غنيوة من الفجر

روحك شوارع فاضية هادية، كلها ورد و شجر،
وأنوار بتتمايل وترقص كلها جاية من ضي القمر،
تحلى فيها بالسنين التمشية،
بعيد عن كل الناس المنشيه،
ومن الفجر للعشية أنا وهي في سمر،

أنا قلبي كان معطوب لمس طرف التوب،
طلب الغفران طلب يتوب، وانتي قبلتيه هوا 

ضحكتك مراكب ملوك راسية، هنا على النيل،
تضحكيها تاخديني فيها توريني عالم جميل،
مفيهوش غيرك انتي انسيه،
وانتي ملاكه وانتي الجنية، 
وأنا لا بيا ولا عليا ماشي وعليكي بميل،