أغنية في سابع نومه

الليل فاتح الباب، والسما كلها ضباب،
والندى مغرق كل عربيتي،
واللوع فيكي غلاب، والنهار يطلع بحساب،
دقايق معدودة لو جيتي،

انتي كده في سابع نومه، 
وأنا ويا الشوارع المهمومة،
اصحي اتونسي بصوت سومه، 
بلي ريقي بكلمة واحدة مفهومه،
دلي طريقي بإتجاه ولا بمعلومة،
ومطر غسل المدينة من حزنها معدومه، 
وبرق و رعد لاموا فيكي يجي ١٠٠ لومه، 
وانتي ولا هنا ولا قامت لك قومه،

انتي فوق هناك نايمة مدفيه،
بأحلامي الكبيرة الناعمة متغطية،
وأنا مستفرد الليل بيا يبكت فيا، 
بتحبها ازاي يابني دي بايعة القضية،
العشاق بيستنوني ومن العشا هي،
بتنام ولا على بالها حتى التمثلية، 
حبك ليها لا شاف الشمس ولا سهر ليا،
جايبالي الكلام يا روحي حتى وأنا لوحديا،