أغنية مش نفس اللغة

أنا مهما أتكلم معاه وأهاتي،
وأحكي مشاكلي في حياتي،
مش بيسمعني على طول، ولو سمع مش بيفهنني،
لأ مش معقول، ده حتى محتاج ترجمة ايفيهاتي،
مع إني واضح وضوح يخلي الأعمى ساعاتي، 

أنا مهما أشرح ومهما هو رغى،
احنا بنتكلم مش نفس اللغة،
ولا نفس التفكير والأدمغة، 
نتفق على حاجات بعد ساعات،
بعد مشاورات وخد وهات،
وفي دقايق ألاقي كل ده اتلغى،

هو تملي سبب في معاناتي،
لا بيفهم عتابي ولا مجاملاتي،
دايماً مندفع كده ليه، والتمن اللي اتدفع، 
العمر واللي فيه، ما هو بيضيع بشكل يوماتي،
غلبت أقرب ليه لا نافع كلامي ولا شافع سكاتي،