غنيوة انتي المصدر

يا نهر أخضر شريانه، 
محاوط على قلبي،
بيجري فيه حنانه،
وفيا يملى ويعبي، 
ده أنا بذرة لا تطرح ولا ليها وزرة، 
إلا لو كنتي عايزة،
و زرعك جه أوانه،
في الأرض جدر، 
وأتلون العود الأخضر، 
وبيكي أشتد وبنصايحك أمتد،
ضهرك انحنى لزمانه،
وضهري للسما يحضر،
من بعد ما كان الولد لعبي، 
و في توبك مستخبي،
بقيت إنسان لحمي ودمي، 
ليكي يشهد أوعي تختفي من المشهد، 
انتي الأصل انتي المصدر، 
وما يقدر على كده إلا أمي،