قصيدة غير مرغوب فيه

قلب غير مرغوب فيه، اه يا قلبي 
من الدنيا من الناس، أهو قلب وخلاص،
مالناش دعوة بيه، ليه نشغل بالنا ليه،
قلب غير مرغوب فيه، انت يا قلبي

اللي زرعتهم ورد هنا في أرض، 
روحي و عمري، 
عملت من دمي شربات وماية ورد، 
يشربوها وتروي، 
حرثت روحي عشان كانت جروحي هتسد، 
طريقهم لحلمي،
قيدت قمري طول الليالي لعينهم بجد،
ويشوفوا أمري، 
وفضلت قلب غير مرغوب فيه من حد،
ولا قدروا تعبي،

أنا المهاجر وسط حيطاني، كل يوم 
والضيف وسط مكان مكاني، معلوم 
والغريب بين العيون عرفاني، مهموم 
أنا اللي الدنيا حطاني، في البحر بعوم 
ليه مش بمشي وسط الناس معرفشي 
بعوم ليه ولفين وازاي أخد نفسي مغرقشي 
مقالتشي ولا مجاوباني، برد مفهوم 
قلب غير مرغوب فيه ولو بشكل مجاني، 
أو نصره للمظلوم 

قلب غير مرغوب فيه، بشكل عام 
لا غربان ولا حمام، صانوا عشرة أيام، 
الكل شبع من خير بيديه، ولا حد أعترف بيه،
خدهم خام، وسابوه لما بقى لهم مقام 

كل دول طلعوا على سلمي، وياما دبوا
اللي كبر واللي علي علي، بعد ما شبوا
في وقتها كان قلبي حلي، وبعدها سبوا
اللي عمل بيه واللي عمل ولي، والأحوال لعبوا 
وقالوا يا دنيا عليه ضلمي، بدل ما يحبوا
دمهم بارد بوجودي غلي، وعلى وشهم يتكبوا
قلب غير مرغوب فيه وخلي، بيه اللي عايزين يتربوا