أغنية يا ضمير

يا ضمير
ياللي غايب عن ناس كتير، 
من كتير
متاخد غياب مع كل الأصحاب، 
الحب والوفا الأمل والدفا، 
وبرضه الخير 

وشوش ملايكة تشم منها ريحة البركة،
على قلوب كده مش لايقه،
جواها الشر مزارع فدادين،
واخدين البر حلوانه في سلوانه،
زي اللبانة فرقع اندغ طرقع،
وناس عايقه وناس مضايقه،

وشوش طيبة تحس إنها منك قريبة،
بس النفوس هي اللي متعيبه،
تبيع وتشتري حسب المصلحة،
مسك و ربيع ريحتهم من مبخرتهم،
وحقيقتهم ورق و حطب بيتحرق،
ع الكدب متدربة ونوايا عقربة،