أغنية بطل الأبطال

ببص في المرايا مبشوفش حد،
اسأل اللي جوايا طب ياعم رد، 
يسيبني أنادي مستحقش الرد، 
ما أنا من البداية وهنا جوايا فاضي،

أنا بطل الأبطال في الوهم والخيال،
بطولاته ع الورق واتخلق،
من لحم ودم بحبر القلم، 
اللي دخل قتال قتل واتقتل شغال،
روحه زي الورق تتحرق،
من الندم والهم وسر الألم،

هو أنا حقيقي ولا مجرد شبح،
ناشف كده ريقي و ع الماية نبح، 
والزمن نهر ولا عمره سمح،
يروي يا صديقي ولا في طريقي ضهر،