أغنية أسود سادة

حظي أنا أسود سادة،
مفيش ليه أسود مطرز، ولا مزخرف،
أو حتى منقوش، طب أسود بأسود، 
يبقى بلاش تحيز واحط الرتوش، 
على راحتي بقى ده بختي أنا 
فاهمك أوي يا دنيا يا كياده

بلاعبها على أرضها برة، 
تغلبني مرة أكسبها مرة، 
واللعبة مستمرة والنتيجة في زيادة 

حظي أنا أسود سادة،
مش فارق غامق وفاتح، ولا الدرجة،
حتغير رأي، حيفضل الأسود أسود، 
وحفضل برضه فاتح قلبي وحضني،
على الرابع كده خليكي متأكده 
وحتعيشي يا دنيا مني منكاده