أغنية قلبي وإلحاحه

هو ده اللي بتمناه بقالي عمر،
مهما شوفت وعدى عليا ومر،
رافض ومش قابل فكرة غيره أقابل، 
هستناه يحن يحب يبادل، حتى لو مقابل، 
إنتظار شوقه هيكون عذاب ومر

معرفش أنا قلبي وإلحاحه،
عليه هو بقاله سنين، هياخدني معاه بس لفين،
ياترى هيقابلني في الاخر بأفراحه،
وينسيني السكة والعمر اللي راحوا، 
ولا هيخلينا ندمانين، نتوه منعرفش احنا مين، 
يخرج من حزنه يروح لجراحه، 

هو ده اللي بحبه وهموت عليه، 
حلم حياتي وحياتي كلها ليه،
بس هو متردد أو خايف مش متأكد،
قلوب حواليا عليا بتسند، إلا هو بيبعد،
وبرضه مش شايف حد يقدر يجاريه