أغنية بالفم المليان

راجع تقول والله مظلوم، 
بجد معقول مالوش لزوم،
جاي تاخدني كده بالاحضان، 
قال واحشني وعندي معزوم،
لم الدور وحنفية الحنان، 
بقولها أهو بالفم المليان،

لو عايزنا نرجع زي زمان، 
وأنسى جرحي واني تعبت، 
كان فيه زمان الست،
أيوة هي أم كلثوم،
أسمعها مرة عند اللزوم، 
وقول للزمان أرجع يا زمان،

بعد سنين حرمان وشوق، 
جاي لمين وعليه بتسوق،
ناس عزاز من كل مكان، 
بلاش استفزاز بقى وفوق،
أنا يا مسكين أسمي نسيان، 
وبقولها أهو بالفم المليان