الخسران العناد ده زي الزناد، لو دوسنا عليه أكتر من المعتاد، انت فاهم طبعاً هيحصل ايه  العناد عندك كده زاد، ولو تعرف الحنية دي تعمر بلاد،  وبقالنا كتير ناسينها بس ليه العناد بين أي أحباب، ده أخر سكة في طريق العذاب،  مش أوله زي ما انت عارف  الوقت بيتسرق بالغياب، واحدة واحدة بنرجع أغراب، مش محتاج أثبت انت شايف

أغنية في سري  بعاتبك و بحاسبك بس في سري،  ما انتي تملي بردك عليا بتقوي، بقولك كلام فيكي يوجع يكوي،  وأكنر منه تستاهلي بقوله في سري، عتاب يخلي الحجر يحس يتوجع، والحجر عن قساوته أهو بيرجع،  لعتابي بيسمع وانتي قبل ما تفهمي بتردي  بتدافعي عن نفسك وعشان كده بحاسبك  أول بأول تملي بس في سري، مش عارف أكلمك في الحقيقة، محاولتيش تسمعي قلبي دقيقة، لا وقت ضيقه معايا وفي الفرح ضدي عايشه لوحدك ولا بتفكري باللي جنبك أيوة انتي بتلفي مش دوغري،

أغنية وقعت في صنف  وقعت في صنف، يا قلبي مغرور، إياك تستخف، بقلوب زي ديا، ارجع لف بدل ما تتلف، زي الهدية وملكش دية، تخليك ديكور، ولا ليك أي دور، خطر تلف وتدور، على قلب الحب جواه جف، اتلكك بظرف وأهرب، قولتلك أوعى تقرب، عايز تجرب وجربت، وحالك دلوقتي مالوش وصف  وقعت في صنف، معندوش شعور،  تتركن على الرف، تتنسي زمان،  تقف بالصف تتمنى عطف، تحلم بالأمان وتستعد عشان، هيعملك بخور، تتحرق كده بالدور، دخان يخف في الظهور، ده حبه مرض مش بيخف،