أغنية دور ورق

حبيبي بيلعب بيا دور ورق، ويخم كمان من خوفه،
وغريبة قلبي ولا اتحمق، لصاحبه وهو عارف ظروفه،
وعادي مهما هو فيا سرق، مشاعري تزودله بين كفوفه،

معاكي في ايدك الواد والكومي، بتلعبي وتقامري، 
بالسالب رميتي وبصرتي،
وأنا الواد الدايب من يومي، ويا عيني من صبري،
بقى شايب قدامك انتي، 
والشايب عقاب مش مكسب، ألعب مهما ألعب،
انتي برضه اللي كسبتي،

حبيبي بيلعب بأشواقي ويتسلى، بيختبر بهوايا شطارته،
وقلبي سايبها ع الله، مفكرش ولا مرة في هيبته،
ماشي وراه وعليه بيترمى، ميزعلش لما يشوف خيبته،