غنيوة الشمس واحدة

أحلى واحدة وسط حلوين كتار، 
النجوم كتير بس الشمس واحدة،
قالوا الجمال وجهات نظر،
شوفتك بقلبي وهو اللي أختار،
وطلعت ياقلبي عندك نظر،
حبيتك يا روحي في ثانية واحدة،

العيون زمرد والخد مورد،
والشفايف بتحدف بندق، وكل كلامها يتصدق،
الأصل والطبع والمبدأ، بلدي مش مستورد،

تمشي تبين طعم الملبن،
بالضحكة تدي دروس، وتعاتب كده بالمحسوس،
عقد مليان فصوص، سعره مينفعش يتمن،

وربي وربك قلبي حبك، 
تسمع تفهم و ترد، بنتفاهم سوا بالود، 
مرتبطين لأبعد حد، واللي ما بنا مشبك،