أغنية شبه مستحيلة

قلبي سهر 
في الليالي والسهر مكنش بمزاجي،
صاحبني القمر
وبيحلالي السمر كده ويا عذابي،
اختارني السهر 
نهى الصبح و أمر قال مش هاجي،

وانتي يا حبيبتي الجميلة،
قايمه نايمه متطمنة، بيبان قلبك متبطنة،
ولا داريه باللي بيحصل وبالقلوب القتيلة 
بنت الناس الأصيلة،
قدام قلبها مدافع، تضرب هجوم وتدافع، 
الوصول ليها مهمة شبه مستحيلة

العشق حرام 
ولا حلالي أوام بقى قولي ردك،
ما لو الكلام
عندك غالي أيام العمر في عرضك،
قلبك يا سلام 
إزاي خالي وتمام وأنا مش عاجبك،