أغنية شويا حب و دعم

كنت طول عمري واقف جنبك،
يوم بيوم منتهى الرعاية، مية في المية حماية، 
وطاقة أهتمام كبيرة جوايا، 
طالعة من قلبي ليك ولقلبك،
عملت ايه انت ليا أو معايا،

وانت شاهد مقصرتش، بس انت قصرت، 
واستخسرت، تديني مرة شويا حب ودعم، 
ولو كنت قاصد مكنتش، أقل من كده عملت،
وكنت سيبت، حاجة كده أفتكرهالك يا عم،

كنت فاكر هلاقيك، هنا في ضهري،
تسهر سهري، من غير ما أطلب ولا أناديك،
كنت فاكر أختارت، اللي بيشتري خاطري،
ووقت خطري، لقيتك انت أول واحد بعدت،