غنيوة لحد ما تقول كفاية

بتشك في هوايا،
لا تعالى هنا أفهمك الحكاية، 
سطر سطر وكلمة كلمة،
كده من البداية،
وأفكرك بالسنين وشكل المعاملة، 
وكل موقف بنا وجملة،
لحد ما تقول كفاية،

بتجيلك لحظات شك، وماله معاك حق،
مقولتش يعني لأ، براحتك اتأكد 
اللي بنا عمر، وياما علينا هيمر،
ميضرش في الأمر، بحبك أجدد

واخد على خاطري، لسه معرفتش يا قدري،
راكب معاك قطري، لأخر محطة
مكمل عشان حبنا، مش تعود مننا،
ليك في عقلنا، وقلبنا خطة