غنيوة حب قديم

الحب هيفضل هو الحب مهما اتغيرت السنين،
لا هو موضة ولا ترند ولا يلا ناخد صورتين،
مش بقلب ايموجي وكام ستوري نبقى عاشقين، 

أنا بحب حب قديم،
بجيب ورد و أجيب دباديب، 
هبعتلك جواب مش واتساب،
ونعمل حساب كلام الغريب، 
أنا هحبك حب قديم،
بعترف أيوة الزمن أختلف، 
بس القلب عمره ما عرف،
لساه بيغني لعبد الحليم،

الرومانسية مش كل ثانية بتتغير زي البورصة،
والأغنية ديا تشهد عليا وهتكون قدامي فرصة،
أقولك الحقيقة أنا دقه قديمة وبتمنى منك بصة،